(0 овоз, миёна 0 аз 5)

altИмрӯз дар асоси нақша-чорабиниҳои Мақомоти иҷроияи ҳокимияти давлатии вилояти Суғд дар толори Қасри ҷавонони ба номи Лоиқ Шералии шаҳри Хуҷанд мулоқоти Раиси шаҳри Хуҷанд Фирдавс Шарифзода бо донишҷўёни муассисаҳои таҳсилоти олӣ ва миёнаи касбии маркази вилоят баргузор гардид.

Раиси шаҳри Хуҷанд Фирдавс Шарифзода зимни суханронии худ таъкид дошт, ки Истиқлолият рукни муҳим ва меҳварии давлатдорӣ ва давлатсозии навини мо буда, ҳифзу гиромидошти ин неъмати бебаҳо ба ҳайси арзиши муҳими умумимиллӣ ва давлатӣ ҳамчунин бо кору фаъолияти созандаи ҷавонони бофарҳангу соҳибирода, хештаншиносу ватандўст иртиботи қавӣ дорад. Аз ин рў, масъалаи сиёсати давлатии ҷавонон дар маркази диққати ҳамешагии Ҳукумати мамлакат қарор гирифта, барои пуштибонӣ ва дастгирии иқдомоти бунёдкоронаи ҷавонони кишвар аз ҷониби давлату ҳукумат тадбирҳои мушаххас амалӣ мегарданд. Дар ин замина, муҳайё намудани шароити мусоид барои ташаккули ҳамаҷиҳатаи ҷавонон, тарбияи хуб ва босамари насли ояндасоз, ҳидоят намудани онҳо ба роҳи дурусти зиндагӣ ва кору фаъолият, андешидани чораҳои зарурӣ баҳри азхуд намудани илму донишҳои замонавӣ, касбу ҳунар ва ниҳоят муҳайё намудани заминаҳои мусоид баҳри дар оянда ҳамчун ворисон ва меросбарони сазовори миллату халқи соҳибтамаддун ба воя расидани ҷавонон пайваста дар суханрониҳои Пешвои миллат таъкид ёфта, аз ҷумла дар Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ироа гардидааст: «Ояндаи миллат аз фаъолияти омўзгор ва рушди илму маориф вобастагии зиёд дорад. Дар хотир бояд дошт, ки танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзандаи худро пайдо намояд.»

Ин боварӣ ва эътимоди Сарвари давлатамон аз ҳар як нафар ҷавон, бахусус Шумоён – донишҷӯёни азиз, дар ҳамаи самтҳои фаъолият масъулияти баланди хештаншиносиро тақозо менамояд.

Ҳамзамон, ин дастури бевоситаи Пешвои миллат муҳтарам Эмомалӣ Раҳмон ҳар яки моро низ дар масъалаи истифодаи самараноки нерўи созандаи ҷавонон, тарбияву интихоб ва ҷобаҷогузории кадрҳои ҷавону лаёқатманд ва соҳибмаърифат, тарғибу ташвиқи пайвастаи донишандўзӣ ва камолоти ҷисмониву маънавии ҷавонон, тарзи ҳаёти солим, азхуд кардани касбу ҳунарҳои замонавӣ байни ҷавонон ва ҷомеа ҷиддан вазифадор менамояд.

Фирдавс Шарифзода гуфт, ки таҳти роҳнамоӣ ва иқдомҳои бевоситаи Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода дар ҷодаи дастгирии насли ҷавон ҷиҳати ба роҳ мондани ташаббусҳои навин ва татбиқи муваффақонаи сиёсати ҷавонон дар ҳудуди вилоят тадбирҳои зарурӣ андешида шуда, баргузории имрӯза мулоқоти мо низ далели бесовитаи ин гуфтаҳо ба ҳисоб меравад.

