08 Ноябрь 2024
Недоступен ни однин перевод.
Санаи 7 ноябр дар варзишгоҳи “Спартак”-и шаҳри Хуҷанд маросими ҷамъбастии мусобиқаи шаҳрӣ аз рӯи намуди футбол байни хонандагони муассисаҳои таҳсилоти миёнаи умумӣ, литсей ва гимназияҳои соли таваллуди 2009-2010 барои дарёфти Ҷоми Раиси шаҳри Хуҷанд баргузор гардид.
Мусобиқа аз санаи 14 октябр то 7 ноябри соли 2024 тибқи нақша чорабиниҳои якҷоя Федератсияи футболи шаҳри Хуҷанд, шуъбаи маориф, бахши кор бо ҷавонон ва варзиши шаҳри Хуҷанд ва Кумитаи иҷроияи Ҳизби Халқии Демократии Тоҷикистон дар шаҳр баргузор гардид, ки дар он зиёда аз 240 нафар футболбозон дар ҳайати 16 даста байни ҳам қувваозмоӣ намуданд.
Таъкид шуд, ки мақсад аз баргузории мусобиқа ин ташвиқу тарғиби тарзи ҳаёти солим, тарғиб ва рушду инкишофи бозии футбол байни наврасону ҷавонон, пешгирӣ намудани наврасону ҷавонон аз қонуншиканиву ҷинояткорӣ, пайдо намудани футболбозони навраси болаёқат ба ҳисоб меравад.
Дар натиҷаи мусобиқа дастаи “Гимназияи №4” сазовори мақоми якум , дастаи “МТМУ №16”ҷои дуюм, дастаҳои “Гимназияи №1” ва “МТМУ №31” ҷои сеюмро ба даст оварданд.
Дар охир дар вазъияти тантанавӣ ғолибону ҷоизадорон ва бозингарони беҳтарин бо диплому медал ва тӯҳфаҳои хотиравӣ қадршиносӣ карда шуданд.
Дафтари матбуоти
Раиси шаҳри Хуҷанд
