АсосӣБойгонӣ

Навгонӣ

Маҷаллаи нав дар шаҳри Хуҷанд таъсис ёфт.

(1 овоз, миёна 5.00 аз 5)

11 Май 2015

Фазои иттилооти маркази маъмурии вилоят- шаҳри Хуҷандро боз як нашрияи чопӣ маҷаллаи фарҳангӣ-фароғатии «Суғд» пурра сохт. Нахустшумораи он бо теъдоди 90 нусха аз чоп баромадааст.
Маҷалла бо ибтикори муассисон он,- эҷодкорони ҷавон Рустамҷон Ҳоҷибоев, Далер Урунов ва журналисти шинохта Мирзоаъзам Мақсудов таъсис ёфта, моҳе як маротиба нашр хоҳад шуд.
Мақсади аҳли қалами ин маҷаллаи навтаъсис, нашри маводи маърифатӣ, фарҳангӣ ва тарғиботии маркази вилоят буда, ройгон тақсим мегардад.
Шумораи нахустини он ба рўйдоди муҳими таърихӣ- 70 солагии Ғалабаи бузурги халқи советӣ аз болои Германияи фашистӣ бахшида шуда, бештари мавод ба ин сана бахшида шудааст.

Муфассал... Шарҳ додан

Таҷлили Иди Ғалаба дар шаҳри Хуҷанд.

(1 овоз, миёна 5.00 аз 5)

08 Май 2015

Имрӯз, 8 май дар назди Муҷассамаи ёдбуди шаҳидони Ҷанги Бузурги Ватании солҳои 1941 - 1945, воқеъ дар маркази шаҳри Хуҷанд, бо иштироки Раиси вилоят Абдураҳмон Қодирӣ ва Раиси шаҳри Хуҷанд Раҷаббой Аҳмадзода ба ифтихори 70 – солагии Рӯзи Ғалаба дар Ҷанги Бузурги Ватанӣ маросими тантанавии гулгузорӣ доир гардид. Дар маросими гулгузорӣ роҳбарияти мақомоти иҷроияи ҳокимияти давлатии вилоят ва шаҳри Хуҷанд, шумораи зиёди собиқадорони ҷангу меҳнат ва намояндагони аҳли зиёи вилоят иштирок намуданд.
Баъди гузоштани гулчамбар ва поси хоири қурбониёни ин ҷанги мудҳиш Раиси вилояти Суғд Абдураҳмон Қодирӣ дар ҳозирон суханронӣ намуд. Раиси вилояти Суғд Ҷанги Бузурги Ватаниро аз ҷангҳои фоҷиабортарини башарият арзёбӣ карда, аз нақши ҷанговарони тоҷик дар таъмини Ғалаба ситоиш кард.

Муфассал... Шарҳ додан

Сипоси мардум барои иҷрои дастури Президенти Ҷумҳурии Тоҷикистон.

(1 овоз, миёна 5.00 аз 5)

07 Май 2015

Дастури Президенти Ҷумҳурии Тоҷикистон Эмомалӣ Раҳмон бобати обод намудани роҳҳои шаҳри Хуҷанд ва аз таъмири хушсифат баровардани кӯчаҳои маҳаллаҳои шаҳр аз ҷониби соҳибкорони маҳаллӣ дастгирии ҳамаҷониба меёбад.
Дар якҷоягии Мақомоти иҷроияи ҳокимияти давлатии шаҳри Хуҷанд ва соҳибкор, роҳбари ширкати «Мабетес» Алишер Исмоилов роҳи биноҳои 121, 122, 122 «а», воқеъ дар маҳаллаи «Мевағул» пурра аз таъмири куллӣ бароварда мешавад. То имрӯз қисми асосии роҳ асфалтпӯш гардида, дар маҷмӯъ мумфаршкунии наздик 2 ҳазор метри мураббаъ роҳ дар нақша аст, ки маблағи умумии корҳо ба сад ҳазор сомонӣ мерасад.
Раиси шаҳри Хуҷанд Раҷаббой Аҳмадзода ҳангоми боздид ва ошноӣ аз рафти корҳои ободонӣ бо роҳсозону сокинони маҳаллаи номбурда мулоқот намуд.

Муфассал... Шарҳ додан

ТАБРИКОТИ Раиси шаҳри Хуҷанд Раҷаббой Аҳмадзода ба муносибати 70-солагии Рӯзи Ғалаба дар Ҷанги Бузурги Ватанӣ

(1 овоз, миёна 5.00 аз 5)

08 Май 2015

Ҳамдиёрони азиз!
Падарони шуҷою шарафманд!
Фарорасии иди барои тамоми инсонияти тараққихоҳи дунё азизу мӯътабар ва фархунда – 70-умин солгарди Ғалаба дар Ҷанги Бузурги Ватанӣ барои ҳар яки Шумо муборакбод мегӯям. Ба кулли мардуми диёри офтобиамон осмони софу бещубор, тани сиҳату хотири ҷамъ, ба падарони матину қаҳрамон давлати пирӣ таманно мекунам.
Ҳафтод сол муқаддам дар ҳамин гуна рӯзҳои баҳорон хабари маҳви фашизми гитлерӣ, анҷоми музаффаронаи Ҷанги Бузурги Ватанӣ ва муҷдаи Зафар дар рӯи олам танинандоз гардид. Ин ҷанги мудҳиштарин дар таърихи инсоният 1418 шабонарӯз давом карда, дуду оташи он садҳову ҳазорон шаҳру деҳаҳоро ба хок яксон намуда, ҳаёти 27 миллион нафар мардумони шӯравиро ба комаш фурӯ бурд.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи радио ва алоқа

(2 овоз, миёна 5.00 аз 5)

07 Май 2015

Тамоми кормандони соҳаи алоқа ва кормандони радиоро бо иди касбӣ – Рӯзи радио ва алоқа аз номи Мақомоти иҷроияи ҳокимияти давлатии шаҳр бо самимият ва эҳтироми афзун табрик менамоям.
Имрӯз алоқа дар рушди соҳаҳои мухталифи хоҷагии халқ нақши муассир дорад. Фаъолияти 5 ширкати мобилӣ, шабакаи телефони шаҳрӣ ва намояндагии департаменти давлатии «Почтаи тоҷик», 6 радиои маҳаллӣ бозгӯи он аст, ки дар асри мо алоқа ва радио чун воситаи муҳимтарин иртибот ва иттилоот аҳамияти муҳим дорад барои сокинон хизмат мерасонад.
Дар ҳамин замина боиси хурсандист,ки кормандони соҳа бо дарки масъулияти баланд дар ҳаёти ҷамъиятию сиёсӣ, иқтисодию иҷтимоӣ ва фарҳангию маънавии мамлакат ва дар раванди пешравиҳои беназир иштироки бевоситаи фаъолона доранд.

Муфассал... Шарҳ додан