22 Май 2016
То соати 9-00 –и 22 май беш аз 350 нафар сокинон дар участкаи раъйпурсии №52 – и шаҳри Хуҷанд бо шукрона аз фазои орому осудаи кишвар дар чорабинии муҳими сиёсӣ - раъйпурсии умумихалқӣ оид ба тағиру иловаҳо ба Конститутсияи (Сарқонуни) Ҷумҳурии Тоҷикистон иштирок намуданд.Бино ба иттилои раиси участкаи мазкур Маҳмудҷон Абдурашидов дар ин участка 2805 нафар раъйдиҳандагон ба қайд гирифта шудаанд, ки 58 нафари онҳо бори аввал дар раъйпурсӣ иштирок доранд. Ҳоло теъдоди зиёди сокинон вориди участка гардида истодаанд ва тавре ба назар мерасад, сокинон барои иштирок дар ин чорабинии муҳими сиёсӣ хело фаъол ҳастанд. Ҷоиз ба зикр аст, ки овоздиҳӣ, мувофиқи қонунгузории кишвар соати 6-и субҳ шурӯъ гардид ва участкаҳои раъйпурсӣ дар қаламрави Тоҷикистон соати 20-и шом баста мешаванд.
