АсосӣБойгонӣ

Навгонӣ

Чемпионати Хуҷанд бахшида ба Рӯзи Президент

10 Ноябр 2017

Санаҳои 11-12 ноябри соли равон бахшида ба Рӯзи Президенти Ҷумҳурии Тоҷикистон ва соли 2017 «Соли ҷавонон» дар толори «Қасри варзиш»-и шаҳри Хуҷанд Чемпионати шаҳри Хуҷанд оид ба каратэ до баргузор мегардад.
Интизор меравад, ки дар ин чорабинӣ беш аз 200 варзишгарони хуҷандӣ аз рӯйи синну сол ва вазн байни ҳам ба рақобат мебароянд. Ғолибон бо Ҷоми Чемпионат, диплом ва тӯҳфаҳои арзишманд қадршиносӣ хоҳанд шуд.

Муфассал... Шарҳ додан

Паёми шодбошии Раиси шаҳри Хуҷанд Маъруф Муҳаммадзода ба муносибати Рӯзи милитсия

10 Ноябр 2017

Муҳофизони бонангу номус ва далеру шуҷои Ватан – кормандони мақомоти корҳои дохилӣ, кулли собиқадорони соҳаи ҳифзи тартиботи ҷамъиятиро ба муносибати Рӯзи милитсияи тоҷик аз номи Мақомоти иҷроияи ҳокимияти давлатии шаҳри Хуҷанд самимона табрику муборакбод намуда, барояшон саломатию сарбаландӣ ва барори кор таманно дорам.
Мақомоти ҳифзи ҳуқуқ яке аз сохторҳои муҳими низоми давлатдорӣ ба шумор рафта, вазифаи асосии онҳо таъмини волоияти қонун, таҳкими қонуният ва тартиботи ҳуқуқӣ бо мақсади ҳифзи мустақилият ва соҳибихтиёрии кишвар, ҳуқуқу озодиҳои инсон ва шаҳрванд, асосҳои демократии ҳокимияти давлатӣ, вазъи ҳуқуқии мақомоти маҳаллии ҳокимияти давлатӣ, мақомоти худидоракунии маҳаллӣ, иттиҳодияҳои ҷамъиятӣ, динӣ, ҳизбҳои сиёсӣ ва дигар сохторҳои ғайридавлатӣ иборат аст.

Муфассал... Шарҳ додан

ҲНИТ ва ДОИШ: исботи амалии як будани таълимот, фаъолият ва мақсади ин ду ташкилоти экстремистӣ

09 Ноябр 2017

alt

Тавре ВАО хабар доданд, масъулияти амали террористиро, ки чанде пеш дар Ню-Йорки ИМА содир карда шуд, ДОИШ (дар Тоҷикистон мамнуъ эълон шудааст!) ба зимма гирифт. Ин бори дигар аз он шаҳодат медиҳад, ки хатари ин созмони террористӣ ба амнияти ҷаҳон беш аз ҳама таҳдид мекунад.
Аз ҷумла, ба Тоҷикистон низ, ки узви ҷомеаи ҷаҳонӣ аст. Ва махсусан вақте ки таълимот, фаъолият ва аҳдофи Ҳизби дар кишвари мо мамнуи наҳзати исломии Тоҷикистон ва ДОИШ ба ҳам монанданд. Дар ин бора ҳафтаномаи «Фараж» маводе нашр кардааст, ки зарур донистем онро ба хонанадагони худ пешниҳод намоем.

Солҳои охир тамоми ҷаҳон аз ваҳшигиҳои гурўҳи ифротию террористии ба ном «Давлати Исломӣ» ё ҳамон ДОИШ ба ҳайрат омадааст. Бо бераҳмии махсус куштани гурўҳ-гурўҳ одами бегуноҳ, зинда ба зинда сўзондан ё таркондани инсон, бо завқ тамошо кардану наворбардории саҳнаи куштор, ба кўдакони хурдсол омўхтани каллабурӣ, сохтани зиндонҳои гўрмонанд, ҷорӣ кардани ғуломдорию ғуломфурўшӣ, қир кардани одамон аз рўи қавму мазҳаб ва ҳазорон ҷинояти дигаре, ки ДОИШ анҷом додааст, ҳар рўз одамонро дар саросари дунё ба ваҳшат меорад.

