АсосӣБойгонӣ

Навгонӣ

«Меҳргон»- иди ҳосилот ва намоиши дастранҷи кишоварзон дар Хуҷанд

12 Октябр 2017

Санаи 15 октябри соли равон дар Муассисаи давлатии маҷмааи таърихӣ-фарҳангии Камоли Хуҷандии шаҳри Хуҷанд Иди Меҳргон баргузор мегардад. Робита ба ин бо дастури Раиси шаҳри Хуҷанд Маъруф Муҳаммадзода тамоми сохторҳои Мақомоти иҷроияи ҳокимияти давлатии шаҳр вазифадор гардидаанд, ки ҷиҳати дар сатҳи баланд таҷлил намудани ин Иди ниёгон тадбирҳо андешида шавад. Аз ҷумла, дар ин рӯз чорабиниҳои гуногуни фарҳангӣ ва намоиш доир ба ба ҷашни Иди Меҳргон, озмунҳои «Оши палав», «Кадбонуи моҳир», намоишу фурӯши маҳсулоти кишоварзии шаҳру навоҳии вилоят ва ғайраҳо пешбинӣ шудааст.

Муфассал... Шарҳ додан

Мулоқот бо вазирони мудофиаи кишварҳои аъзои Иттиҳоди Давлатҳои Мустақил

12 Октябр 2017

Имрӯз дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазирони мудофиаи кишварҳои аъзои Иттиҳоди Давлатҳои Мустақилро, ки бо мақсади иштирок дар Ҷаласаи Шӯрои вазирони мудофиа дар Тоҷикистон қарор доранд, ба ҳузур пазируфтанд.
Қабл аз ҳама Президенти мамлакат муҳтарам Эмомалӣ Раҳмон вазирони мудофиаро ба Тоҷикистон хайрамақдам гуфта, ба кори ҷаласаи Шӯрои вазирони мудофиа, ки имрӯз дар шаҳри Душанбе баргузор мегардад, натиҷаҳои бобарор орзу намуданд.
Сарвари давлат аз натиҷаи кори 25 - солаи Шӯрои вазирони мудофиа, ки фаъолияти он ба рушди равобити бисёрҷонибаи ҳамкории ҳарбӣ равона гардидааст, изҳори қаноатмандӣ намуда, таъкид доштанд, ки тайи ин муддат бо истифода аз таҷрибаи ғании андухта заминаи мустаҳками ҳамгироӣ таъсис ёфта, корҳои назаррасе анҷом дода шудааст.

Муфассал... Шарҳ додан

Иштирок дар ҷаласаи навбатии Шӯрои Сарони давлатҳои узви Иттиҳоди Давлатҳои Мустақил

12 Октябр 2017

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи навбатии Шӯрои Сарони давлатҳои узви Иттиҳоди Давлатҳои Мустақил дар шаҳри Сочии Федератсияи Россия иштирок ва суханронӣ намуданд.
Дар кори ҷаласаи Шӯрои сарони кишварҳои Иттиҳоди Давлатҳои Мустақил Президенти Ҷумҳурии Тоҷикистон Эмомалӣ Раҳмон, Президенти Озарбойҷон Илҳом Алиев, Президенти Арманистон Серж Саргсян, Президенти Беларус Александр Лукашенко, Президенти Қазоқистон Нурсултон Назарбоев, Президенти Молдова Игор Додон, Президенти Россия Владимир Путин, Президенти Ӯзбекистон Шавкат Мирзиёев, Президенти Туркманистон Гурбонгулӣ Бердимуҳаммадов ва Сарвазири Қирғизистон Сапар Исаков иштирок карданд.

Муфассал... Шарҳ додан

Суханронӣ дар ҷаласаи Шӯрои cарони давлатҳои ИДМ дар ҳайати васеъ

12 Октябр 2017

Муҳтарам Раис,
Ҳамтоёни муҳтарам,
Пеш аз ҳама, мехоҳам ба ҷониби Россия ва ба Президент Владимир Владимирович Путин барои меҳмоннавозии гарм ва ташкили сатҳи баланди ҷаласа изҳори миннатдорӣ намоям.
Рӯзномаи ҷаласаи мо масъалаҳои муҳимро фаро мегирад ва мо қабули қарорҳои дахлдорро барои ҳалли онҳо маъқул медонем.
Барои дастгирии қарор дар барои гузариши раёсат дар Иттиҳод ба Ҷумҳурии Тоҷикистон минатдориамонро изҳор медорам.
Аз ҷониби мо Консепсияи раёсати Тоҷикистон ва Нақшаи татбиқи он таҳия карда шудааст.
Афзалиятҳои раёсати мо ба таъмини муттасилӣ дар Иттиҳод ва таҳкими натиҷаҳои то имрӯз бадастомада равона карда мешаванд.

Муфассал... Шарҳ додан

Ярмарка: маҳсулоти арзони деҳқонон ба сокинони шаҳри Хуҷанд

11 Октябр 2017

Бо ибтикори Мақомоти иҷроияи ҳокимияти давлатии вилояти Суғд бахшида ба Иди Меҳргон санаҳои 12-15 октябри соли 2017, соати 07-00 дар назди Театри ба номи Камоли Хуҷандӣ ва маҳаллаи 20-уми шаҳри Хуҷанд ярмарка-фурӯши маҳсулоти кишоварзӣ баргузор мегардад. Тавре масъулин иттилоъ доданд дар ярмарка тамоми анвои маҳсулоти кишоварзӣ аз навоҳии вилояти Суғд бо нархи арзон манзури харидорон карда мешавад.
Марҳамат ба ярмарка!

Муфассал... Шарҳ додан