Таъкид шуд, ки дар таърихи тамаддуни халқи тоҷик илму маърифат мақоми баланд дошт. Мутафаккирони тоҷик дар пешрафти илму фарҳанги ҷаҳон саҳми бузург гузошта, мероси гаронбаҳои онҳо аз ҷониби насли имрӯза низ ба таври васеъ истифода бурда мешаванд. Фарҳангу маънавиёт дар таърихи пурғановати халқи тоҷик ҳамчун ҳастии миллат эътироф гашта, он моҳиятан амалии созандагиву бунёдкории ҷомеаро ташкил медиҳад. Дар ташкил ва тарғиби арзишҳои маънавӣ муассисаҳои таълимӣ, хоса мактабҳои олӣ мақоми шоиста доранд. Мактабҳои олӣ ҳамчун махзани илму маърифат дар тарбияи насли созандаву бунёдкор саҳми назаррас гузошта истодааст. Хусусан, дар шароити имрўзаи рушди босуръати илм ва техникаву технология ҳар як давлат нерўи зеҳнии ҷомеаро ба кашфиёту ихтирооти нав ва тақвияти соҳаҳои гуногуни истеҳсолӣ равона месозад. Омўзиш ва татбиқи донишҳои наву замонавӣ шарти асосии пешрафт ва рушди пайгиронаи ҷомеа ба ҳисоб меравад.

Раиси шаҳр гуфт, ки илму дониш воқеан маънибахшу шукўҳафзои ҳастии инсонҳост. Ҷомеаи инсониро илму дониш, маърифат ва ахлоқу маънавият мазмуну мўҳтавои амиқ ато мекунад. Устувориву пешрафти ҷамъияти инсонӣ ба маърифат ва илму дониш иртиботи қавӣ дорад. Маҳз дар даврони Истиқлолият бо ҳифзи асолати миллӣ, баҳри ноил шудани кишвари мо ба илму дониши пешрафтаи замони муосир заминаҳои мустаҳкам ба миён омаданд. Дар иҷрои ин мақсад эҳсоси худшиносии миллӣ, ватанпарварӣ ва садоқати тамоми равшанфикрон, бахусус олимону зиёиёни риштаҳои илмию техникӣ бисёр муҳим ва тақдирсоз аст. Ба дастовардҳои назаррас ноил гардидани донишҷўёни шаҳр низ бори дигар эътимоду боварии моро ба нерўи ақлонии Шумоён – бунёдгарони имрӯзу фардои кишвари маҳбубамон зиёд мегардонад. Ширкати донишҷўён дар озмунҳои фаннию корҳои илмӣ дар миқёси ҷумҳурӣ ва берун аз он, иштироки онҳо дар конфронсу ҳамоишҳои илмӣ ва олимпиадаҳои ватаниву хориҷӣ, афзудани дифои рисолаҳои илмӣ аз ҳисоби олимон ва муҳаққиқони ҷавон аз дастовардҳои ҷавонони ояндасози Хуҷандшаҳри азизамон шаҳодат медиҳад.

Фирдавс Шарифзода гуфт, ки ҷавонони фаъоли диёри бостонӣ, вале ҳамешаҷавони Хуҷандшаҳр барои ғамхориву пуштибонӣ, ҷиҳати пешрафти Тоҷикистони азиз, барои тарғибу ташвиқи сиёсати давлат ва муаррифии шоистаи дастовардҳои замони соҳибистиқлолӣ беш аз пеш кўшиш ба харҷ диҳед. Шумо аз ҳидоятҳои шоёну доимии Пешвои муаззами миллат рўҳу илҳоми тоза гирифта, рисолати аслии худро ҳам дар ҷомеа ва ҳам дар рўзгору фаъолияти хеш ба таври зарурӣ ба анҷом мерасонед. Ба омўхтани илму дониш, касбу ҳунар машғул шуда, таърихи халқи худро азхуд менамоед, Ватанро аз ҷон дўсттар, арзишу суннатҳои милливу фарҳангиро эҳтиром ва ба боварию эътимоди Сарвари давлатамон ҳамеша сазовор мешавед!

