АсосӣБойгонӣ

Навгонӣ

Хуҷанд. Иҷрокунандаи вазифаи Раиси вилоят як қатор собиқадорони меҳнатро аёдат намуд

29 Январ 2018

Рӯзи 28 январ иҷрокунандаи вазифаи Раиси вилоят Раҷаббой Аҳмадзода пас аз шиносоӣ бо фаъолияти як қатор муассисаҳои иҷтимоӣ дар шаҳри Хуҷанд ба аёдати собиқадорони меҳнат рафт.

Яке аз онҳо собиқадори соҳаи саноат Ҳамро Тоҳирова мебошад, ки малакаю маҳорати худро солҳои зиёд барои рушди ин соҳа бахшидааст. Ҳамро Тоҳирова барои меҳнатҳои софдилонааш ба унвони Қаҳрамони меҳнати сотсиалистӣ ва Шаҳрванди фахрии шаҳри Хуҷанд сазовор гардидааст. Роҳбари вилоят ба собиқадори меҳнат паёми Пешвои миллат муҳтарам Эмомалӣ Раҳмонро расонида, барояш саломатӣ ва давлати пирӣ таманно намуд.

Муфассал... Шарҳ додан

Боздид аз меҳмонхонаи “Парламент” ва чойхонаи “Сирдарё”-и шаҳри Хуҷанд

29 Январ 2018

Иҷрокунандаи вазифаи Раиси вилоят Раҷаббой Аҳмадзода зимни сафари корӣ ба шаҳри Хуҷанд, ки рӯзи якшанбеи 28 январ сурат гирифт, дар хиёбони Раҳим Ҷалил бо умеди ободониву сарсабзии ҳамешагии диёр дарахти ороишӣ шинонид ва сокинони шаҳрро барои вусъати корҳои ободонӣ ва маъракаи ниҳолшинонӣ ба истиқболи ҷашни Сада ҳидоят намуд.

Зимни боздид аз меҳмонхонаи тозабунёди “Парламент” роҳбари вилоят бо нақшаи ободонии соҳили Сирдарё ва иншооти сохташаванда дар ин мавзеъ шинос шуд. Тибқи нақшаи ободонии шаҳр ба хотири муҳайё сохтани имкониятҳои бештари истироҳатию саёҳатӣ дар канори дарёи Сир бунёди як қатор иншоот, аз ҷумла меҳмонхонаҳо, тарабхона, хобгоҳи солимгардонӣ ва чойхонаи миллӣ дар назар дошта шудааст. Раҷаббой Аҳмадзода соҳибкоронро даъват намуд, ки дар ободонии маркази вилоят саҳмгузор бошанд ва бо ҳисси баланди ифтихори миллӣ корҳои сохтмониву азнавсозиро дар мувофиқа бо шӯрои шаҳрсозӣ вусъат бахшанд. Роҳбарияти вилоят бошад, дар иҷрои амалҳои неки созандагӣ соҳибкоронро ҳаматарафа дастгирӣ хоҳад кард.

Муфассал... Шарҳ додан

Маъруф Муҳаммадзода: «Соли равон дар шаҳри Хуҷанд як қатор иншооти фарҳангиву иҷтимоӣ ва сайёҳӣ ба истифода дода мешавад»

29 Январ 2018

Дар толори Мақомоти иҷроияи ҳокимияти давлатии шаҳри Хуҷанд бо иштироки зиёда аз 40 нафар рӯзноманигорони дохилию хориҷӣ нишасти матбуотӣ оид ба натиҷаҳои фаъолият дар соли 2017 сурат гирифт.

Раиси шаҳри Хуҷанд Маъруф Муҳамадзода доир ба нишондиҳандаҳои фаъолияти хоҷагии халқи шаҳр давоми соли 2017 иттилоъ дода, аз ҷумла афзуд, ки «Мақомоти иҷроияи ҳокимияти давлатии шаҳри Хуҷанд баҳри иҷрои дастуру супоришҳои Асосгузори сулҳу Ваҳдати миллӣ-Пешвои миллат, Президенти мамлакат мӯҳтарам Эмомалӣ Раҳмон дар соли пурбарори таърихии таҷлили 25-солагии Иҷлосияи 16-уми Шӯрои Олии Ҷумҳурии Тоҷикистон дар самти суръатбахшии истеҳсолот, пешбурди ҳамаи паҳлуҳои ҳаёти ҷамъиятию сиёсӣ, иқтисодию иҷтимоӣ, равнақи созандагию бунёдкорӣ ва ободонӣ чораҳои амалӣ андешида, ба нишондиҳандаҳои иҷтимоию иқтисодӣ устуворӣ ва тақвият бахшида шуд”.

Муфассал... Шарҳ додан

Шиносоии Раҷаббой Аҳмадзода бо фаъолияти муассисаҳои иҷтимоии маркази вилоят

(10 овоз, миёна 3.40 аз 5)

29 Январ 2018

Рӯзи 28 январ иҷрокунандаи вазифаи Раиси вилоят Раҷаббой Аҳмадзода зимни як сафари корӣ бо ҷараёни корҳои созандагӣ ва фаъолияти муассисаҳои иҷтимоии маркази вилоят шинос шуд.

Аз ҷумла, ҳолати кунунии КВД Маҷмааи ҳавзҳои шиноварии ба номи 20 - солагии Истиқлолияти давлатии Ҷумҳурии Тоҷикистон аз наздик санҷида шуд. Ин иншооти беназир бо кумаку дастгирии Ҳукумати ҷумҳурӣ ва Президенти мамлакат муҳтарам Эмомалӣ Раҳмон ба муносибати 20 - солагии Истиқлолияти давлатӣ ба мардуми вилоят туҳфа гардидааст. Аммо вазъи имрӯзаи маҷмааи шиноварӣ роҳбари вилоятро қаноатманд накард. Зеро ин муассисаи варзишӣ ба мушкилоти таъмирию хизматрасонӣ дучор гардида, аз рӯи таъинот фаъолият намебарад. Вазъи ободонии муҳити атроф нигаронкунанда буда, фаввораҳо мавриди ҳифзу нигаҳдорӣ қарор дода нашудаанд.

Муфассал... Шарҳ додан

Барқияи тасаллият ба Раисҷумҳури Ҷумҳурии Исломии Афғонистон Муҳаммад Ашраф Ғанӣ

29 Январ 2018

Имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Раисҷумҳури Ҷумҳурии Исломии Афғонистон Муҳаммад Ашраф Ғанӣ барқияи тасаллият ирсол намуданд, ки дар он омадааст:

«Ҷалолатмаоб,

Хабари фоҷеабори ба ҳалокат расидан ва ҷароҳати вазнин бардоштани теъдоди зиёди мардум бар асари ҳамлаи марговари ифротиён дар шаҳри Кобул боиси андуҳи беандозаи мо гардид.

Ҳамдардиву тасаллияти амиқи хешро ба наздикону пайвандони қурбоншудагон изҳор намуда, ба ҳамаи осебдидагон шифои комил мехоҳам».

Муфассал... Шарҳ додан