Асосӣ АрхивХуҷанд: Ҳашарҳои дастҷамъона баҳри ободонии маҳаллаҳо

Хуҷанд: Ҳашарҳои дастҷамъона баҳри ободонии маҳаллаҳо

(1 голос, среднее 1.00 из 5)

17 Август 2024

Недоступен ни однин перевод.

Субҳи имрӯз бахшида ба 33-солагии Истиқлолияти давлатии Ҷумҳурии Тоҷикистон таҳти роҳбарии Раиси шаҳри Хуҷанд Фирдавс Шарифзода дар тамоми гӯшаву канори шаҳр ҳашарҳои дастҷамъона ташкил карда шуд, ки дар он беш аз 300 нафар кормандони касбу кори гуногун иштирок намуда, дар корҳои ободонию бунёдкорӣ бомаром саҳми муносиб гузоштанд.

Дар ин радиф дар тамоми маҳаллаҳои шаҳр тадбирҳои ободонӣ, бунёди иншооти таъиноташ гуногун ва таъмини зиндагии шоистаи мардум ба василаи муҳайё намудани мавзеъҳои истироҳатию фароғатӣ роҳандозӣ гардидааст.
Корҳои ободонӣ бахусус дар қадди шоҳроҳҳо, дохили микроноҳияҳо, соҳили дарёи Сир ва дигар ҷойҳо ҷамъиятӣ сурат гирифта, бинои якчанд хонаҳои баландошёнаи микроноҳияи 19-уми шаҳр рангубор карда шуд, атрофи он аз алафҳои бегона тоза карда шуданд.
Дар партави ин корҳои ободонию созандагӣ ва бунёдкории шаҳрдорӣ кӯчаи Камоли Хуҷандӣ, роҳи назди корхонаи “Зиннат” мумфарш карда шуданд.
Ин ҳама тадбирҳо имкон медиҳад, ки шаҳри бостонии Хуҷанд ба яке бузургтарин шаҳрҳои сайёҳии Тоҷикистон мубаддал гардида, барои муаррифии бештари табиати нотакрор ва маконҳои таърихию фарҳангии миллати тоҷик ба сайёҳон заминаи мусоид хоҳад шуд.