Асосӣ БойгонӣАКСИЯИ “ТОҶИКОНА МЕПӮШЕМ" ДАР БЕМОРХОНАИ КЛИНИКАВИИ ШАҲРИИ №1-и ШАҲРИ ХУҶАНД

АКСИЯИ “ТОҶИКОНА МЕПӮШЕМ" ДАР БЕМОРХОНАИ КЛИНИКАВИИ ШАҲРИИ №1-и ШАҲРИ ХУҶАНД

(0 овоз, миёна 0 аз 5)

18 Июл 2024

Эҳёи анъанаву ҳунарҳои миллӣ дар меҳвари сиёсати имрӯзаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дода шуда, тарғиби ҳунарҳои миллӣ қисми таркибии ташаккули ҳисси ватандӯстӣ, ифтихор аз гузаштагон мебошад ва бо шарофати Истиқлоли давлатӣ ва ваҳдати миллии Ҷумҳурии Тоҷикистон имконпазир гаштааст.

Арҷ гузоштан ба фарҳанги миллӣ ва анъанаҳои неки аҷдодӣ, махсусан либоси зебои миллӣ, атласу адрас, чакан, баланд бардоштани фарҳанги либоспӯшӣ ва гиромидошти анъанаву суннатҳои ниёгон барои баланд шудани ҳувияти миллӣ ва худшиносиву худогоҳӣ мусоидат менамояд.
Ҷиҳати татбиқи дастуру ҳидоятҳои Пешвои муаззами миллат муҳтарам Эмомалӣ Раҳмон ва роҳбарияти шаҳри Хуҷанд баҳри гиромидошти арзишҳои фарҳангӣ, тарбияи эҳтиром ба либоси миллӣ, ҳисси зебопарастӣ, бедор намудани завқи баланди ҷавонон ба маданияти либоспӯшии миллӣ дар Беморхонаи клиникавии шаҳрии №1-и шаҳри Хуҷанд аксия таҳти унвони “Мо тоҷикона мепӯшем” баргузор гардид.
Аксияи мазкур бо иштироки кормандони ин муассисаи тандурустӣ гузаронида шуда, даъват ба амал оварда шуд, ки ҳарчӣ бештару беҳтар аз ҳунару фарҳанги бойи миллиамон огоҳ бошанд ва барои эҳёву рушди онҳо замина гузоранд.