Асосӣ БойгонӣТаваҷҷуҳ ба бунёди иншооти варзишӣ дар Хуҷанд

Таваҷҷуҳ ба бунёди иншооти варзишӣ дар Хуҷанд

(1 овоз, миёна 1.00 аз 5)

13 Август 2024

Дар шаҳри Хуҷанд корҳои ободониву созандагӣ вусъат ёфта, то ҷашни 35-солагии Истиқлоли давлатии Ҷумҳурии Тоҷикистон иншооти таъиноташ гуногун сохта ба истифода дода мешавад.

Бо мақсади фароҳам овардани шароити муносиби истироҳату фароғат ва машғул шудан ба варзиш дар маҳаллаҳои шаҳри Хуҷанд бунёди беш аз 30 майдончаи варзишӣ ба нақша гирифта шудааст. Раиси вилояти Суғд Раҷаббой Аҳмадзода зимни мулоқот бо сокинони микроноҳияҳои 18 ва 19-уми шаҳр таъкид намуд, ки тадбирҳои бунёдкорӣ дар самти ба истифода додани майдончаҳои варзишӣ дар маҳаллаҳо ба анҷом расонида мешавад.
Зимни суҳбат таваҷҷуҳи масъулин ва сокинон ба масъалаи риояи фарҳанги шаҳрдорӣ, тоза нигоҳ доштани муҳити зист, саҳм гузоштан дар корҳои ободонӣ ва дигар масъалаҳои муҳим ҷалб карда шуд.
Шаҳри Хуҷанд маркази маъмурии вилояти Суғд ба ҳисоб меравад ва ташрифи сайёҳону меҳмонон сол аз сол бештар мегардад. Аз ин хотир, тоза нигоҳ доштани кучаву хиёбонҳо ва риояи фарҳанги баланди шаҳрдорӣ аз ҳар нафар масъулиятро талаб мекунад.
Сипас, Раиси вилоят аз ҳоли собиқадорони меҳнат Саноат Яҳёева ва Татяна Федотова хабар гирифта, ба онҳо кӯмакҳои моддӣ расонид.