Раиси шаҳри Хуҷанд дар анҷоми суханрониаш гуфт, ки имрўз кишвари соҳибистиқлоли Тоҷикистон дар фазои орому осоишта, сулҳу ваҳдат ба сўи ояндаи дурахшон қадамҳои устувор гузошта, мардуми шарифи диёрамон дар шукргузорӣ аз ин неъмати бебаҳо ба меҳнати фидокорона ва созандагиву бунёдкориҳои тоза камари ҳиммат бастааст. Бо боварии комил метавонам зикр намоям, ки ҳар яки мо бо сарбаландӣ ва ифтихор дар соли 2022 – соли ҷашнгирии 25 – умин солгарди Рӯзи Ваҳдати миллӣ, 30 – юмин солгарди Иҷлосияи тақдирсози ХVI Шӯрои Олии Ҷумҳурии Тоҷикистон бо азми қавӣ шаҳри ҳамешаҷавонамонро боз ҳам шукуфонтар гардонида, санаҳои муҳими таърихиро бо дастоварду натиҷаҳои баланди меҳнатӣ сазовор истиқбол мегирем. Мақомоти иҷроияи ҳокимияти давлатии шаҳри Хуҷанд дар ҷодаи дастгирии насли ҷавон барои ба роҳ мондани ташаббусҳои навин ва созанда, татбиқи муваффақонаи сиёсати давлатии ҷавонон тадбирҳои зарурӣ меандешад. Ташаббусҳои созандаи ҷавононро ҳамеша дастгирӣ намуда, минбаъд низ ҷиҳати ҷалби онҳо дар корҳои роҳбарии шохаҳои ҳокимият, истеҳсолоту тиҷорат, илму таҳсилот тадбирҳои судманд меандешад.

Сипас мулоқоти озоду ошкорои шаҳрдор бо донишқӯён сурат гирифт.

Муталлиб Маҳмудов, донишҷӯи соли панҷуми факултети таърих ва ҳуқуқи ДДХ ба номи академик Б. Ғафуров, Зебо Шодмонова, донишҷӯи соли якуми Донишкадаи политехникии Донишгоҳи техникии Тоҷикистон ба номи академик Муҳаммад Осимӣ, Шоҳин Асроров, донишҷӯи Донишкадаи иқтисод ва савдои ДДТТ дар шаҳри Хуҷанд, Ширина Ғозиева, донишҷӯи коллеҷи омӯзгорӣ, Фарҳод Раҳимов, Муҳаммад Иброҳимов, Шаҳзода Турсунова донишҷӯёни ДДХ ба номи академик Бобоҷон Ғафуров ва дигарон бо дархост пешниҳод ва ташаббусҳои созанда ба Раиси шаҳри Хуҷанд Фирдавс Шарифзода муроҷиат намуданд.

Аз ҷумла, Муталлиб Маҳмудов, донишҷӯи соли панҷуми факултети таърих ва ҳуқуқи ДДХ ба номи академик Б. Ғафуров изҳор дошт, ки баъди супоридани имтиҳоноти хатм ба хизмати Модар-Ватан меравад ва дар қатори дигар ҷавонони бошараф дарси мардонагию ҷасорат гузашта, сарзамини аҷдодии хешро ҳифз менамояд.

Сипас, Раиси шаҳри Хуҷанд Фирдавс Шарифзода беш аз 200 нафар донишҷӯёни фаъол ва пешқадамро бо маблағҳои пулӣ қадршиносӣ намуд.

Дар мулоқот намояндаи Мақомоти иҷроияи ҳокимияти давлатии вилояти Суғд Мирзотоҳир Набиев иштирок ва суханронӣ намуд.



