(0 овоз, миёна 0 аз 5)

Баҳри хизматрасонии тиббӣ ба аҳолӣ дар шаҳр 16 муассисаҳои тиббӣ амал мекунанд: аз ҷумла, Беморхонаи клиникавии шаҳрии №1 (дорои 465 кат), Беморхонаи шаҳрии №2 (дорои 150 кат), Беморхонаи касалиҳои сирояткунанда (дорои 270 кат), Таваллудхонаи шаҳрӣ (дорои 140 кат), 6 марказҳои саломатии шаҳрӣ, Дармонгоҳи стоматологии бачагона, Маркази назорати давлатии санитарӣ-эпидемиологӣ, Хонаи кўдакон (дорои 70 кат), Стансияи ёрии таъҷилӣ, Маркази мубориза бар зидди бемориҳои сил, Маркази ташаккули тарзи ҳаёти солим.

Маврид ба зикр аст, ки ба соҳаи тандурустӣ, ҳамчун самти афзалиятноки сиёсати иҷтимоии давлат таваҷҷўҳи бештар зоҳир гардида, ҷиҳати беҳтар намудани солимии сокинони кишвар ва ба роҳ мондани фаъолияти самарабахши муассисаҳои тандурустӣ, усулҳои муосири ташхису табобат ба роҳ монда шуда, инфрасохтори муассисаҳои соҳаи тандурустӣ таҳкиму тавсеа ёфта истодааст. Инчунин, сол аз сол шумораи муассисаҳои нави тиббӣ зиёд гардида, бо таҷҳизоти замонавӣ ва лавозимотҳои ба талаботи ҷаҳонӣ мутобиқ ҷиҳозонида шуда истодаанд.

Дар ин радиф дар доираи сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санаи 12 августи соли 2022 ба шаҳри Хуҷанд ташриф оварда, бинои асосии табобатии Беморхонаи клиникавии № 1-уми шаҳри Хуҷандро баъди таъмиру азнавсозии куллӣ ва бинои маъмурияти корхона, стансияи ёрии таъҷилии тиббӣ, чойхонаи миллӣ, меҳмонхона ва коргоҳи истеҳсоли оксигени тиббиро ифтитоҳ бахшиданд.

Дар шуъбаи наҷот ва беҳискунии беморхона бори нахуст маркази машваратии тиббии онлайнӣ-фосилавӣ таъсис ёфтааст. Ин марказ бо мақсади ташкили робитаи онлайнӣ бо клиникаҳои пойтахти мамлакат ва муассисаҳои тиббии пешрафтаи як қатор давлатҳои хориҷӣ оид ба баррасии ташхисҳо, ҳолати бемор, рафти табобат ва дигар масъалаҳои марбут ба табобату ташхис тариқи кансилиум таъсис дода шудааст.

Дар доираи нақшаҳои сохтмону азнавсозӣ дар ҳудуди Беморхона стансияи ёрии таъҷилии тиббӣ таъсис ёфта, дар ҳудуди муассиса бинои дуошёнаи лоиҳавии нав сохта шудааст.       Инчунин Пешвои миллат Ҷамъияти масъулияташ маҳдуди “Ортопедия ва технологияи муосир”-ро мавриди истифода қарор доданд, ки 30 нафар мутахассисони соҳаи тиб бо ҷои кори доимӣ таъмин гардиданд.

Таҷҳизоти тиббӣ ба ин муассиса аз Кореяи Ҷанубӣ, Федератсияи Русия ва Ҷумҳурии мардумии Чин бо харҷи 1,2 млн. сомонӣ дастрас карда шуд. Дар марказ дастгоҳҳои артоскопӣ, рентгени рақамӣ, таҷҳизоти электронӣ - оптикӣ, ултрасадо, денситометрия, кардиомонитор, тамйизгардонӣ, мизи ҷарроҳӣ, кати функсионалии “Армед” истифода мегардад.

Мусаллам аст, ки солҳои охир сифати ташхису табобати беморон торафт беҳтар гардида, сафар намудани сокинони мамлакат ба хориҷи кишвар барои ташхису табобат кам гардидааст.

Зикр бояд намуд, ки дар шаҳр Коллеҷи тиббии шаҳри Хуҷанд фаъолият менамояд, ки ба он ба ихтисоси “Кори дорусозӣ” ҳар сол 75 нафар қабул карда мешаванд. Дар оянда дар нақша ҳаст, ки бо пайдо гардидани имконият истеҳсоли доруворӣ аз гиёҳҳои шифобахши ватанӣ ба роҳ монда шавад. 

Дар соҳаи тандурустии шаҳр фаъолиятро бо истифода аз имкониятҳои мавҷуда ҷиҳати зиёд намудани шумораи кадрҳои баландихтисос, аз ҷумла мутахассисони бемориҳои сироятӣ, вирусшиносҳо ба роҳ монда, рушди соҳаи дорусозиро тақвият медиҳад.

Тазаккур бояд дод, ки дар Коллеҷи тиббии шаҳри Хуҷанд фаъолият намуда, мутахассисони миёнаи соҳаи тибро аз рўи 5 ихтисос омода менамояд.

