17 Январ 2014
Имруз нишасти матбуотии Раиси шаҳри Хуҷанд Раҷаббой Каримов баргузор гардид. Дар он 27 нафар хабанигорон- намояндагони расонаҳои ҷумҳуриявӣ дар Хуҷанд , хабарнигорони телевизиону радиоҳои давлатӣ, мустақил, оҷонсиҳои иттилоотӣ ва журналистони маҳаллӣ ширкат намуданд.
Дар оғоз Раиси шаҳри Хуҷанд Раҷаббой Каримов доири натиҷаҳои соҳаҳои гуногуни хоҷагии халқи маркази вилоят ба хабарнигорон маълумоти мухтасар дод.
Дар қисмати саволу ҷавоб журналистон бо 14 савол ба Раиси шаҳр муроҷиат намуданд.
Журналисти «ТВР Азия» Афзал Босолиев доири се дастовард ва се камбудии соли сипаригашта пурсон шуд.![Нишасти хабарии Раиси шаҳри Хуҷанд Раҷаббой Каримов. Нишасти хабарии Раиси шаҳри Хуҷанд Раҷаббой Каримов.](/images/thumbnails/images/stories/navgoni/img_01.2014/17-02-200x133.jpg)
Бобати нақшаҳои имсола Раиси шаҳри Хуҷанд Раҷаббой Каримов иттилоъ дод,ки имсол дар шаҳри Хуҷанд «Соли ободӣ ва гулкорӣ» эълон шудааст.
Барои идома ёфтани корҳои ободонӣ ва гулкорӣ ва мумфаршкунии кӯчаҳои шаҳр нақшаи корӣ таҳия шудааст.
Дар интиҳо Раиси шаҳри Хуҷанд барои ҳамкорӣ ва инъикоси ҳамарузаи ҳаёту зиндагии мардуми маркази вилоят ва фаъолияти Мақомоти иҷроияи ҳокимияти давлатии шаҳр ба кормандони васоити ахбори оммма ва журналистони ҳузурдошта изҳори спосмандӣ намуд.