Озмуни мазкур аз рӯи номинатсияҳои намоиши либосҳои тантанавӣ-идона, намоиши либосҳои рӯзмарра-расмӣ, намоиши либосҳои кӯдакона, намоиши ҳунарҳои мардумӣ баргузор гардида, дар озмун мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд Манучеҳра Кенҷазода, мудири кор бо занони Ҳизби Халқии Демократии Тоҷикистон дар шаҳри Хуҷанд Дилором Қурбонова, намоянда аз ҶДММ “Ҷавонӣ”, М. Раҳмонова омӯзгорону хонандагони муассисаҳои таҳсилоти миёнаи умумии вилояти Суғд ширкат варзиданд.

Ба ҳозирин паёми шодбодии директори донишкада Шаҳриёр Саъдуллозода расонида шуда, дар он аз ҷумла зикр шудааст, ки Асосгузори сулҳу ваҳдати миллӣ, Пешвои миллат -Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳои хеш вобаста ба тарбияи наслҳои худогоҳ ва ҷавобгӯ ба талаботи замона баён дошта буданд: «…Моро зарур аст, ки боз ҳам зиёдтар заҳмат кашида, ба масъалаи таълиму тарбия афзалияти бештар диҳем, сатҳу сифати таълимро дар ҳамаи зинаҳо беҳтар кунем, барои таҳсилоти босифат аз тамоми имконот истифода карда, заминаҳои моддиву техникии муассисаҳои таълимиро таҳким бахшем ва самарабахшии фаъолияти онҳоро таъмин намоем”. Ҷомеаи устодону шогирдони донишкада баҳри дар амал татбиқ дастуру ҳидоятҳои Сарвари давлат фаъолиятро дучанд намуда, дар донишкада барои ноил шудан ба мақсадҳои олии донишҷӯён ва саҳм гузоштан ба чор ҳадафи стратегии кишвар дар ҷодаи тарбияи кадрҳои соҳибтахассус шароитҳои мусоид фароҳам оварда шудааст.

Мо ифтихор менамоем, ки донишкадаи моро фазои созандагиву бунёдкорӣ, фазои навовариву ихтироъкорӣ, муҳити ҳамбастагиву муттаҳидӣ, ки хоси ҷомеаи имрӯзаи муттамадини Ватани азизи мост, фаро гирифтааст.

Манучеҳра Кенҷазода, мудири шуъбаи кор бо занони шаҳри Хуҷанд дар баромади худ зикр кард, ки эҳёи анъанаву ҳунарҳои миллӣ дар меҳвари сиёсати имрӯзаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дода шуда, тарғиби ҳунарҳои миллӣ қисми таркибии ташаккули ҳисси ватандӯстӣ, ифтихор аз гузаштагон мебошад ва бо шарофати Истиқлолияти давлатӣ ва Ваҳдати миллии Ҷумҳурии Тоҷикистон имконпазир гаштааст. Арҷ гузоштан ба арзишҳои миллӣ ва гиромидошти анъанаву суннатҳои ниёгон барои баланд шудани ҳувияти миллӣ ва худшиносиву худогоҳӣ мусоидат менамояд.

Байни хонандагони муассисаҳои таҳсилоти миёнаи умумии вилояти Суғд низ аз рӯи шартҳо вобаста ба маҳорати дӯзандагӣ озмун баргузор гардида, хоҳишмандон фаъолона ширкат варзиданд.

Озмун дар сатҳи баланди касбӣ доир гардида, ғолибон бо дипломҳои дараҷавӣ, сипоснома, тӯҳфаҳои донишкада ва сарпарасти озмун- ҶМММ “Фатир”, ки таҳти бренди “Орди Фатир” ки бо донишкада ҳамкории судманд дорад, қадрдонӣ гардиданд.