Мувофиқи нақша чорабинии Мақомоти иҷроияи ҳокимияти давлатии вилояти Суғд имрӯз Раиси шаҳри Хуҷанд Маъруф Муҳаммадзода дар Кохи Рӯдакӣ бо ҷавонони шаҳри Хуҷанд, ки дар муассисаҳои таълимии олӣ ва касбии вилояти Суғд таҳсил менамоянд, мулоқот намуд.
Вохӯриро намояндаи Мақомоти иҷроияи ҳокимияти давлатии вилояти Суғд Мирзотоҳир Набиев ифтитоҳ намуда, доири ҳадафи баргузории чорабинӣ маълумот дод.
Баъдан дар назди ҳозирон Раиси шаҳри Хуҷанд Маъруф Муҳаммадзода баромад намуда, таъкид намуд, ки саҳми ҷавонон дар пешрафти ҷомеа назаррас буда, дастгирии ҳамаҷонибаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон нисбати таълиму пешрафти ҷавонони даврони истиқлолият шоёни ифтихор аст. Муфассал...
Дар маҳаллаҳои шаҳрии Хуҷанд таъмири роҳҳо ва мумфаршкунӣ идома дорад. Аз оғози ҳафтаи равон кормандони Идораи роҳсозии шаҳри Хуҷанд мумфаршкунии яке аз кӯчаҳои маҳаллаи «Сайҳун»- кӯчаи ба номи Т. Эрйигитовро оғоз намуданд.
Раиси шаҳри Хуҷанд Маъруф Муҳаммадзода ҳангоми боздиди нақшавии ҳамарӯзаи худ аз рафти корҳои ободонию сабзкориҳои маркази вилоят аз анҷоми корҳои мумфаршкунию азнавсозии кӯчаи мазкур дидан намуд.
Ҳоло роҳсозони шаҳр ба масоҳати бештар аз ҳазор метрии квадратӣ асфалти гарм хобонда, нақша доранд то интиҳои рӯз кӯчаи мазкурро аз таъмири хушсифат бароранд. Масофаи кӯчаи мазкур 200 метрро ташкил дода 6 метр паҳноӣ дорад. Муфассал...
Санаи 21 май дар шаҳри Хуҷанд чорабинии варзишии «Дави миллӣ» баргузор гардид.
Дар чорабинии оммавии варзишӣ Раиси вилояти Суғд Абдураҳмон Қодирӣ ва Раиси шаҳри Хуҷанд Маъруф Муҳаммадзода ширкат намуданд.
Назар ба маълумоти масъулини чорабинии мазкур дар «Дави миллӣ» беш аз 15 ҳазор нафар сокинони касбу кори гуногун иштирок намуданд.
Ин чорабинии варзишӣ имсол аз назди Маҷмааи ҳавзҳои шиноварии “20 солагии Истиқлолияти Тоҷикистон” оғоз ёфта, ба воситаи кӯчаи Сирдарё то назди Парчами давлатии Ҷумҳурии Тоҷикистон, воқеъ дар хиёбони ба номи Раҳмон Набиев идома ёфт. Дар оғози чорабинӣ сардори Раёсати ҷавонон, варзиш ва сайёҳии вилояти Суғд Олимҷон Зоҳидзода суханронӣ намуда, изҳор дошт, ки Рӯзи Дави миллӣ бо ташаббуси Президенти Ҷумҳурии Тоҷикистон мӯҳтарам Эмомалӣ Раҳмон бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ аз соли 2007 инҷониб баргузор мешавад. Муфассал...
Дар интиҳои ҳафтаи гузашта дар варзишгоҳи «Спартак» Рӯзҳои ҷавонони Тоҷикистон дар шаҳри Хуҷанд бо баргузории намоиши пуршукӯҳи идона ва чорабинии фарҳангӣ бо иштироки бештар аз 8 ҳазор ҷавонону наврасон, фаъолони шаҳр, аҳли ҷамоатчигии маркази вилоят таҷлил гардид.
Дар қисмати ифтитоҳии он муовини Раиси вилояти Суғд Назира Ғаффорӣ табрикоти Раиси вилояти Суғд Абдураҳмон Қодириро ба ҳозирон расонд. Дар навбати худ Раиси шаҳри Хуҷанд Маъруф Муҳаммадзода баромад намуда, тамоми ҷавонон ва аҳли ширкаткунандагони ин ҳамоиши ҷавонию зебоиро бо Рӯзи ҷавонон самимона табрик намуд.
Баъдан дар лаҳзаи тантанавӣ ба ғолибони фестивал-озмуни «Хурӯши ҷавонӣ», ки ба Соли ҷавонон, 20 солагии «Рӯзи ваҳдати миллӣ» бахшида шуда буд Ҷом, Диплом ва тӯҳфаҳои хотиравиро Назира Ғаффорӣ ва Маъруф Муҳаммадзода супориданд. Аз рӯи натиҷаи иштирок дар шартҳои мувофиқи Низомномаи ин озмуни ҷавонону наврасон пешбинӣ гашта, байни муассисаҳои таълимии олӣ Донишкадаи политехникии Донишгоҳи Техникии Тоҷикистон ба номи академик М. Осимӣ ва байни муассисаҳои таҳсилоти миёнаи умумӣ бошад, литсеи физикӣ-математикии ба номи М. Осимӣ ғолиб дониста шуда, мақоми аввалро соҳиб гаштанд. Муфассал...
Дар коллеҷи тиббии шаҳри Хуҷанд ба муносибати эълон гаштани “Соли 2017 - соли чавонон” ва 85 солагии ба фаъолият оғоз намудани ин муассисаи таълимӣ, майдонча ва толори варзишӣ бо бештар аз 200 ҷойи нишаст мавриди баҳрабардорӣ қарор дода шуд. Дар чорабинии тантавнавии ба ин муносибат баргузор гашта, сардори Раёсати тандурустии вилояти Суғд Фаррух Мақсудзода ва Раиси шаҳри Хуҷанд Маъруф Муҳаммадзода иштирок намуданд. Майдончаи варзишӣ, ки масоҳати он 980 метри квадратиро ташкил медиҳад, давоми се моҳ сохта шудааст.
Раиси шаҳри Хуҷанд дар назди ҳозирон баромад намуда, бо бунёди як иншооти варзишии муосир омӯзгорону муҳассилинро самимона табрик намуд. Маъруф Муҳаммадзода изҳори боварӣ намуд, ки дар ин соли таърихӣ ҷавонону донишҷӯёни колеҷи тиббӣ барои ноил гаштан ба натиҷаҳои баланди варзишии ин таълимгоҳи касбӣ саҳм мегузоранд. Муфассал...
Мувофиқи нақша чорабинии Мақомоти иҷроияи ҳокимияти давлатии вилояти Суғд имрӯз Раиси шаҳри Хуҷанд Маъруф Муҳаммадзода дар Кохи Рӯдакӣ бо ҷавонони шаҳри Хуҷанд, ки дар муассисаҳои таълимии олӣ ва касбии вилояти Суғд таҳсил менамоянд, мулоқот намуд.