Тибқи Қарори Ҳукумати Ҷумҳурии Тоҷикистон аз 22 марти соли 2021, №83 «Дар бораи гузаронидани иммунизатсия бар зидди бемории сироятии COVID - 19 дар Ҷумҳурии Тоҷикистон» бо иммунизатсия фаро гирифтани аҳолии гурўҳҳои мақсаднок дар қатори дигар шаҳру ноҳияҳои мамлакат дар шаҳри Хуҷанд низ идома дорад.

Боиси қайд аст, ки тибқи маълумотҳои омории Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар шаҳри Хуҷанд миқдори гурўҳҳои мақсадноке, ки имконияти гирифтани ваксинаро доранд, 108976 нафар муқаррар гардидааст.

Тибқи нишондиҳандаҳои оморӣ ба ҳолати 12 декабри соли 2022 дар шаҳр ба вояи якум 114116 нафар ё худ 104,7 фоиз, ба вояи дуюм 110332 нафар ё худ 101,2  фоиз, ба вояи сеюм 86121 нафар ё худ 79 фоиз ва вояи чорум 49044 нафар ё 44,3 фоиз  фаро гирифта шуданд.

Вобаста ба фарогирии пурраи гурўҳҳои мақсадноки шаҳр ба иммунизатсияи вояҳои дуюм, сеюм ва чорум аз ҷониби масъулини шуъбаю бахшҳои дахлдори мақомоти маҳаллии ҳокимияти давлатӣ, муассисаҳои тандурустӣ ва дигар шахсони масъул ҳамарўза корбарӣ ба роҳ монда шудааст.

Раиси шаҳр

Муовинони Раиси шаҳр

Ғайбуллозода Х. Ғайбуллозода Х. Муовини аввали Раиси шаҳрХайрулло  Ғайбуллозода бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин ...
Боқизода Б. Боқизода Б. Муовини Раиси шаҳрБахтиёр Боқизода 28-уми июли соли 1983 дар шаҳри Хуҷанд таваллуд шуда, соҳиби чор маълумоти олӣ: ҳуқуқшиносӣ, иқтисодӣ ва ...
Муяссара Қаҳорӣ Муяссара Қаҳорӣ Муяссара Қаҳорӣ 15 октябри соли 1979 дар шаҳри Хуҷанд таваллуд шудааст. Миллаташ тоҷик. Маълумот олӣ. Соли 2002 Донишгоҳи давлатии Хуҷанд ба...
Ҳомидзода А.А. Ҳомидзода А.А. Роҳбари Дастгоҳи Раиси шаҳрАбдуваҳҳоб Ҳомидзода  8-уми июни соли 1978 дар шаҳри Хуҷанд таваллуд ёфтааст. Миллаташ тоҷик, маълумоташ олӣ. С...
Ҷамшед Набизода Ҷамшед Набизода Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва ...

Роҳбарони сохторҳо

Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишг...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Бобозода Т. К. Бобозода Т. К. Бобозода Толиб Карим 1-уми августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи поли...
 Бобоҷонзода А. Бобоҷонзода А. Бобоҷонзода Абдусалом 27-уми декабри соли 1966 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ, соли 1992 Донишг...
Юсупов М. З. Юсупов М. З. Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли 1999 ба шуъбаи рӯзноманигор...
Маликисломов Н. Н. Маликисломов Н. Н. Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и ш...
Юсуфӣ У. C. Юсуфӣ У. C. Юсуфӣ Усмон Сиддиқзода 23-юми сентябри соли 1982 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ. Соли 2005 Дони...
Ӯлмасова Н. М. Ӯлмасова Н. М. Ӯлмасова Нигина Маруфовна 08-уми октябри соли 1980 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 2010 Донишгоҳи да...
Абдуқаҳҳорзода Т. Абдуқаҳҳорзода Т. Абдуқаҳҳорзода Таҳмина Солҳои 2000 - 2002-Лаборанти кафедраи забон ва адабиёти тоҷики Донишгоҳи давлатии Хуҷанд ба номи академик Б. Ғафуров,...
Каримов А. А. Каримов А. А. Каримов Азимҷон Акрамҷонович 1-уми январи соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2020 Академияи х...
Абдуллоев Ш. Д. Абдуллоев Ш. Д. Абдуллоев Шукрулло Дадоҷонович 24-уми июли соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2011 Донишкадаи...
Воҳидов А.Б. Воҳидов А.Б. Воҳидов Азамат Баҳодурович 6-уми июни соли 1974 дар н. Б.Ғафуров таваллуд шуда, миллаташ тоҷик, маълумот олии тиббӣ. Соли 1997 филиали Хучан...
Пӯлотов М. М. Пӯлотов М. М. Пўлотов Мунир Мухторович 12 августи соли 1973 дар шаҳри Хуҷанд таваллуд шуда, миллаташ тоҷик, маълумоташ олӣ мебошад. Соли 1996 Донишгоҳи да...
Раҳмонова М. А. Раҳмонова М. А. Раҳмонова Маҳфуза Абдуманоновна 12-феврали соли 1988 дар шаҳри Хуҷанд дар оилаи коргар таваллуд шуда, миллаташ тоҷик, маълумот олӣ мебошад. ...