БАХШИ КӮДАКОНАИ ШУЪБАИ ҶАРРОҲИИ АСАБИ БЕМОРХОНАИ ШАҲРӢ БА ИСТИФОДА ДОДА ШУД

Бо иштироки Вазири тандурустӣ ва ҳифзи иҷтимоии аҳолии Ҷумҳурии Тоҷикистон, роҳбари гуруҳи кории Ҳукумати Ҷумҳурии Тоҷикистон бахшида ба таҷлили 35 солагии Истиқлоли давлатии Ҷумҳурии Тоҷикистон дар шаҳри Хуҷанд Ҷамолиддин Абдуллозода ва Раиси шаҳри Хуҷанд Фирдавс Шарифзода бахши кӯдаконаи шуъбаи ҷарроҳии асаби Беморхонаи шаҳрии клиникии № 1 шаҳри Хуҷандро баъд аз таъмиру азнавсозӣ мавриди баҳрабардорӣ қарор доданд.

Иттилоъ дода шуд, ки бахши кӯдаконаи шуъбаи ҷарроҳии асаби беморхонаи клиникавии шаҳрии №1 дар вилоят ягона табобатгоҳ буда, дар он табибони соҳибтахасус кору фаъолият доранд. Бахши кӯдаконаи шуъбаи ҷарроҳии асаб дорои 12 кати муолиҷавӣ буда, баъди азнавсозӣ ба маблағи беш аз 800 000 сомонӣ бо таҷҳизоти муосири таъмин карда шуд. Ба табибон таҷҳизоти муосир аз ҷумла дастгоҳи эндоскопӣ, ЭОП, мизи ҷарроҳии ҳозиразамон имкон медиҳад, ки табибон ҳамаи намудҳои омосҳои мағзи сар ва ҳароммағз, бемориҳои шараёни мағзи сар, бемориҳои модарзодии системаи марказии асаб, нуқсонҳои системаи марказии асаб, нуқсонҳои системаи марказии асаб, нервологияҳои системаи мағси сар ва ғайраро ташхису табобат намоянд.

Дар ҳамин ҷо Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо табибони беморхонаи клиникавии шаҳрии №1 сӯҳбати озоду ошкоро намуда, аз дастовардионҳо, махсусан гузаронидани ҷарроҳии нодир маълумот пайдо намуда, онҳоро барои такмили ихтисос ва донишандӯзии бештар дар клиникаҳои пешрафтаи дунё муосидат намуд.

Ҷамолиддин Абдуллозода гуфт, ки табибони тоҷик дар даврони соҳибистиқлолии мамлакат барои ташхис ва табобати бемориҳо зиёда аз 2 ҳазор амалиёти нав ворид намуданд ва дар 33 соли Истиқлоли давлатӣ соҳаи тандурустӣ ба муваффақияти назаррас ноил гардида, сатҳу сифати хизматрасонӣ ба беморон нисбат ба солҳои қаблӣ ба маротиб боло рафтааст. Барои ноил шудан ба ҳадафҳои дарпешистода аз ҷониби Ҳукумати Ҷумҳурии Тоҷикистон тамоми шароит ва имконоти мусоид фароҳам оварда шуд. Дар ояндаи наздик дар соҳаи тибби кишвра таҳаввулоти ҷадид ба миён меояд.

Иттилоъ дода шуд, ки дар шашмоҳаи аввали имсол дар муассисаҳои тандурустии мамлакат 62 навгонӣ, аз ҷумла 27 адад дар самти ташхис ва 35 адад дар самти табобат ворид карда шуд.

Навгониҳои ба самти ташхис воридшуда бемориҳои саратон, меъдаю рӯда, пайвандсозии узвҳо, бемории дилу рагҳо, бемориҳои пӯст ва дар самти табобат ҷарроҳиҳои дилу рагҳо, сутунмӯҳра, пайвандсозии узвҳои инсон, бемориҳои меъдаю рӯда ва саратон, ҷарроҳиҳои қафаси сина, абдоминалӣ, рентгенэндоваскулярӣ ва чашмро дар бар мегиранд.

Дар шашмоҳаи аввал дар 139 нафар амалиёти ҷарроҳии пайвандсозии узвҳо (2023-124) гузаронида шуд, ки нисбат ба ҳамин давраи соли 2023 15 адад зиёд мебошад.

Ҳамчунин гуфта шуд, ки дар солҳои пеш беморон барои ташхис ва табобат ба хориҷи мамлкат сафар мекарданд. Имрӯз аз хориҷи мамлкат барои ташхис ва табобат ба Тоҷикистон меоянд.

Зеро дар давраи соҳибистиқлолии мамлакат дар муассисаҳои тиббӣ тамоми шароит ва имконият фароҳам оварда шудааст.