Дафтари матбуоти
Раиси шаҳри Хуҷанд

Шарҳ додан


Защитный код
Нав кардан

Раиси шаҳр

Муовинони Раиси шаҳр

Боқизода Б. Боқизода Б. Муовини Раиси шаҳрБахтиёр Боқизода 28-уми июли соли 1983 дар шаҳри Хуҷанд таваллуд шуда, соҳиби чор маълумоти олӣ: ҳуқуқшиносӣ, иқтисодӣ ва ...
Ғайбуллозода Х. Ғайбуллозода Х. Муовини аввали Раиси шаҳрХайрулло  Ғайбуллозода бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин г...
Фирӯза Нуруллозода Фирӯза Нуруллозода Муовини Раиси шаҳрФирӯза Нуруллозода 9 феврали соли 1983 дар шаҳри Хуҷанд таваллуд шудааст. Соли 2004 Донишгоҳи давлатии Хуҷанд ба номи акад...
Ҳомидзода А.А. Ҳомидзода А.А. Роҳбари Дастгоҳи Раиси шаҳрАбдуваҳҳоб Ҳомидзода  8-уми июни соли 1978 дар шаҳри Хуҷанд таваллуд ёфтааст. Миллаташ тоҷик, маълумоташ олӣ. Сол...

Роҳбарони сохторҳо

Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишг...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Миркамолов М. Н. Миркамолов М. Н. Миркамолов Муҳсин Насруллоевич 10-уми ноябри соли 1959 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 1980 Донишгоҳ...
Ҷамшед Набизода Ҷамшед Набизода Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва ...
Бобозода Т. К. Бобозода Т. К. Бобозода Толиб Карим 1-уми августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи поли...
Самадов С.А. Самадов С.А. Самадов Сӯҳробҷон Абдусамадович 29-уми декабри соли 1976 дар шаҳри Хуҷанд таваллуд ёфтааст. Миллаташ тоҷик, маълумот олӣ. Соли 1998 филиали ...
Собитова М. А. Собитова М. А. Собитова Мунзифа Аҳмадовна 14-уми  сентябри соли 1960 дар шаҳри Хуҷанд таваллуд ёфтааст. Миллаташ тоҷик, маълумот олӣ, соли 1982 Донишгоҳи д...
 Бобоҷонзода А. Бобоҷонзода А. Бобоҷонзода Абдусалом 27-уми декабри соли 1966 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ, соли 1992 Донишг...
Юсупов М. З. Юсупов М. З. Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли 1999 ба шуъбаи рӯзноманигор...
Муяссара Қаҳорӣ Муяссара Қаҳорӣ Муяссара Қаҳорӣ 15 октябри соли 1979 дар шаҳри Хуҷанд таваллуд шудааст. Миллаташ тоҷик. Таҳсилот олӣ. Соли 2002 Донишгоҳи давлатии Хуҷанд ба...
Раҳимхӯҷаев М. А. Раҳимхӯҷаев М. А. Раҳимхӯҷаев Музаффар Анварович 8 августи соли 1982 дар шаҳри Хуҷанд таваллуд шудааст. Маълумоташ олӣ. Миллаташ тоҷик. Соли 2003 Донишгоҳи да...
Маликисломов Н. Н. Маликисломов Н. Н. Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и ш...
Мухбира Дониёрова Мухбира Дониёрова Тибқи қарори Раиси шаҳри Хуҷанд Маъруф Муҳаммадзода аз 30-юми июли соли равон мудири шуъбаи сабти асноди ҳолати шаҳрвандии шаҳр Мухбира Дони...
Юсуфӣ У. C. Юсуфӣ У. C. Юсуфӣ Усмон Сиддиқзода 23-юми сентябри соли 1982 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ. Соли 2005 Дони...
Ӯлмасова Н. М. Ӯлмасова Н. М. Ӯлмасова Нигина Маруфовна 08-уми октябри соли 1980 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 2010 Донишгоҳи да...
Абдуқаҳҳорзода Т. Абдуқаҳҳорзода Т. Абдуқаҳҳорзода Таҳмина Солҳои 2000 - 2002-Лаборанти кафедраи забон ва адабиёти тоҷики Донишгоҳи давлатии Хуҷанд ба номи академик Б. Ғафуров,...
Каримов А. А. Каримов А. А. Каримов Азимҷон Акрамҷонович 1-уми январи соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2020 Академияи х...
Абдуллоев Ш. Д. Абдуллоев Ш. Д. Абдуллоев Шукрулло Дадоҷонович 24-уми июли соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2011 Донишкадаи...