АсосӣБойгонӣ

Навгонӣ

Мусобиқаи футболи хурд барои «Ҷоми Раиси шаҳри Хуҷанд»

09 Апрел 2015

Бо дастгирии Раиси шаҳри Хуҷанд Раҷаббой Аҳмадзода ва дастури Раиси вилояти Суғд, Абдураҳмон Қодирӣ дар Муассисаи давлатии «Мактаби варзишии бачагон ва наврасони № 1» -и шаҳри Хуҷанд тибқи нақшаи кории Бахши ҷавонон, варзиш ва сайёҳии шаҳр ва Федератсияи Футболи шаҳр мусобиқаи футболи хурд байни наврасони маҳаллаҳои шаҳри Хуҷанд, ки соли таввалудашон 2000-2002 барои дарёфти «Ҷоми Раиси шаҳри Хуҷанд» оғоз гардид.
Дар мусобиқаи мазкур дастаҳои футболбозони наврас аз 22 маҳаллаҳои шаҳр иштирок менамоянд. Рӯзи аввали мусобиқаро дастаҳои маҳаллаҳо чунин ҷамбаст намуданд:
Дастаи маҳаллаи ба номи Ҷаббор Расулов 2-1, Маҳаллаи «Чорчароғ», «Боғ» 4 – «Содирхон Ҳофиз», «Мевағул» 8 - 0 «Сирдарё» 1, «Сайҳун 0 – 2 «Суғдиён».

Муфассал... Шарҳ додан

Дар шаҳри Хуҷанд коргоҳи коркарди санг бунёд хоҳад шуд.

(1 овоз, миёна 5.00 аз 5)

09 Апрел 2015

Бо назардошти захираҳои бойи сарватҳои кӯҳӣ зиёд намудани истифода ва коркарди маъдану сангҳои кӯҳӣ яке аз стратегияҳои афзалиятноки Ҳукумати Ҷумҳурии Тоҷикистон аст, ки аз дастуру супоришҳои Президенти Ҷумҳурии Тоҷикистон Эмомалӣ Раҳмон бармеояд.
Шаҳри Хуҷанд чун яке аз марказҳои саноатии кишвар заминаҳои мусоиди таъсиси корхонаҳои гуногуни коркарди сангҳои қиматбаҳо ва маъданҳои табииро дорост. Ин нукта меҳвари асосии сӯҳбати Раиси шаҳри Хуҷанд Раҷаббой Аҳмадзода бо ҳайати роҳбарият ва кормандони Ширкати коркарди санги «Ҷобири Собир» буд.
Ширкати мазкур аз соли 2006 инҷоиб фаъолият дошта, нақша дорад дар шаҳри Хуҷанд як коргоҳи нави худро барои коркарди санг ифтитоҳ намояд. Бо ин мақсад харидории таҷҳизоти муосир ба маблағи 500 ҳазор доллари ИМА бо таъсиси ҷойи корӣ барои 100 нафар пешбинӣ гаштааст.

Муфассал... Шарҳ додан

Раиси шаҳр ба манзили ҷавонони аз хизмати ҳарбӣ саркашӣ намуда рафт.

(1 овоз, миёна 5.00 аз 5)

08 Апрел 2015

Бо мақсади беҳтар намудани корҳои фаҳмондадиҳӣ ва иҷроиши саривақтии нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон Раиси шаҳри Хуҷанд Раҷаббой Аҳмадзода дастур дод,ки муовинони Раиси шаҳр, роҳбарони кумитаҳои маҳаллаҳо, аъзоёни комиссияи даъват бо волидайни ҷавонписароне, ки аз хизмати ҳарбӣ саркашӣ мекунанд шахсан мулоқот намоянд.
Нимаи аввали имрӯз Раиси шаҳри Хуҷанд Раҷаббой Аҳмадзода ба манзили се оила рафт, ки фарзандони онҳо аз хизмати ҳарбӣ саркашӣ мекунанд.
Даъватшаванда А. Ҳомидов, А. Фозилов ва Н. Қодиров аз адои хизмати ҳарбӣ саркашӣ намуда, бе сабаб ба комиссия даъват ҳозир намешаванд. Агарчанде ба онҳо намояндагони комиссариати ҳарбӣ то оғози мавсими даъвати имсола даъватномаҳоро супорида огоҳ гардида буданд.

Муфассал... Шарҳ додан

Рӯзи ягонаи мудофиаи гражданӣ

(2 овоз, миёна 5.00 аз 5)

09 Апрел 2015

Дар Мактаби таҳсилоти умумии миёнаи №17 шаҳри Хуҷанд Ҷамъияти Ҳилоли Аҳмари Тоҷикистон дар вилояти Суғд дар ҳамкорӣ бо Кумитаи ҳолатҳои фавқулодда ва мудофиаи граждании шаҳри Хуҷанд ва Идораи маорифи шаҳр машқи якҷоя таҳти унвони «Рӯзи ягонаи мудофиаи гаржданӣ» баргузор намуданд.
Дар ин чорабинӣ Ҷамъияти Ҳилоли Аҳмари Тоҷикистон дар вилояти Суғд ба ҳайси дастаи муқовимат ба офат баромад кард.
Ҳадафи асосӣ аз ин машқ мустаҳкам намудани имконият ва такмили малакаи хонандагон омӯзгорон дар ҳолатҳои фавқулодда ва офати табии аст, -гуфт, зимни сӯҳбат роҳбари Ҷамъияти Ҳилоли Аҳмари Тоҷикистон дар вилояти Суғд Парвиз Ҷабборзода,- мақсади муҳимтар такмил додани маҳорату малакаи хонандагон нисбати расонидани ёрии аввали тиббӣ ба офатзадагон мебошад.

Муфассал... Шарҳ додан

Дар шаҳри Хуҷанд озмуни оилаи беҳтарин доир мегардад.

(1 овоз, миёна 5.00 аз 5)

07 Апрел 2015

Бо мақсади иҷрои дастуру супоришҳои Президенти Ҷумҳурии Тоҷикистон ҷиҳати дарёфти беҳтарин оилаҳо, тарғибу ташвиқи оилаҳои солим, баланд бардоштани маърифати оиладорӣ ва масъулияти падару модарон дар таълиму тарбияи фарзанд, омода намудани фарзандон ба ҳаёти мустақилона ва пойдории оила, пешгирии зӯроварӣ дар оила ва бо назардошти эълон гардидани «Соли 2015-соли Оила» Раиси шаҳри Хуҷанд Раҷаббой Аҳмадзода бобати давоми соли 2015 дар қаламрави шаҳр байни оилаҳо гузаронидани озмуни «Дарёи муҳаббат» қарори дахлдорро ба имзо расонд.
Дар ҳамин асос Шуъбаҳои рушди иҷтимоӣ ва робита бо ҷомеаи дастгоҳи Раиси шаҳр, кор бо занон ва оилаи мақомоти иҷроияи ҳокимияти давлатии шаҳр, бахшҳои фарҳанг, ҷавонон, варзиш ва сайёҳӣ ва оид ба дини мақомоти иҷроияи ҳокимияти давлатии шаҳр вазифадор гардиданд,