ИНТИХОБОТИ ВАКИЛОНИ ХАЛҚ-2025. Муаррифии номзадон аз ҳавзаи якмандатаи Хуҷанд №13

Мулоқотро раиси комиссияи ҳавзавии интихоботии ҳудудии якмандаи Хуҷанд№13 оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон Илҳом Саидзода ифтитоҳ намуда, аз ҷумла афзуд, ки 2 марти соли равон интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон, маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо ва ҷамоатҳои шаҳраку деҳот ва 28 март интихоботи даъвати нави аъзои Маҷлиси миллии Маҷлиси Олии Ҷумҳурии Тоҷикистон таъйин гардидааст.

Ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Хуҷанд№13 ҳамагӣ 4 нафар номзадон: Мавсума Муинӣ, муовини Раиси Маҷлиси намояндагони Маҷлиси Олии Ҷумҳурии Тоҷикистон, ки маҷлиси Кумитаи иҷроияи ҲХДТ дар шаҳри Хуҷанд пешниҳод намудааст, Бахтиёр Маҳмудзода, муовини ректори ДДХ ба номи академик Бобоҷон Ғафуров ва Замира Ӯлмасова, декани факултети ДДХ ба номи академик Бобоҷон Ғафуров ба тариқи худпешбарӣ, Дилфуза Ғафурова, муовини директори МТМУ №16-и шаҳри Хуҷанд конфронси ғайринавбатии Ҳизби ислоҳоти иқтисодии Тоҷикистон пешбарӣ намудааст.

Мувофиқи тартиби муқарраргардида, баъд аз муаррифии номзадҳо аз ҷониби шахсони боэътимод Нодирҷон Солиҷонов, Сомон Бурҳонзода, Саноат Тиллохӯҷаева ва Фаридун Абдуллоев шахсият ва барномаҳои пешазинтихоботии номзадон ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Хуҷанд№13 -ро манзури ҳозирин гардониданд.

Номзадон ба вакилӣ: Мавсума Муинӣ, Бахтиёр Маҳмудзода, Замира Ӯлмасова ва Дилфуза Ғафурова низ ҳадафи иштирокашон дар маъракаи интихоботиро шарҳу тавзеҳ доданд.

Иштирокдорон даъват шуданд, ки дар интихобот фаъолона иштирок намуда, ба ҷонибдории номзади арзанда овоз диҳанд.