06 Январ 2025
Паёми солонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳамчун маълумоти расмии солона доир ба вазъи кишвар дар самтҳои асосии сиёсати дохилӣ ва хориҷии давлат буда, ҳамзамон, дар он таҳлилҳо ва нуктаи назари Сарвари давлат оид ба самтҳои стратегии рушди Тоҷикистон-Ватани азизамон дар ояндаи наздик ифода мегардад. Паём дар баробари муқаррароти дорои хусусияти сиёсӣ, иқтисодӣ ва идеологӣ, ҳамчунин, фарогирандаи пешниҳодҳои мушаххас, ки ба фаъолияти занону бонувон марбут аст.
Дар муайян намудани сиёсати дохилию хориҷӣ Паёми Роҳбари Давлат аҳамияти хосса дорад. Он на танҳо вазъи кишвар ва мавқеи он дар ҷаҳонро арзёбӣ мекунад, балки афзалиятҳои дарозмуддат, аз ҷумла, дар соҳаи иҷтимоӣ, иқтисодӣ, фарҳангӣ, сиёсати хориҷӣ ва дохилӣ, дар соҳаи илму маориф, амният ва мудофиаро муайян менамояд.
Зикр кардан бамаврид аст, ки дар роҳандозӣ кардани ин афзалиятҳо талошҳои созандагиву бунёдкорона ва ҷидду ҷаҳд ва саъю кӯшиши тамоми ҷомеа тақозо карда мешавад.
Занону бонувон ҳамчун рушду нумуъбахшандаи ҷомеаи соҳибистиқлол, демократӣ, дунявӣ, ягона ва иҷтимоӣ ҳамеша дар маркази таваҷҷуҳи Сарвари мамлакат қарор дорад. Президенти кишвар, муҳтарам Эмомалӣ Раҳмон дар Паёми ҳамасолаи хеш доир ба мақому манзалати занону бонувон фикрҳои арзандаву воқеӣ баён мекунанд.
Аз ҷумла дар Паёми ПРезиденти мамлакат омадааст: Мақому манзалату занону бонувон ва нақши онҳо дар эъмори давлати муосир ва рушди ҷомеа маҳз дар замони соҳибистиқлолӣ воқеан боло рафтааст. Таъкид менамоянд, Ҷаноби Олӣ:
Ҳоло дар кишвар 25 фоизи хизматчиёни давлатӣ, 73 фоиз кормандони соҳаи маориф, 71 фоизи кормандони соҳаи тиб, 47 фоизи кормандони соҳаи фарҳанг, 37 фоиз олимон ва 30 фоизи соҳибкоронро бонувону занон ташкил медиҳанд.
*дар замони соҳибистиқлолӣ зиёда аз 280 ҳазор нафар духтарон муассисаҳои таҳсилоти олиро хатм кардаанд, яъне соҳиби маълумоти олӣ гардидаанд.
*зиёда аз 25 ҳазор духтарону бонувон муассисаҳои таҳсилоти олии кишварҳои хориҷиро хатм карда, соҳибмаълумот шудаанд.
*ҳоло аз 214 ҳазор нафар донишҷӯёни муассисаҳои таҳсилоти олии касбии кишвар 90 ҳазор нафар ё 42 фоизро духтарон ташкил медиҳанд.
*мо ба азму ирода ва масъулиятшиносии бонувону духтарони тоҷик ҳамчун неруи бузурги ҷомеа эътимоди комил дорем ва дастгирии ҳамаҷонибаи онҳоро идома медиҳем.
*бовар дорем, ки бонувону занон ва модарону духтарони азизи мо дар амалисозии талаботу муқаррароти қонунҳои миллӣ, пешгирӣ кардани бегонапарастӣ, аз ҷумла, сару либос ва оинҳои барои мардуми мо бегона, ба камол расонидани наслҳои солим, таҳкими сулҳу субот дар ҷомеа, пешрафти авлат ва ободии Ватан минбаъд низ саҳми арзишманди худро мегузоранд.
*зеро онҳо эҳёкунандаву нигоҳдоранда ва тарғибкунандаву посдорандаи беҳтарин суннату анъанаҳои миллӣ ва расму оинҳои асилу бостонии халқамон мебошанд.
Суханони самимонаи Пешвои миллат гувоҳи онанд, ки занону бонувони тоҷик на танҳо дар Ватани худ, балки берун аз он бо донишу маҳорату малакаи касбиамон шуҳрати ҷаҳонӣ доранд.
Дар Хуҷандшаҳр 101 ҳазору 400 нафар занону бонувон дар муассисаҳои мухталиф кору фаъолият менамоянд ва онҳо дар 22 маҳаллаҳо сарҷамъ гардида, дар руҳияи дӯстона, меҳнатдӯстӣ, ватандориву меҳанпарастӣ ва худогоҳии милливу хештаншиносӣ, дар таълиму тарбияи фарзандону насли навраси ояндасози Ватан саҳми мондагор доранд, инчунин дар ташвиқу тарғиби мазмуну муҳтавои Паём дар риштаҳои гуногуни ҷомеа фаъолона ширкат меварзанд.
Шуъбаи кор бо занону бонувони Мақомоти иҷроияи ҳокимияти давлатии шаҳри Хуҷанд, доир ба Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ нақшаи тадбирҳои мушаххас омода карда, аз рӯйи он корбарӣ намуда, ҷиҳати амалии онро роҳандозӣ карда истодааст. бо нияти таъмини ҷиҳати амалии кор аз ҳисоби фаъолзанҳо ба маҳаллаҳо ахборотчиёни сиёсӣ мувофиқи ҷадвали тасдиқ карда шуда, ташкилу гузаронида шуда истодааст.
Бо такя ба суханони Сарвари мамлакатамон бояд бори дигар таъкид намуд, ки ҳар як фарди дорои номусу нанг, андешаву афкори шахсӣ дар зебову обод намудани кишварамон, баланд бардоштани сатҳи сифати зиндагии халқамон ва вусъат бахшидани обрӯи Ватани биҳиштосоямон дар арсаи байналмилалӣ саҳми худро гузорад.
Манучеҳра Кенҷазода, мудири шуъбаи кор бо занон ва
оилаи Мақомоти иҷроияи ҳокимияти давлатии шаҳри Хуҷанд
