28 Август 2018
Бо ташаббуси бахши кор бо ҷавонон ва варзиши шаҳри Хуҷанд ҷиҳати иҷрои нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии шаҳри Хуҷанд оид ба баргузории сӯҳбату вохӯриҳо барои рафъи омилҳои террористиву экстремистӣ маҳал ба маҳал ва нақшаҳои муштараки бахш дар кумитаҳои маҳаллаи Раззоқ, Масҷиди савр ва Тути калони бо иштироки сокинони маҳалла мулоқот гузаронида шуд.
Мавзуъи асосии мулоқотро пешгирии шомилшавии ҷавонон ба гурӯҳҳои ифротӣ, фаҳмонидани мӯҳтавои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, “Дар бораи танзими анъана ва ҷашну маросимҳои миллӣ дар Ҷумҳурии Тоҷикистон” ташкил намуд, ки дар он мудири бахши кор бо ҷавонон ва варзиши шаҳр Бахтиёр Исматҷонов, мудири шӯъбаи кор бо маҳаллаҳои дастгоҳи раиси шаҳр Мурод Раҷабов, намояндагони хадамоти муҳоҷират, ШВКД ҶТ дар шаҳри Хуҷанд ва имомхатиби масҷиди ҷомеаи «Ихлос» иштирок ва суханронӣ намуданд.Аз ҷавонон даъват ба амал оварда шуд, ки ҳаргиз зиракии сиёсиро аз даст надиҳанд, аз хатарҳои ҷомеаи имрӯза канораҷӯйӣ намуда, ба гуруҳҳои ифротӣ дохил нашуда, баҳри ободонию созандагии ватану миллати хеш кӯшиш намоянд.
Дафтари матбуоти
Раиси шаҳри Хуҷанд