Асосӣ АрхивМТТ№15: Бе мураббӣ зери гардун мўътабар натвон шудан!

МТТ№15: Бе мураббӣ зери гардун мўътабар натвон шудан!

(0 голоса, среднее 0 из 5)

02 Октябрь 2024

Недоступен ни однин перевод.

Дар муассисаи томактабии №15-и шаҳри Хуҷанд бахшида ба Иди омӯзгор маҳфили хушҳолӣ таҳти унвони “Бе мураббӣ зери гардун мўътабар натвон шудан!”бо иштироки маъмурият, волидайн ва мураббияҳои муассисаи таълимии номбурда баргузор гардид.

Тарбиятгирандагони ин муассисаи томактабӣ бо мураббиёни худ барномаи рангини адабию фарҳангӣ фарогирии васфи муаллимро пешниҳод намуданд. Шеъру суруд ва гуфторҳо дар бораи қадру манзалати мураббия, устод ва муаллим гуфта шуд.
Таъкид гардид, ки омӯзгор машъалафрӯзи ҷаҳони маънавӣ ва нурбахши зиндагӣ маҳсуб мешавад, ин рисолат ӯро дар ҷомеа сазовори обрӯ ва эҳтироми хоса гардонидааст. Муаллим, пеш аз ҳама, афрӯзандаи чароғи дурахшони илму дониш аст ва хушбахтона, қисми асосии зиёиёни кишварро муаллимон ташкил мекунанд. Муаллим дар баробари омӯзонидани илму дониш, инчунин омӯздаиадаб ва ҳидояту роҳнамоии шогирдон ба роҳи рост мебошад. Омӯзгори дилсӯзу бомаърифат ва ба тарбияи инсон содиқ чароғи маърифат ва боигарии миллат аст.
Ифтихор ва сари баланди мост, ки тоҷикон аз қадим соҳиби китобу қалам, илму маърифат ва олиму омӯзгор буданд, ҳастанд ва дар оянда низ чунин хоҳанд монд.
Бояд қайд намуд, ки тарбиятгирандагони муассисаи томактабии №15 барномаи фарҳангии хешро бо 2 забон манзури ҳозирин гардониданд.