“Хуҷанд –Ситӣ” мавриди баҳрабардорӣ қарор дода мешавад

Ба муносибати ин ҷашни умумимиллӣ дар шаҳри Хуҷанд бунёду азнавсозии 950 иншоот ба нақша гирифта шуда, то ба имрӯз 744 адади он мавриди баҳрабардорӣ қарор дода шудааст, 78 фисади нақшаи уммиро фаро мегирад.

Раиси шаҳри Хуҷанд Фирдавс Шарифзода зимни як боздиди корӣ аз раванди сохтмони яке аз иншооте, ки дар хиёбони ба номи Раҳмон Набиев бунёд шуда истодааст, шинос гардид.

Иттилоъ дода шуд, ки дар ин минтақа маҷмааи 6 адад сохтмони бинои истиқоматии 9,11 ва 13 ошёна бо номи “Хуҷанд Ситӣ”, ки аз ҷониби Ҷамъияти дорои масъулияташ маҳдуди «Бинои мунаввар» бо бренди «Элит сохтмон» бунёд ёфта истодааст, бо манзара (мансарда), маркази савдо ва хизматрасонӣ дар ошёнаи аввал, таваққуфгоҳи зеризаминӣ барои нақлиёти сабукрав, майдонча барои бозии бачагон ба нақша гирифта шуда, айни замон корҳо дар сатҳи хуб пеш рафта истодааст.

Бояд гуфт, ки лоиҳаи он аз ҷониби филиали Ҷамъияти дорои масъулияташ маҳдуди «Архиком-К» омода гардида, пудратчии он Ҷамъияти дорои масъулияташ маҳдуди «Бинои Мунаввар» мебошад. Мутобиқи нақша бино аз се қисм, А, Б,В иборат буда, дорои 250 ҳуҷраи истиқоматӣ мебошад ва дар қабатҳои 9 ва 10–уми он майдони алоҳида, ба истилоҳ пентхаус ҷой дода шудааст, ки истиқоматкунандагон метавонанд дар ин макон бо истироҳат фаро гирифта шаванд. Бояд гуфт, ки биноҳо аз хонаҳои як, ду ва се ҳуҷрагӣ иборат буда, аз 51 то 122 метри мураббаъ иборат мебошанд. Айни замон дар сохтмони иншоот 30 нафар сохтмончӣ дар ду баст фаъолият дошта, масъулин азм доранд, корҳои ин биноро мувофиқи талаботҳои сохтмонӣ бо сифати баланд ба итмом расонанд.

Бояд гуфт, ки Ширкат дорои шаҳодатномаи Вазорати рушди иқтисод ва савдои Ҷумҳурии Тоҷикистон буда, ба дарёфти Ҷоизаи биринҷии «Бренди сол - 2022» бо «Элит сохтмон» мушарраф гардидааст.

Раиси шаҳри Хуҷанд ба масъулини ширкат ҷиҳати ободу зебо намудани атрофи бино, гулзор намудан ва ба макони фароғату истироҳати шаҳрвандон мубаддал гардонидани атрофи он дастуру супоришҳо дод.

Иттилоъ дода шуд, ки бинои асосии маҷмааи “Хуҷанд Ситӣ” дар рӯзҳои таҷлили Иди Наврузи байналмилалӣ мавриди баҳрабардрӣ қарор дода мешавад, ки ба зебогии шаҳри Хуҷанд нури дигар зам менамояд.