Ин саҳнаҳоро дида, ҳар шаҳрванди боҳуши Тоҷикистон беихтиёр мегўяд, ки хайрият мардуми мо аз ин даҳшат дур аст, хайрият дар кишвари мо сулҳу озодӣ ҳукмфармост. Вақте, ки ман ин саҳнаҳоро аз телевизон мебинам, садҳо бор шукр мекунам, ки хайрият дар Тоҷикистон пеши роҳи ДОИШ саривақт гирифта шуд, хайрият давлати мо саривақт фаъолияти ДОИШ-ро манъ кард!

Муфассал... Шарҳ додан

Маъруф Муҳаммадзода: «Зиндагии орому осоиштаи сокинони шаҳр таъмин гардидааст»

09 Ноябр 2017

Имрӯз бо ҳузури Раиси шаҳри Хуҷанд Маъруф Муҳаммадзода ва кормандони мақомоти умури дохилаи шаҳр ба шарафи Рӯзи милитсияи тоҷик дар театри мазҳака-мусиқавии Камоли Хуҷандӣ маҷлиси тантанавӣ баргузор гардид.
Баъди ворид намудани Парчами миллӣ ба толори театр ва садо додани Суруди миллӣ аз ҷониби сардори ШВКД Ҷумҳурии Тоҷикистон дар шаҳри Хуҷанд полковники милитсия Эмин Ҷалилзода ба чорабинӣ ҳусни ифтитоҳ бахшида шуд.
Раиси шаҳри Хуҷанд Маъруф Муҳаммадзода кормандони мақомоти корҳои дохиларо бо иди касбиашон таҳният гуфта, аз ҷумла афзуд, ки «Мо хуб дарк мекунем, ки таъмини тартиботи ҳуқуқӣ, таҳкими сулҳу субот, мубориза бо ҷинояткорӣ ва пешгирии ҳамагуна ҳуқуқвайронкунӣ, ки ин зуҳуроти номатлуб метавонанд пояҳои давлатро заиф гардонанд, аз фаъолияти муътадилу муназзами кормандони мақомоти ҳифзи ҳуқуқ ва сохторҳои низомӣ вобастагии мустақим дорад.

Муфассал... Шарҳ додан

Футбол: Тоҷикистон –Ӯзбекистон 1:0

09 Ноябр 2017

Мунтахаби ҷавонони Тоҷикистон таҳти раҳбарии сармураббӣ Мубин Эргашев, ки дар бозии охиринаш дар мусобиқоти интихобии қаҳрамонии футболи Осиё-2018 дар гурӯҳи «В» миёни дастаҳои мунтахаби ҷавонони зери 19-сола тими Узбакистонро бо ҳисоби 1:0 шикаст дод, ғолиби гурӯҳ шуд ва ба марҳилаи ниҳоӣ роҳ ёфт.
Ин бозии даври охирини мусобиқоти гурӯҳи “В” шоми чоршанбеи 8-уми ноябр дар Варзишгоҳи марказии Ҳисор ба поён расид. Голи ягонаро пас аз ҳуҷуми футболбозони тоҷик Дилшод Саитов, бозигари мунтахаби Узбакистон, дар дақиқаи 53-юм ба дарвозаи дастааш зад.
Бар асоси дастури мусобиқот ба марҳилаи ниҳоии қаҳрамонии футболи Осиё-2018 миёни дастаҳои мунтахаби ҷавонони зери 19-сола, ки соли оянда дар Малайзия барпо мегардад, ғолибони 10 гурӯҳи интихобӣ ва 5 дастаи беҳтарини ҷойҳои дувум роҳ ёфтанд.