АсосӣБойгонӣ

Навгонӣ

Барқияи табрикӣ ба Президенти тозаинтихоби Ҷумҳурии Қирғизистон Сооронбой Жээнбеков

18 Октябр 2017

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Қирғизистон Сооронбой Жээнбеков барқияи табрикӣ ирсол намуданд, ки дар он, аз ҷумла, омадааст:
«Муҳтарам Сооронбой Шарипович,
Дар робита ба интихоб гардидаданатон ба мансаби олии Президенти Ҷумҳурии Қирғизистон бо изҳори хушнудӣ ба Шумо табрикоти самимии худро ирсол медорам.
Мардуми Қирғизистон бо ибрози иродаи худ эътимоди баландашро ба фаъолияти давлатии Шумо ироа намуд.
Тоҷикистон ва Қирғизистонро риштаҳои дӯстӣ ва робитаҳои неки ҳамҷаворӣ, ки таърихи чандинасра доранд, ба ҳам мепайвандад.
Мо Шуморо ба ҳайси ҷонибдори собитқадами таҳкиму густариши минбаъдаи муносибатҳои гуногунҷанбаи Тоҷикистон ва Қирғизистон мешиносем.

Муфассал... Шарҳ додан

Диққат: озмун барои журналистон!

17 Октябр 2017

Шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд ва Дафтари матбуоти Раиси шаҳр дар чорчӯбаи Барномаи давлатӣ «Оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» озмуни беҳтарин мақола (рӯзнома, сомона), гузориши телевизионӣ ва ролики иҷтимоӣ дар самти зӯроварӣ ва ё хушунат эълон медорад.
Дар озмун тамоми рӯзноманигорон новобаста аз шакли моликият ва ҷойи кор иштирок карда метавонанд. Факту рақами мавод ҳатман воқеъӣ ва рӯзмарра бошад. Маводи озмун бояд то 1 декабри соли 2017 нашр ва нусхаи он ба комиссияи озмун пешниҳод карда шавад. Озмун аз рӯйи ҳар се номиннатсия, яъне беҳтарин мақола, гузориш ва ролики тарғиботӣ натиҷагирӣ карда мешавад.

Муфассал... Шарҳ додан

Сипосномаи сокинони маҳаллаи Темурмалик ба Раиси шаҳр

17 Октябр 2017

Ба унвонии Раиси шаҳри Хуҷанд Маъруф Муҳаммадзода аз номи сокинони маҳаллаи Темурмалики микроноҳияи 3-юми шаҳр Сипоснома расидааст, ки мардуми маҳалла аз сиёсати ободониву созандагӣ ва дастуру раҳнамоиҳои Асосгузори сулҳу Ваҳдати миллӣ-Пешвои миллат Президенти мамлакат мӯҳтарам Эмомалӣ Раҳмон баҳри ободиву шукуфоии шаҳри Хуҷанд, сабзу хуррам шудани минтақаи зисташон, таъмиру мумфаршкунии роҳҳо, фаъолнокии хатсайрҳо, таъмини иҷтимоиёту фароҳамоварии зиндагии шоистаашон истиқбол намудаанд.
Дар Сипосномаи мазкур аз ҷумла омадааст: «Тайи чанд соли охир садҳо гектар заминҳо барои беҳдошти вазъи иҷтимоии сокинон ҷудо карда шуд. Сокинони шаҳри Хуҷанд, ки солҳои зиёд интизори гирфтани замин буданд, аз ин ғамхорӣ бенасиб намонданд. Имрӯз доманаи кӯҳи Мевағул, дашти ободу сарсабзи Сайҳун ба шарафоти дастгирии давлат ва Ҳукумат обод гардида истодааст.

Муфассал... Шарҳ додан

Ман бо Тоҷикистони маҳбубам ифтихор дорам

17 Октябр 2017

Бахши ҷавонон ва варзиши Мақомоти иҷроияи ҳокимияти давлатии шаҳри Хуҷанд байни хонандагони синфҳои болоии макотиби таҳсилоти ҳамагонӣ озмуни шаҳрии иншои беҳтарин дар мавзӯи “Ман бо Тоҷикистони маҳбубам ифтихор дорам” эълон менамояд. Озмун дар ду давр гузаронида мешавад. Даври аввал дар муассисаҳои таҳсилоти миёнаи умумӣ гузаронида шуда, ғолибон бо пешниҳоди директори муассиса ба даври дуюм-озмуни шаҳрӣ роҳхат мегиранд.
Тавре, ки дастандаркорони озмун иттилоъ доданд, ҳадаф аз ташкил ва гузаронидани озмун дастгирӣ намудани ташаббусҳои эҷодӣ, дарёфт ва дастгирӣ намудани ҷавонони соҳибистеъдод, ғанӣ гардонидани сатҳи маърифатнокӣ ва забондонии ҷавонон, баланд бардоштани маърифати илмӣ ва зеҳнии ҷавонон ва таҳким бахшидани тарбияи ватандӯстию ахлоқии ҷавонон буда он бахшида ба Рӯзи Парчами давлатии Ҷумҳурии Тоҷикистон ва «Соли ҷавонон» сурат мегирад.

Муфассал... Шарҳ додан

Мулоқот бо Вазири давлатӣ оид ба корҳои хориҷии Судон Ҳомид Муҳаммад Аннур Мумтоз

17 Октябр 2017

Дирӯз дар Кохи Сомон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи иҷлосияи дуюми Форуми иқтисод ва ҳамкории арабӣ бо кишварҳои Осиёи Марказӣ ва Озарбойҷон Вазири давлатӣ оид ба корҳои хориҷии Судон Ҳомид Муҳаммад Аннур Мумтозро ба ҳузур пазируфтанд.

Дар ҷараёни мулоқот, ки дар фазои дӯстию ҳамдигарфаҳмӣ сурат гирифт, масъалаҳои вобаста ба густариши минбаъдаи муносибатҳои мутақобилан судманди Тоҷикистону Судон мавриди баррасӣ қарор гирифт.

“Барпо намудани робитаҳои мустаҳками дуҷониба бо кишварҳои арабии қитъаи Африқо дар сиёсати хориҷии Тоҷикистон ҷойгоҳи муҳим дорад” таъкид доштанд Президенти мамлакат муҳтарам Эмомалӣ Раҳмон ва афзуданд, ки мо омодаем ҳамкориро бо Ҷумҳурии Судон дар соҳаҳои мавриди таваҷҷуҳи тарафайн ба сатҳи сифатан нав барорем.

Муфассал... Шарҳ додан