АсосӣБойгонӣ

Навгонӣ

Ҷалби хонандагон ба маҳфилҳои ҳунаромӯзӣ

(1 овоз, миёна 5.00 аз 5)

17 Январ 2018

Тибқи нақша-чорабиниҳои шуъбаи маорифи Мақомоти иҷроияи ҳокимияти давлатии шаҳри Хуҷанд дар таътили зимистона хонандагони макотиби таҳсилоти ҳамагонӣ ба маҳфилҳои ҳунаромӯзии маркази таҳсилоти иловагии шаҳр ҷалб карда шудаанд.

Бояд зикр намуд, ки дар маркази таҳсилоти иловагии шаҳри Хуҷанд 4 номгӯи маҳфилҳои рӯзгордорӣ фаъолона амал мекунад. Аз ҷумла дар маҳфили «Қаннодӣ» , ки дар он 188 нафар аъзоёни маҳфил хонандагони синфҳои 7-11-и муассисаҳои таълимии шаҳр мебошанд, оид ба тарзу василаи пухтани шириниҳо машғулиятҳои амалӣ гузаронида мешаванд.

Аъзои маҳфил дар пухтани анвои гуногуни нон ва таъомҳои миллӣ мили низ ҳунари хешро сайқал мебахшанд.

Муфассал... Шарҳ додан

Хуҷанд: Барои ҳифзи иҷтимоии эҳтиёҷмандон 1852,2 ҳазор сомонӣ маблағ сарф гардид

17 Январ 2018

Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар самти ҳифзи иҷтимоиёти мардум дар шаҳри Хуҷанд силсилаи чорабиниҳо амалӣ карда мешавад. Зеро масъалаи баланд бардоштани сатҳу сифати зиндагии аҳолӣ дар сиёсати иҷтимоии давлат яке аз афзалиятҳои аввалиндараҷа муайян гардидааст.
Имрӯз дар ҳудуди шаҳри Хуҷанд 6 адад муассисаҳои иҷтимоӣ бо 461 нафар бошандагони доимӣ ва муваққатӣ фаъолият доранд. Дар соли 2017 ба 161 нафар шаҳрвандон, ки ба хизмати хонагӣ ниёз доранд, дар як ҳафта ду маротиба аз ҷониби хизматгузорони соҳавӣ хизмат расонида шуд. Ҳамчунин дар самти таъмини эҳтиёҷмандон бо воситаи техникии тавонбахшӣ ва таъмини онҳо бо аробачаи маъюбӣ 22 нафар бо аробача таъмин карда шуданд.

Муфассал... Шарҳ додан

Паём: Таъмин намудани аҳолӣ бо маҳсулоти хушсифат

15 Январ 2018

Дар чаҳорчӯбаи силсилавохӯриҳо бо мақсади шарҳу тавзеҳи Паёми Асосгузори сулҳу Ваҳдати миллӣ-Пешви миллат Президенти мамлакат мӯҳтарам Эмомалӣ Раҳмон дар Кохи Рӯдакии шаҳри Хуҷанд бо иштироки васеъи мардум мулоқоти навбатӣ баргузор гардид.
Раиси шаҳри Хуҷанд Маъруф Муҳаммадзода нишастро оғоз бахшида, аз ҷумла таъкид сохт, ки «Президенти мамлакат мӯҳтарам Эмомалӣ Раҳмон дар оғози Паёми хеш ба таври махсус ба масъалаи ҳамгироии Тоҷикистон бо ҷомеаи ҷаҳонӣ руҷуъ намуда, мақоми кишвари моро дар самти изҳори вокунишҳои саривақтӣ ба хатарҳои ҷаҳонӣ ба таври барҷаста бозгӯӣ намуданд, ки ин тадбири муҳими сиёсӣ пеш аз ҳама дар истиқбол аз маҷмӯи падидаҳои барҷаставу пешрафти дунёи имрӯз ва ҳамзамон пешниҳоди ташаббусҳои наҷиб дар ҳалли муаммоҳо ва мушкилоти ҷаҳонӣ ба шумор меравад”.

Муфассал... Шарҳ додан

Даргузашти собиқ раиси НОБ-и «Норак»

(12 овоз, миёна 3.00 аз 5)

16 Январ 2018

Субҳи имрӯз риштаи умри Акобир Умаров, Шаҳрванди фахрии шаҳрҳои Хуҷанду Норак, собиқ раиси НОБ Норак канда шуд. Ба ин муносибат дар манзили зисти марҳум маросими видоъ сурат гирифт.

Раиси шаҳри Хуҷанд Маъруф Муҳаммадзода аз хизматҳои марҳум ёдоварӣ намуда, таъкид сохт, ки «Умри бобаракати Акобир Қозихонович бо маънои томаш хизмати холисона ба халқу Ватан буда, бо фазилатҳои инсонию касбиашон миёни ҷомеа, бахусус байни кормандони соҳаи энергетика мақому манзалати хосае пайдо намуда буданд. Акобир Умаров ҳамчун шахси масъулиятшинос бо дониши пешрафта, одоби хамидаи муошират ва муносибати хайрхоҳонааш нисбати атрофиёну ҳамкасбони хеш ҳамеша соҳиби обрӯю эътибори баланд гардиданд».

Муфассал... Шарҳ додан

Хуҷанд: Фаъолияти наздик 10 ҳазор соҳибкорон дар ҷабҳаҳои мухталифи хоҷагии халқ

15 Январ 2018

Дар шаҳри Хуҷанд тамоми имконоту васила барои фаъолияти соҳибкорӣ муҳайё карда шудааст. Ин буд, ки вазъи соҳибкорӣ дар шаҳр собит кардааст, ки теъдоди онҳо ба 9123 нафар расида, аз онҳо 6559 нафар бо патент ва 2564 нафар бо шаҳадотнома фаъолият дошта, дар соли 2017 1543 нафар бо патент ва 286 нафар бо шаҳодатнома фаъолияти худро оғоз намуданд. Ин нишондиҳанда назар ба ҳамин давраи соли сипаригашта 6 фисад афзоиш ёфтааст.
Нишондиҳандаи беҳтарин дар ин самт дар он зоҳир мегардад, ки дар соли 2017 тамоюли барҳамхӯрии соҳибкорони бо патент фаъолияткунанда дар муқоиса ба ҳамин давраи соли 2016 5,2 фоиз ва бо шаҳодатнома фаъолияткунанда 77 фисад кам гардидааст. Аз миқдори умумии бо фаъолияти соҳибкорӣ машғул буда, 1866 нафар, ё 20,5 фоизи онҳоро занҳо ташкил дода, 1459 нафар бо патент ва 407 нафар бо шаҳодатнома фаъолият мебаранд.

Муфассал... Шарҳ додан