АсосӣБойгонӣ

Навгонӣ

Паёми телевизионӣ ба муносибати Соли нави мелодӣ

02 Январ 2018

Ҳамватанони азиз!

Тибқи солшумории мелодӣ соли 2017 сипарӣ шуда, соли нави 2018 фаро мерасад.

Кулли мардуми шарифи Тоҷикистон ва ҳамаи ҳамватанони бурунмарзиамонро ба ин муносибат самимона табрик мегӯям.

Дар соле, ки фаро расида истодааст, ба хонадони ҳар яки шумо фазои орому осуда, рӯзгори обод ва хушҳоливу хушрӯзӣ орзу менамоям.

Умедворам, ки соли нав барои халқи сарбаланди тоҷик соли бобарор ва марҳалаи навбатии вусъати амалҳои созандаву ободкориҳо гардида, мақсаду маром ва орзуву ниятҳои некамон амалӣ мешаванд.

Зеро соле, ки сипарӣ мегардад, барои мардуми кишварамон давраи заҳмати софдилона ба хотири пешрафти Ватани соҳибистиқлоламон буд.

Муфассал... Шарҳ додан

Табрикоти Раиси шаҳри Хуҷанд Маъруф Муҳаммадзода бахшида ба истиқболи соли нави мелодии 2018

(1 овоз, миёна 5.00 аз 5)

30 Декабр 2017

Ҳамшаҳриёни азиз!
Мо бо соли 2017-уми мелодӣ, ки дар хотири мардуми Тоҷикистон ҳамчун соли заҳмати содиқонаву софдилона барои ободии Ватани азиз, амалӣ гардидани ҳадафҳои неки бунёдкорона ва дастовардҳои навбатии давлати соҳибистиқлоламон нақш хоҳад баст, хайрбод мегӯем ва соли нави 2018-уми мелодиро бо умеду орзуҳои нек ва нияту нақшаҳои нави созанда истиқбол мегирем.
Дар ин лаҳзаҳои идона бо фарорасии соли нави мелодии 2018 ҳамаи сокинони Хуҷандшаҳрро самимона табрик гуфта, ба ҳар яки Шумо тансиҳативу рӯзгори осуда, бахти пояндаву иқболи нек ва зиндагии пурфайзу бобаракатро орзу мекунам.
Бо ифтихор метавон зикр кард, ки соли 2017 барои сокинони Тоҷикистони азиз соли комёбиҳои бузург ва дастовардҳои назаррас буд.

Муфассал... Шарҳ додан

Аёдати собиқадорон аз ҷониби Раиси шаҳр

29 Декабр 2017

Раиси шаҳри Хуҷанд Маъруф Муҳаммадзода дар арафаи Соли нави милодӣ бо мақсади аёдат ба манзили собиқадори меҳнат, Шаҳрванди фахрии шаҳри Хуҷанд Ҳамроҳхон Тоҳироваи 93 сола, Иштирокчии Ҷанги бузурги Ватанӣ Қориҷон Ахмедов, маъюби гуруҳи 1 пиразани 94 сола Марҳамат Мирмуҳаммедова, нафақахур Вера Трошенина ва Аълочии маориф Наима Муъминова ташриф оварда, маводи озуқавории ниёзи аввал аз қабили орд, равған, гӯшт, биринҷ, нон, тӯҳфаҳои солинавӣ ва ғайраҳо тақдим намуда, аз номи Асосгузори сулҳу Ваҳдати миллӣ, Пешвои миллат, Президенти мамлакат, муҳтарам Эмомалӣ Раҳмон ва Раиси вилояти Суғд мӯҳтарам Абдураҳмон Қодирӣ ва Роҳбарияти Мақомоти иҷроияи ҳокимияти давлатии шаҳри Хуҷанд табрикоту таманниётро ба муносибати соли нави 2018 расонд.

Муфассал... Шарҳ додан

Комёбии 197 нафар хонандагони синфҳои болоии шаҳри Хуҷанд дар Олимпиадаи шаҳрӣ

30 Декабр 2017

Даври дуюми Олимпиадаи фаннии хонандагон барои синфҳои 9,10,11-и муассисаҳои таҳсилоти миёнаи умумии шаҳри Хуҷанд дар соли таҳсили 2017-2018 ба охир расид.
Ба ин муносибат дар МТҲУ №5-и шаҳри Хуҷанд ҷамъомади идона баргузор гардид. Раъно Ҳошимзода хонандагони ғолиби даври дуюми Олимпиадаи фанниро аз номи Раиси шаҳри Хуҷанд Маъруф Муҳаммадзода таҳният гуфта, барои иштироки фаъолонаашон ба даври сеюми Олимпиада бурдбориҳоро таманно намуд.
Сипас, 197 нафар хонандагони синфҳои 9,10,11-и муассисаҳои таҳсилоти миёнаи умумии шаҳри Хуҷанд, ки дар даври дуюми Олимпиадаи фаннӣ комёб шудаанд, бо Диплом ва Сипосномаҳои Мақомоти иҷроияи ҳокимияти давлатии шаҳр қадршиносӣ гардиданд.

Муфассал... Шарҳ додан

Мулоқоти ректорон бо хатмкунандагони макотиби миёнаи шаҳри Хуҷанд

(1 овоз, миёна 5.00 аз 5)

29 Декабр 2017

Бо мақсади ошноии бештар пайдо кардани хатмкунандагон бо ҷараёни таълиму тарбия, вазъи пояи моддиву техникии муассисаҳои олӣ ва миёнаи касбии вилоят бо дастури Раиси вилояти Суғд муҳтарам Абдураҳмон Қодирӣ тайи се сол аст, ки мулоқоти озоду шаффофи сарварони донишгоҳу донишкадаҳо ва миёнаи махсуси вилоят бо хатмкунандагон доир мегардад.
Дирӯз дар Кохи ба номи Абӯабдуллоҳ Рӯдакии шаҳри Хуҷанд идомаи ин вохӯриҳо бо устодону шогирдони мактабҳои шаҳри Хуҷанд доир гардид.
Чорабиниро муовини раиси шаҳр Раъно Ҳошимзода ҳусни ифтитоҳ бахшид. Номбурда иброз дошт, ки соли равон 48 мактабҳои таҳсилоти ҳамагонӣ ва 11 мактабҳои хусусии шаҳри Хуҷандро 2445 нафар хатм менамоянд.