Ҷалби хонандагон ба маҳфилҳои касбомӯзӣ ва забономӯзӣ

Яке аз рисолати муҳими Маркази таҳсилоти иловагӣ ин ташкил ва гузаронидани озмунҳои гуногун дар асоси талаботи Низомномаи намунавии Маркази таҳсилоти иловагии Ҷумҳурии Тоҷикистон бо мақсади тарбия намудани насли наврас дар руҳияи ватандўстӣ, хештаншиносӣ, меҳанпарастӣ, ривоҷу равнақи истеъдоди онҳо, баланд бардоштани савияи дониш, малака, маҳорат ҷалби хонандагон ба шумор меравад.

Бояд қайд кард, ки дар Маркази таҳсилоти иловагии шаҳри Хуҷанд 5 шуъба: сайёҳӣ - кишваршиносӣ, техникӣ, эстетикӣ, "Табиатдўстон", "Созмони хонандагон", амал мекунад, ки онро 35 нафар роҳбарони маҳфилҳо пеш мебаранд: ин маҳфилҳо, маҳфилҳои "Омўзиши забони русӣ", "Забони англисӣ", "Компютерӣ", "Гулпарварони ҷавон", "Тарроҳ - дизайнер", "Хониши бадеӣ", "Омўзиши математика", "Фурўѓи субҳи доноӣ китоб аст", "Дастони моҳир", "Рассомӣ", "Алифбои ниёгон" ва амсоли он фаъолият мебаранд.

Шумораи умумии аъзоёни маҳфилҳо 1400 нафар буда, дар 116 гурўҳ тақсимбандӣ шудаанд. Имрӯзҳо дар давраи таътили тобистона хонандагон ба маҳфил омада, дар шуъбаҳои мухталифи он касбу ҳунар ва донишро ройгон омӯхта истодаанд.

Ҷалби наврасону ҷавонон ба омўзиши илму ҳунар, забонҳои хориҷӣ ва фановариҳои навин амали муҳим ва саривақтӣ буда, аз падару модар, омўзгорон ва кулли ҷомеа тақозо мешавад, ки дар ин самт таваҷҷуҳи махсус зоҳир кунанд.

Ҷоиз ба зикр аст, ки баланд бардоштани сифати таълим яке аз самтҳои кори Маркази таҳсилоти иловагӣ буда, бо ин мақсад, дар шашмоҳаи аввал конфренсияҳо, викторина, озмуну чорабиниҳо як қатор соатҳои тарбиявиву машѓулиятҳои намунавӣ ба монанди "Одоби салом", "Китоб ганҷи бебаҳост", "Об манбаи ҳаёт", "Тоҷикистон кишвари зебои ман", "Саломатӣ ганҷи бебаҳост", "Тозагӣ гарави саломатист", "Меҳнат роҳат аст", "Ваҳдати миллӣ", "Мо ҳимоятгари Ватанем", "Ҳифзи Ватан қарзи фарзандии мост", "Зан шукўҳи зиндагӣ", "Модар - тоҷи сари мо", "Модари меҳрубони ман", "Забон ҳастии миллат", ""Об манбаи ҳаёт", "Одоби сухан", "Некӣ кунӣ - некӣ бинӣ", "Хотираҳои Ҷанги Бузурги Ватанӣ", "Қаҳрамонон намемиранд", "Касби ман - ифтихори ман", "Саломатӣ ганҷи бебаҳо", "Одоби таомхўрӣ", "Донистани ҳаққи падару модар" ва ғайраҳо гузаронида шуд.