АсосӣБойгонӣ

Навгонӣ

Ободонӣ: Бачагон намунаи ибратанд

(1 овоз, миёна 5.00 аз 5)

28 Апрел 2013

Вақте ду бари роҳ ва пайроҳаи ҷӯйбор тоза асту оби мусаффо шилдиросзанон ҷорӣ шуда, ба ниҳолони дарахти меваю сояафкан ва чандин хел нерӯи сабзиш мебахшад, бачагони мактабхон низ хурсанд мешаванд, зеро он самараи меҳнаташон аст.

Омӯзгорон ва хонандагони мактаби таҳсилоти миёнаи умумии №20 ба номи Нависандаи халқии Тоҷикистон Раҳим Ҷалил ҳам ба ташаббуси «300 рӯзи ободонӣ ва сабзкорӣ» якдилона пайравӣ карда, ҳар шанбе ба ҳашари ободонӣ мебароянд.

Шанбеи гузашта онҳо кӯчаю танкӯчаҳои ба номи Исмат Аминов, Себзор ва Хуҷандиро аз хасу хасрӯба ва қоғазҳои беандеша партофтаи мардум тоза карда, об пошиданд.

Муфассал... Шарҳ додан

Паёми Сардори давлат асоси ташаккули ҷомеа: Рӯҳбаланду шодкомем

(1 овоз, миёна 5.00 аз 5)

27 Апрел 2013

Аҳли маорифи мамлакат дар радифи кормандони соҳоти дигари хоҷагии халқ Паёми нави Президенти Ҷумҳурии Тоҷикистон, мӯҳтарам Эмомалӣ Раҳмонро ба Маҷлиси Олии кишвар бо хушнудӣ ва эътимоди комил ба фардои дурахшони Ватан пазируфтанд. Дар ин бобат сарпарасти соҳа, муовини Раиси шаҳри Хуҷанд Муҳаббат Бобоҷонова андешаҳои хешро ба таври зайл ифода намуд: Воқеан, Паёми имсолаи Ҷаноби Олӣ, Президенти мамлакат, мӯҳтарам Эмомалӣ Раҳмон ба Маҷлиси Олии Тоҷикистон (26.04.2013) аз паёмҳои қаблӣ аз лиҳози пурмӯҳтаво ва муассириаш тафовут дошт. Зеро, Сардори давлат ба далелҳои мушаххас вазъи иҷтимоиву иқтисодии ҷумҳуриро ҳамаҷониба таҳлил намуда, ташаккули ҷомеа ва пешрафти соҳаҳои хоҷагии халқи кишварро собит карда, гуфт: «Соли ҷорӣ маблағгузории соҳаи маориф дар ҳаҷми 2 миллиарду 131 миллион сомонӣ пешбинӣ гардидааст, ки ин рақам дар муқоиса бо соли 2000-ум 57 баробар зиёд мебошад.

Муфассал... Шарҳ додан

Ироаи Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон

(1 овоз, миёна 5.00 аз 5)

26 Апрел 2013

Ироаи Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон дар Маҷмааи давлатии Кохи Ваҳдат оғоз ёфт.
Ба ин муносибат дар толори бузурги Кохи Ваҳдат роҳбарияти парлумон, аъзои Маҷлиси миллӣ ва вакилони Маҷлиси намояндагони Маҷлиси Олӣ, Сарвазир ва аъзои Ҳукумати кишвар, мушовирони давлатии Президенти Ҷумҳурии Тоҷикистон ва масъулони Дастгоҳи иҷроияи Сарвари давлат, роҳбарони вазоратҳо ва кумитаҳои давлатӣ, идораҳои назди Президент ва Ҳукумати кишвар, мақомоти марказии судӣ ва дигар идораҳои ҳифзи ҳуқуқу тартибот, Академияи илмҳо, муассисаҳои олии таълимӣ, раисони вилоятҳо ва шаҳру ноҳияҳо, марказҳои татбиқи лоиҳаҳои инвеститсионӣ, аъзои Шӯрои ҷамъиятӣ, Ҳаракати Ваҳдати миллӣ ва эҳёи Тоҷикистон ва вакилони як қатор муассисаҳои ҷумҳуриявӣ, бонкҳо, ширкатҳои фаъолу соҳибнуфузи хусусӣ, намояндагони ҳайати дипломатӣ, воситаҳои ахбори умум ва дигарон, дар маҷмӯъ зиёда аз 1250 нафар ҷамъ омаданд.

Муфассал... Шарҳ додан

Ҷавонон, ҷиноят ва ҷазо

(3 овоз, миёна 3.00 аз 5)

27 Апрел 2013

Мо имрӯз аз ҳавои тозаи истиқлолият нафас мекашем ва суханони Президенти Ҷумҳурии Тоҷикистон, мӯҳтарам Эмомалӣ Раҳмон «Ҷавонон ояндаи давлату миллатанд»-ро пайгирӣ мекунем. Вале, мутассифона, ҷавононе ёфт мешаванд, ки даст ба ҷиноят мезананд.

Бо мақсади ба роҳи рост ҳидоят намудани ҷавонон дар толори факултети филологияи тоҷики ДДХ ба номи академик Б.Fафуров вохӯрии кормандони Раёсати ВКД ҶТ дар вилоят, подполковник Пӯлодҷон Саидов, Садбарг Муродова ва масъули шӯъбаи тарбияи донишгоҳ Абдуворис Мингбоев бо ҷавонон-донишҷӯён баргузор гардид.

Сараввал декани факултети филологияи тоҷик Шарифҷон Тоҷибоев сухан намуда, ҳадафи мулоқотро шарҳ дод.

А.Мингбоев аз қарору фармонҳои нави Ҷумҳурии Тоҷикистон донишҷӯёнро хабардор намуд.

Муфассал... Шарҳ додан

Комиссияи байниидоравӣ: Шукргузор бошем, на эътирозгар

(3 овоз, миёна 4.67 аз 5)

25 Апрел 2013

Ҷаласаи навбатии комиссияи байниидоравии шаҳрӣ оид ба мубориза ба муқобили хариду фурӯши одамон таҳти роҳбарии раиси комиссия, муовини раиси шаҳри Хуҷанд Муҳаббат Бобоҷонова баргузор гардид.

Аз рӯи масъалаи якуми рӯзнома, оид ба рафти татбиқи қарори Ҳукумати Ҷумҳурии Тоҷикистон «Дар бораи тадбирҳои пешгирии худкушӣ ва сӯиқасд ба ҷони худ» мутахассиси шӯъбаи маориф Муқаддас Азимова сухан карда, зикр намуд, толибилмоне, ки ба сӯиқасд ба ҷони худ ё худкушӣ даст мезананд, аз оилаҳои носолиманд. Волидонашон ба муҳоҷирати меҳнатӣ рафтанд ва онҳо падар ё модар надоранд. Барои пешгирии чунин воқеаҳои номатлуб дар се моҳи аввали соли равон дар тамоми мактабҳо бо ҳамроҳии кормандони мақомоти ҳифзи ҳуқуқ, соҳаи тиб ва ходимони дин вохӯрии хонандагонро доир гардид.

Муфассал... Шарҳ додан