Асосӣ АрхивТаваҷҷуҳ ба рушди соҳаи саноат ва ташкили корхонаҳои саноатӣ дар Хуҷанд

Таваҷҷуҳ ба рушди соҳаи саноат ва ташкили корхонаҳои саноатӣ дар Хуҷанд

(1 голос, среднее 1.00 из 5)

21 Сентябрь 2024

Недоступен ни однин перевод.

Имрӯз Раиси вилояти Суғд Раҷаббой Аҳмадзода дар шаҳри Хуҷанд бо фаъолияти ҶДММ "Фархунда" шинос шуд.

Ҷамъияти дорои масъулияти маҳдуди "Фархунда" дар маҳаллаи 16-уми шаҳри Хуҷанд ҷойгир буда, бо бренди "Фархунда" тушбера ва бо бренди "Барги сабз" печениҳои гуногун истеҳсол менамояд.
Дар коргоҳи истеҳсоли тушбера 40 нафар ва дар коргоҳи истеҳсоли печениҳо 30 нафар занону духтарон машғули кор буда, маҳсулоти истеҳсолшаванда дар бозор серхаридор мебошад.
Раиси вилоят зимни шиносоӣ барои васеъ намудани доираи фаъолият, ташкили ҷойҳои нави корӣ, зиёд намудани ҳаҷми истеҳсоли маҳсулот супоришҳои мушаххас дод.
Сипас, роҳбари вилоят аз ҶДММ "Донаи алмос" боздид намуд. Корхона дар ҳудуди Минтақаи озоди иқтисодии "Суғд" ҷойгир буда, ба коркард, бандубаст ва содироти хушкмеваҳои Тоҷикистон машғул мебошад. Айни замон дар корхонаи мазкур 22 нафар машғули кор ҳастанд ва тасмим ҳаст, ки дар оянда корхона фаъолияти худро тақвият бахшад.
Дар шаҳри Хуҷанд ҳамзамон аз ҷониби ҶДММ "Ҷураев О" ташкили коргоҳи ҷорӯббофӣ идома дошта, ба таври таҷрибавӣ истеҳсоли ҷорӯб оғоз ёфтааст. Зимни шиносоии роҳбари вилоят иттилоъ дода шуд, ки коргоҳ ҷиҳати таъмини бозори дохилӣ бо маҳсулоти ватанӣ таъсис дода шудааст.