АсосӣБойгонӣ

Навгонӣ

Тасдиқи рамзи «Соли рушди сайёҳӣ ва ҳунарҳои мардумӣ»

22 Январ 2018

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Рамзи «Соли рушди сайёҳӣ ва ҳунарҳои мардумӣ» доирашакл буда, атрофи он бо ҳалқаҳои ҳамранги Парчами давлатӣ иҳота карда шудааст, ки аз соҳибистиқлолии Ҷумҳурии Тоҷикистон шаҳодат медиҳад.

Дар гирдогирди рамз бо забонҳои тоҷикию англисӣ матни «2018 Соли рушди сайёҳӣ ва ҳунарҳои мардумӣ» оро ёфтааст, ки ифодакунандаи моҳияти рамз буда, истифодаи матн бо забони англисӣ барои тарғиби ташаббуси мазкур байни сайёҳон ва кишварҳои хориҷӣ мебошад.

Муфассал... Шарҳ додан

Азнавсозии гимназияи №1-и ба номи Маҳмудхоҷа Беҳбудӣ оғоз гардид

(21 овоз, миёна 3.19 аз 5)

22 Январ 2018

Оғози соли равон дар шаҳри Хуҷанд тибқи дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон бо мақсади азнавсозии муассисаҳои таълимӣ ва ҷавобгӯй намудани онҳо ба талабот замони муосир иқдомҳои ободкорӣ амалӣ карда мешавад.

Раиси шаҳри Хуҷанд Маъруф Муҳаммадзода аз гимназияи 1-и ба номи Маҳмудхоҷа Беҳбудӣ боздид ба амал оварда, ба сохтмони бинои асосии ин муассисаи таълимии куҳантарини маркази вилоят санги асос гузошт. Раиси шаҳр ба сохтмончиён дастур дод, ки то оғози соли хониши 2018-2019 бинои мактаб бо сифати баланд сохта ва ба истифода дода шавад.

Муфассал... Шарҳ додан

Турбу шалғами 30 дирамӣ ва гӯшти 30 сомонӣ

20 Январ 2018

Бо ибтикори Мақомоти иҷроияи ҳокимияти давлатии вилояти Суғд субҳи имрӯз дар ду мавзеъи шаҳри Хуҷанд - назди Театри мазҳака-мусиқавии ба номи Камоли Хуҷандӣ ва маҳаллаи 20-уми шаҳр ярмарка-фурӯши маҳсулоти кишоварзӣ, орду равған, қаннодию ширинӣ бо нархҳои дастрас ба сокинони шаҳр пешниҳод гардид.
Дар ярмарка корхонаҳо ва кишоварзони шаҳру ноҳияҳои вилоят маҳсулоти гуногун, аз ҷумла картошка, пиёз, сабзӣ, гӯшт, биринҷ, равған, меваҷот, полезиҳо, маҳсулоти шириву қаннодиро нисбати нархҳои бозор аз 30 то 50 фоиз арзон пешниҳоди сокинон намуданд. Масалан нархи як килои турбу шалғам 30 дирам, карам 70 дирам, сабзӣ 70 дирам, гӯшт 30 сомонӣ, пиёз аз 1 сомониву 20 дирам, себ аз 2 сомонӣ, асал аз 20 сомонӣ, картошка 2 сомониву 50 дирам, равған 9 сомонӣ, биринҷ 5 сомонӣ, орд 2 сомониву 70 дирам ва ғайраҳо буд.

Муфассал... Шарҳ додан

Иштирок дар маъракаи ниҳолшинонӣ дар Боғи Наврӯзгоҳ ва шиносоӣ бо рафти корҳои созандагию ободонӣ дар як қатор иншооти пойтахт

22 Январ 2018

21 январи соли 2018 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишии кипарис, Сарви Лейландӣ ва секвоя шинонида, ба маъракаи ниҳолшинонӣ ва вусъати корҳои ободонию кабудизоркунӣ ва сабзу хуррам гардонидани муҳити атроф ҳусни оғоз бахшиданд.

Ҳашари ниҳолшинонӣ тибқи нақшаи асосии ободонию бунёдкорӣ ва азнавсозии пойтахти кишвар - шаҳри Душанбе дар майдони Боғи Наврӯзгоҳи пойтахт сурат гирифта, ба хотири зебою озода кардани хиёбонҳои шаҳр дарахтони зиёди ороишию ҳамешасабз, ки ҳамзамон ба саломатии инсон фоида дошта, боиси болидахотирию руҳбаландии сокинону меҳмонон мегардад, шинонида шуд.

Муфассал... Шарҳ додан

Насим Маликисломов мудири шуъбаи ташкилӣ ва кор бо кадрҳои дастгоҳи Раиси шаҳри Хуҷанд таъин гардид

(24 овоз, миёна 2.92 аз 5)

20 Январ 2018

Тибқи қарори Раиси шаҳри Хуҷанд Маъруф Муҳаммадзода №14 аз 16 январи соли 2018 Маликисломов Насимҷон Наимович ба вазифаи мудири шуъбаи ташкилӣ ва кор бо кадрҳои дастгоҳи Раиси шаҳри Хуҷанд таъин гардид.
Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и шаҳри Хуҷанд қабул шуда, синфҳои 10-11-ро дар мактаб-гимназияи Пўлотов ба охир расонидааст. Соли 2004 ба Донишгоҳи аграрии Тоҷикистон ба номи Шириншоҳ Шоҳтемур дохил шуда, онро соли 2009 бо ихтисоси «Маркетинг дар сектори аграрӣ», соли 2016 Донишкадаи идоракунии давлатии назди Президенти Ҷумҳурии Тоҷикистонро бо ихтисоси «Идоракунии давлатӣ» хатм намудааст.

Муфассал... Шарҳ додан