АсосӣБойгонӣ

Навгонӣ

Насби беш аз 140 адад симчӯб дар шоҳроҳи Истиқлол

23 Октябр 2017

Бо иқдому дастгирии Раиси вилояти Суғд Абдураҳмон Қодирӣ ба корҳои ободонии шоҳроҳи Истиқлоли шаҳри Хуҷанд суръати тоза бахшида шуд. Кормандони КВДК "Сарраёсати ободонӣ, хоҷагию манзилӣ вакомуналӣ"-и шаҳр то имруз аз маҳаллаи 3-юми шаҳр то истгоҳи БДА-и вилоят баҳри чароғонкунии ин шоҳроҳ беш аз 140 адад симчӯбҳои наву замонавӣ насб намуданд. Ҳамзамон гардишгоҳи маҳаллаҳои 8-12 таҷдиду азнавсозӣ гардида истодааст.
Интизор меравад, ки гардишгоҳи номбурда кабудизор шуда, дар он ниҳолҳои сояафкан, гулу гулбуттаҳои ба мавсими зимистон тобовар шинонида мешавад.

Муфассал... Шарҳ додан

Шанбегӣ: 30 тонна партов аз шаҳр бароварда шуд

23 Октябр 2017

Субҳи рӯзи шанбеи ҳафтаи сипаришуда зиёда аз 50 адад корхонаву муассисаҳои шаҳри Хуҷанд бо фарогирии беш аз 26 000 нафар барои ободониву тоза намудани гирду атрофи биноҳои худ ва кӯчаҳои асосии шаҳр баромаданд.
Ҳамин тавр, шахрвандон ба воситаи ҳашар 60 бех ниҳолҳои сояафкану мевадиҳанда, беш аз 400 дона гул шинонида, якчанд майдонҳоро кабудизор намуданд.
Ҳамзамон ба масоҳати зиёд роҳрав ва ҷӯйборҳои кӯчаю маҳалла тоза карданд ва дар натиҷа ба миқдори зиёда аз 30 тонна партов аз шаҳр бароварда шуд.
Ҳашарчиён тани 65 бех дарахтҳоро сафед намуда, масоҳати зиёди майдони заминҳои ҳудуди корхонаро аз алафҳои бегонааш тоза намуданд.

Муфассал... Шарҳ додан

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев

21 Октябр 2017

Дирӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Ҳамин тавр, дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Президенти Ҷумҳурии Ӯзбекистон Шавкат Мирзиёев, аз ҷумла, омадааст:

«Муҳтарам Шавкат Миромонович,

Дар иртибот ба рӯйдоди шоистаи таърихӣ – биступанҷумин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Ӯзбекистон бо камоли масаррат ба Шумо табрикоти самимии худро ирсол медорам.

Муфассал... Шарҳ додан

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Арманистон Серж Саргсян

21 Октябр 2017

Имрӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Арманистон Серж Саргсян ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Ҳамин тавр, дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Президенти Ҷумҳурии Арманистон Серж Саргсян, аз ҷумла, омадааст:

«Муҳтарам Серж Азатович,

Санаи ҷашнии биступанҷумин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Арманистон бароям фурсати муносибе фароҳам овардааст, ки ба Шумо табрикоти самимии худро бифиристам.

Муфассал... Шарҳ додан

Номаи кушод ба сафири Ҷумҳурии Исломии Эрон дар Ҷумҳурии Тоҷикистон Ҳуҷҷатуллоҳ Фағонӣ

21 Октябр 2017

Пешгуфтор: ҳамагон медонанд, ки имрӯзҳо зодаи Истаравшани бостонӣ Бурҳонов Юнус Аббосович дар қаламрави Ҷумҳурии Исломии Эрон қарор дорад ва пайваста тавассути маводи иғвоангезона бар сари мардуму миллати хеш борони туҳмату буҳтон мерезад. Албатта, амалҳои моҷароҷӯёнааш сари хасе таъсир надоранд, вале моро ин далел нороҳат намудааст, ки ӯ бо интихоби лақаби «Истаравшанӣ» ба номи шаҳри бостонии мо иснод меорад. Бо мақсади пешгирӣ аз бадномсозии минбаъдаи диёрамон мо - як гурӯҳ сокинони шаҳр тасмим гирифтем, бо номае ба сафири Ҷумҳурии Исломии Эрон дар Тоҷикистон муроҷиат намуда, асли ин шахсро барояшон тавзеҳ диҳем.
Баъди иншои нома гурӯҳи мазкур банда - Юлдошев Илҳом Эргашевичро муваззаф намуд, ки онро ба ҷаноби сафир расонам.

Муфассал... Шарҳ додан