Дар мулоқот мудири шуъбаи кор бо занон ва оилаи шаҳри Хуҷанд Манучеҳра Кенҷазода иштирок намуда, аз ҷумла таъкид кард, ки зани тоҷик бояд бо гуфтору рафтори шоиста, донишу маърифат, ахлоқу маънавиёти баланд ва бо арҷгузорӣ ба либосу фарҳанги миллӣ ворисони арзандаи ниёгон бошанд.

Дар вохӯрӣ ҳамзамон масъалаи татбиқи қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи тарбияи кӯдак”», «Дар бораи барномаи давлатӣ оид ба пешгирии зӯроварӣ дар оила барои солҳои 2014-2023», «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030», «Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2022-2030» ва «Консепсияи рушди оила дар Ҷумҳурии Тоҷикистон» мавриди баррасӣ қарор гирифтанд.

Таъкид шуд, ки пешгирии ҳамроҳшавии ҷавонон ба гурӯҳҳои ҷиноятпеша, ҳизбу созмонҳои терористию ифротгаро, тамоюлҳои бегонапарастӣ, тақлид ба маданият ва тарзи либоспӯшии ба фарҳангӣ мо бегона ва ба ин васила тарбия намудани насли наврас дар руҳияи ватандӯстӣ мақсади асосии чунин ҷаласаҳо мебошад.

Зимни суҳбат инчунин оид ба пешгирии омилҳои номатлуб, ҷинояту ҷинояткорӣ, аз байн бурдани тамоюли бегонапарастӣ, пешгирии ҷудошавии оилаҳо, таълиму тарбия, одобу рафтор, соҳибкасб ва соҳибмаълумот гардидани духтарон, омода гардидани онҳо ба ҳаёти мустақилона андешарониҳо сурат гирифт.