Асосӣ БойгонӣАудиошунавоӣ: Усули нави шиносоӣ бо мавзеъҳои нотакрори таъриху фарҳанги қадима

Аудиошунавоӣ: Усули нави шиносоӣ бо мавзеъҳои нотакрори таъриху фарҳанги қадима

(0 овоз, миёна 0 аз 5)

16 Июл 2024

Роҳбари директори Дафтари Шветсария оид ба ҳамкорӣ дар Тоҷикистон Саломе Штайб, директори Осорхонаи миллӣ Зафаршо Иброҳимзода баҳри муаррифӣ ва татбиқи микролоиҳаи иҷтимоӣ оид ба рушди соҳаи фарҳанг ба Осорхонаи таърихии вилояти Суғди Муассисаи давлатии “Маҷмааи таърихию фарҳангии “Қалъаи Хуҷанд” ташриф оварданд.

Меҳмононро  омири кулли МД МФТ “Қалъаи Хуҷанд” Иброҳимҷон Иброҳимовпешвоз гирифта хайра мақдам гуфт. Чорабинии мазкур дар якҷоягӣ бо Ташкилоти ҷамъияти “Равобит” бо роҳбарии ширкати телевизион ва радиои “Диёр” Фирӯза Мирҷумъаева баргузор гардид. Инчунин, дар чорабинӣ намоянда аз Мақомоти иҷроияи ҳокимияти давлатии вилояти Суғд, директори Маркази таълимии – методӣ Олимҷон Юсупов иштирок дошт.
Таъкид шуд, ки мақсади асосии чорабини татбиқи микролоиҳаи иҷтимоӣ оид ба рушди соҳаи фарҳанг ва ба ин васила муаррифӣ намудани таърихи мероси куҳанбунёди халқи тоҷик ба меҳмонону сайёҳони дохиливу хориҷӣ равона гардидааст. Ҳадафи асосии лоиҳаи татбиқшаванда ин нигоҳ доштани мероси бою таърихӣ-фарҳангии Хуҷанди бостонӣ бо ҷалби таваҷҷуҳи ҷомеа ва ҳифзи таърихи нотакрори мавзеъҳои қадимаи минтақа ба ҳисоб меравад.
Тавассути сайри илмӣ ин намоиши сайру гашти озодӣ аудиоӣ, роҳи нави шиносоӣ бо мавзеъҳои нотакрори таъриху фарҳанги қадима мебошад, муаррифӣ мекунад. Татбиқи ин микролоиҳа ба ҳар як сокинон ба бар намудани дастгоҳи махсуси гӯшдораки овозӣ ба истилоҳ “аудиоспектакл-променад” аз манзараҳои ҷолиб бо тариқи тасвирӣ зинда бо симои қадимаи шаҳр ва ҳунарҳои мардумӣ шиносоӣ менамояд, ки ба шунаванда ҷаҳони таърихро нақл мекунад.
Гуфтан ба маврид аст, ки навоварӣ дар Осорхонаи таърихии вилояти Суғд аввалин буда, дар соҳаи таърихи фарҳанг барои наслҳои оянда мерос гузоштан аст. Кормандони муассисаи мазкур тасмим гирифтанд, ки дар оянда боз бо забонҳои чинӣ, олмонӣ, фаронсавӣ ва ғайра роҳандозӣ намоянд. Ҳамзамон ба директори Дафтари Шветсария оид ба ҳамкорӣ дар Тоҷикистон  Саломе Штайб барои дастгирӣ ва рушди фарҳанг бо ҷиҳозонидани технологияи ҷадид изҳорӣ миннатдорӣ карда шуд.
Ёдовар шуд, ки минбаъд истифодабарии таҷҳизоти аудиошунавоӣ ҳамарӯза аз соати 10:00 то 18:00 ба роҳ монда мешавад.