АсосӣБойгонӣ

Навгонӣ

Таҳкими робита бо шаҳрвандон вусъат меёбад

25 Октябр 2017

Бо иқдоми Раиси шаҳри Хуҷанд Маъруф Муҳаммадзода бо мақсади ободу зебо намудани шаҳри азизамон ва таҳкими робитаи мардум бо Мақомоти иҷроияи ҳокимияти давлатии шаҳри Хуҷанд барои ҳалли мушкилоти бавуҷудомада почтаи электронии Этот e-mail адрес защищен от спам-ботов, для его просмотра у Вас должен быть включен Javascript фаъол гардид.
Минбаъд шаҳрвандон метавонанд доир ба камбудию ноқисиҳое, ки дар ин ё он гӯшаи шаҳр ба чашмашон меафтад, тариқи почтаи номбурда ирсол намоянд. Ҳамзамон сокинон метавонанд доир ба пешрафту рушди шаҳри бостонии Хуҷанд фикру андешаҳои хешро манзур кунанд.
Ифшо накардани ному насаби муаллифон кафолат дода мешавад.
Ҳар маводи дастрасгардида, ба Раиси шаҳри Хуҷанд Маъруф Муҳаммадзода дастрас ва аз ҷониби масъулин чораандешӣ карда мешавад.

Муфассал... Шарҳ додан

«Китобхонаи беҳтарин» муайян мешавад

24 Октябр 2017

Бо иқдоми бахши ҷавонон ва варзиш ва шуъбаи маорифи шаҳри Хуҷанд озмуни шаҳрии “Китобхонаи беҳтарин” байни китобхонаҳои муассисаҳои таҳсилоти умумӣ бахшида ба «Соли ҷавонон» ва Иҷлосияи XVI-уми Шӯрои Олии Ҷумҳурии Тоҷикистон баргузор мегардад.
Озмуни шаҳрии "Китобхонаи беҳтарин" бо мақсади эҳё ва рушди фаъолияти китобхонаҳои мактабӣ, бедор намудани ҳисси масъулият нисбат ба эҳтироми китоб, завқи китобхонӣ, эҳтиёт намудани китоб, китобдӯстӣ, зебоипарастӣ, завқи эстетикии хонандагон баланд бардоштани сатҳи тарбияи онҳо ташкил карда мешавад.
Озмуни мазкур бо мақсади мустаҳкам намудани пойгоҳи моддӣ-техникии китобхонаи мактабӣ, ғанӣ гардонидан ва таъмин намудани онҳо бо миқдори зарурии адабиёти бадеӣ ва бачагона роҳандозӣ гардида, ҳамзамон баҳри баланд намудани нуфузи китобхона ҳамчун ҷузъи муҳим ва ҷудонашавандаи раванду таълиму тарбия нигаронида шудааст.

Муфассал... Шарҳ додан

Атласу адрас як ҷузъи фарҳанги миллӣ

24 Октябр 2017

Барои баланд бардоштани ифтихори миллӣ, арҷгузорӣ ба фарҳанги воло, тарбияи зебоипарастӣ, тарғибу ташвиқи либосҳои миллӣ, таъсиси ҷойҳои корӣ, ба касбомӯзӣ ҷалб кардани занону духтарони хонашин, ба насли оянда пешкаш кардани ҳунари аҷдодӣ ва бо мақсади дарёфти истеъдодҳои нав дар солҳои соҳибистиқлолии кишвар як қатор тадбирҳои созанда андешида шуда истодааст. Аз ҷумла дар толори маҷлисгоҳи Донишкадаи политехникии Донишгоҳи техникии Тоҷикистон чунин чорабинӣ дар сатҳи баланд баргузор гардид. Дар ин бора ба мо аз донишкадаи мазкур хабар доданд.
Ин манбаъ афзуд, ки дар ин чорабинии идона донишҷўёни фаъол аз 4 факултетҳои донишкада иштирок намуданд.

Муфассал... Шарҳ додан

Баргузории гӯштини тарзи озод ва юнонӣ-румӣ дар Хуҷанд

24 Октябр 2017

Санаҳои 27-28-уми октябри соли 2017 бахшида ба Соли 2017-соли ҷавонон дар Қасри варзиши шаҳри Хуҷанд мусобиқаи байналмилалӣ оид ба гӯштини тарзи озод ва юнонӣ-румӣ байни ҷавонон баргузор мегардад.
Интизор меравад, ки дар мусобиқаи байналмилалӣ беш аз 80 нафар гӯштингирони хориҷи дуру наздик иштирок намоянд. Мусобиқа аз руйи меъёрҳои байналхалқӣ гузаронида шуда, аз минтақаҳои гуногуни Тоҷикистон низ дар он ширкат меварзанд. Ғолибон бо ҷоиза ва тӯҳфаҳо қадршиносӣ карда мешаванд.

Муфассал... Шарҳ додан

Ҷаласаи комиссия оид ба ҳуқуқи кӯдак

23 Октябр 2017

Дар Мақомоти иҷроияи ҳокимияти давлатии шаҳри Хуҷанд ҷаласаи комиссия оид ба ҳуқуқи кӯдак таҳти роҳбарии муовини Раиси шаҳри Хуҷанд Раъно Ҳошимзода сурат гирифт.
Дар ҷаласаи комиссияи ҳуқуқи кӯдак шаҳрвандон роҷеъ ба масоили иваз намудани ному насаби ноболиғон, ба фарзандхонӣ қабул намудани кӯдакон, супоридани фарзанди ноболиғ ба хонаи кӯдакони шаҳр ва ғайраҳо муроҷиат намуданд. Ҳамзамон, аъзои комиссия оид ба ҳуқуқи кӯдаки Мақомоти иҷроияи ҳокимияти давлатии шаҳри Хуҷанд мактубҳои дахлдори Хонаи кӯдакони шаҳр ва дигар мақомоти марбутаро мавриди омӯзиш ва таҳлил қарор доданд.
Ҷоиз ба зикр аст, ки дар давоми соли ҷорӣ ба унвони Комиссия оид ба ҳуқуқи кӯдак 210 адад аризаҳои хаттӣ ва 61 адад муроҷиатҳои шифоҳии шаҳрвандон ва 324 адад мактубҳо аз мақомоти судӣ, ҳифзи ҳуқуқ, маориф ва дигар ташкилоту муассисаҳо ворид гардидааст.