09 Июль 2018
Ба Раиси вилояти Суғд муҳтарам Раҷаббой Аҳмадзода
Ба Раиси шаҳри Хуҷанд муҳтарам Маъруф Муҳаммадзода
МАВЗЕЪИ ХАРОБАЗОР БА ГУЛИСТОН МУБАДДАЛ КАРДА ШУД
Мардуми шарафманди шаҳри бостонии Хуҷанд дар рӯзҳои таҷлили Иди Ваҳдати миллӣ дар руҳияи созандагиву бунёдкорӣ ва масъулияти баланди ватандорӣ бо иштироки Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон хеле шоду масрур буданд. Зеро дар рӯзҳои таҷлил аз ин Иди барои миллат муҳим дар шаҳри Хуҷанд ду кӯдакистон, се бинои баландошёна, чойхона, кошонаи ҳусн, корхонаи мебелбарории «Арча-мебел» ифтитоҳ гардида, чорабинии Иди нону асал ва зардолу дар сатҳи баланди ташкилӣ гузаронида шуд, ки ба ҳамагон файзу фараҳ бахшид.Ин ҳама аз он шаҳодат медиҳад, ки шаҳри бостонии Хуҷанд дар баробари дигар шаҳру навоҳии мамлакат батадриҷ рушду инкишоф меёбад ва мардум дар ин шаҳри бостонӣ бо беҳтарин шароити зисту зиндагонӣ иқомат ихтиёр менамоянд. Дар роҳи созандагиву бунёдкорӣ қадамҳои устуворона гузошта истодаанд. Ин ҳама шаҳодати комили иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон баҳри муҳайё намудани зиндагии шоиста ба мардум мебошад, ки маҳаки асосии сиёсати раъиятпаравронаи роҳбарияти олии мамлакатро ташкил медиҳад.
Яке аз корнамои муҳташам дар рӯзҳои Иди Ваҳдати миллӣ анҷом дода шуд, ин обод гардидани як қатор иншооту кӯчаҳои шаҳр, аз ҷумла маҳаллаи Навбаҳор мебошад. Азнавсозии кӯдакистони №28, мумфарш шудани роҳи кӯчаи Сирдарё аз мавзеъи Наврӯзгоҳ то гардишгоҳи Ором, кӯчаи 30 солагии Ғалаба, кӯчаҳои дохили маҳаллаи Навбаҳор, мавзеъи микроноҳияи 34 мебошад, ки мардум имрӯз озодона бо шуркгузорӣ аз ин амалҳои неки давлату ҳукумат ба кору пайкори хеш машғуланлд.
10 солаҳо мавзеъи кӯдакистони №28 ноободу валангор ва даҳшатовар буд. Қаблан дар ин мавзеъ шабона роҳ гаштан бисёр даҳшатовар ва хатарвор арзёбӣ мешуд ва тӯли ин муддат якчанд ҷиноятҳо маҳз дар ин минтака ба қайд гирифта шуда буданд. Мошинсаройҳои бенизом ва ғайриқонунӣ, нуқтаҳои савдои кӯчагигию, ғайриқонунии партов, маданияти пасти шаҳрнишинӣ ва ғайра имкон намедод, ки мардум озода истироҳату истиқомат намояд. Маҳз бо дастур ншондодҳои Раиси вилояти Суғд мӯҳтарам Раҷаббой Аҳмадзода ва Раиси шаҳри Хуҷанд мӯҳтарам Маъруф Муҳаммадзода баъди ислоҳи камбудиҳо ин мавзеъ ба гулистони ҳақиқӣ мубаддал карда шуд. Кӯдакистони наву замонавӣ бо имконоти васеъи инфрасохторӣ азнавсозӣ гардида, майдончаи нави варзишӣ ба сокинон пешниҳод карда шуд, ҳамчунин барои кӯдакони ин минтақа мавзеъи истироҳату бозӣ фароҳам гардид. Ба ин васила ин гӯшаи диёрамон ободу зебо шуд.
Мӯҳтарам Раиси вилоят!
Мӯҳтарам Раиси шаҳр!
Хушбахтона дар шаҳри Хуҷанд корҳои созандагию бунёдкорӣ таҳти роҳбарии Раиси шаҳр муҳтарам Маъруф Муҳамадзода ва бо дастгириҳои пайвастаи Роҳбарияти Мақомоти иҷроияи маҳаллии ҳокимияти давлатии вилоят симои шаҳр батадриҷ дигаргун шуда, ба маркази воқеъии маъмуриии вилояти Суғд мубаддал шуда истодааст. Гулпӯшу чароғон шудани кӯчаву хиёбонҳои шаҳр ба мардум нерую илҳоми нав мебахшад ва азми ватандӯстиву меҳанпарварӣ менамояд.
Ҷавобан ба ин ғамхориҳо ҳар як сокини шаҳр бояд як масъалаи ниҳоят муҳимро амиқ дарк намояд: вазъи имрӯзаи ҷаҳон танҳо ба халқу миллатҳое имкони вуҷуд доштану рушд карданро медиҳад, ки онҳо дар баробари донишманд, аз назари технологӣ пешрафта ва созандаву эҷодкор буданашон, инчунин, бояд сарҷамъу муттаҳид бошанд, ҳадафҳои стратегии давлат, ҳастии миллати худро дар ҳама ҳолат ҳифз карда тавонанд ва бозичаи дасти доираҳои ғаразноки сиёсӣ нашаванд. Яъне мардум бояд ҳувияти миллӣ ва ҳисси баланди ватандӯстиву ватанпарастӣ дошта бошанд, бо сабру таҳаммул ва иттифоқу сарҷамъӣ бо роҳи таърихии дар Конститутсия интихобкардаи худ устуворона пеш раванд.
Бояд гуфт, ки ташаккулёбии миллати аз назари ҳувият баркамолу худшинос ва худогоҳу соҳибмаърифат кори саҳлу осон нест, балки раванди бардавому тӯлонии пешбурди корҳои тарбиявӣ дар оила, боғчаи кӯдакон, мактабу донишгоҳҳо, вазифаи доимии волидайн ва аҳли маорифу ҷомеа бошад.
Ба ин ҳама ғамхориҳо мо бояд бо чашму назари нек ва дили саршори муҳаббат назар андозему шукронаи ин давлату миллат ва Пешвои муаззами хеш бошем, ки чунин шаритро бароямон муҳайё сохтаанд. Ин ободиро дар баробари посу нигоҳ доштан, ҳамзамон хишти наве барои таҳкими созандагӣ гузорем, ки маҷмуъан шаҳрамон боз ҳам ободу хуррам ва назаррабо мегардад.
Бо эҳтиром сокинони маҳаллаи Навбаҳор:
Муродова Х.
Қодирқулова Г.
Алимова М.
Турсунова З.
Қосимова М.
Шарипов Н. ва дигарон.
