АсосӣБойгонӣ

Навгонӣ

Таъиноти кадрӣ

09 Феврал 2018

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор кадрҳоеро, ки дар мақомоти Суди конститутсионӣ, Суди Олӣ, мақомоти иҷроияи ҳокимияти давлатии шаҳру ноҳияҳои вилоятҳои Хатлону Суғд, вазоратҳои мудофиа, маориф ва илм, Хадамоти гумрук, Кумитаҳои сохтмон ва меъморӣ, ҳифзи муҳити зист ва Агентии авиатсияи гражданӣ ба вазифаҳои масъулу роҳбарикунанда таъин ва пешниҳод гардиданд, ба ҳузур пазируфтанд.

Мутобиқи банди 8 моддаи 69 Конститутсияи Ҷумҳурии Тоҷикистон пешниҳоди Президенти Ҷумҳурии Тоҷикистон “дар бораи аз вазифаи судяи Суди Олии Ҷумҳурии Тоҷикистон бозхонд ва ба вазифаи судяи Суди конститутсионии Ҷумҳурии Тоҷикистон интихоб намудани Абдураҳимзода Дилором Рустам", "дар бораи ба вазифаи судяи Суди Олии Ҷумҳурии Тоҷикистон интихоб намудани Ализода Набӣ Искандар ва Абдулҳақов Маҳмадалӣ”,

Муфассал... Шарҳ додан

Бунёди инфрасохторҳои ҷадиди сайёҳӣ дар шаҳри Хуҷанд

09 Феврал 2018

Ҷиҳати рушди соҳаи сайёҳӣ, ҷалби сайёҳони дохилӣ ва хориҷӣ дар шаҳри Хуҷанд сислсилаи тадбирҳо тадбирҳо андешида шуда истодааст. Барои қабули меҳмонон ва шиносоии эшон бо мавзеъҳои таърихӣ ва маконҳои тамошобоб ғайр аз хатсайрҳои дохилишаҳрӣ, сайрхатҳои беруназшаҳрӣ аз қабилӣ “Шоми Душанбе”, “Искандаркӯл”, “Ҳафткӯли мӯъҷизадор” фаъолияти пурсамар доранд. Ин тадбирҳо дар “Соли рушди сайёҳӣ ва ҳунарҳои мардумӣ” боз ҳам равнақ меёбад.

Айни ҳол дар шаҳри Хуҷанд барои қабули сайёҳон 12 меҳмонхонаҳо фаъолият намуда истодаанд. Барои сайёҳон нуқтаҳои фурӯши маҳсулоти ороишӣ аз сангҳою металлҳои қимматбаҳо, тӯҳфаҳои хотиравӣ, намунаҳои ҳунарҳои дастии ҳунармандон фаъолият менамояд.

Муфассал... Шарҳ додан

Ҷаласаи нахустини Комиссия оид ба ҳуқуқи кӯдак дар соли 2018

07 Феврал 2018

Дар Мақомоти иҷроияи ҳокимияти давлатии шаҳри Хуҷанд бо иштироки муовини Раиси шаҳр Раъно Ҳошимзода ҷаласаи нахустини Комиссия оид ба ҳуқуқи кӯдак дар соли 2018 баргузор гардид, ки дар он зиёда аз 20 масъала мавриди баррасӣ қарор дода шуд.

Раъно Ҳошимзода, раиси Комиссия оид ба ҳуқуқи кӯдаки Мақомоти иҷроияи ҳокимияти давлатии шаҳри Хуҷанд ҷаласаро ифтитоҳ намуда, ҳозиронро бо рӯзномаи он ошно намуд.

Аъзои Комиссия дар ҷараёни баррасии муроҷиати шаҳрвандон ва мактубҳои мақомоти дахлдор масоили вобаста ба иваз намудани номи кӯдаки ноболиғ, ҷойгир намудани тифл дар «Хонаи кӯдакон»-и шаҳри Хуҷанд, ба қайд гирифтани хона ба номи ноболиғ, муошират намудан бо фарзанди ноболиғ, таъин намудани парастории муваққатӣ, кирдорҳои нобилиғони душвортарбия ва ғайраҳоро мавриди баррасӣ ва муҳокима қарор доданд.

Муфассал... Шарҳ додан

Пешгирии бемории саратон

(1 овоз, миёна 4.00 аз 5)

08 Феврал 2018

Дар толори коллеҷи омӯзгории шаҳри Хуҷанд ба номи академик Бобоҷон Ғафуров шӯъбаи кор бо занон ва оила дар якҷогӣ бо маҳаллаҳои “Суғдиён”, “Сайҳун”, “Ваҳдат”, дар доири иҷрои Барномаи давлатии “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2015-2020” вохӯрӣ бо сокинони маҳаллаҳо ва донишҷӯдухтарони муассисаи таълимии мазкур доир гардид.

Дар мулоқот духтури саратоншинос Саломат Каримова ва духтури амрози занонаи маркази саломатии № 4 Азизахон Миршоева оид ба пешгирӣ ва саривақт ошкор намудани саратони ғадуди синаву бачадон, гарданаки бачадон ва гигиенаи шахсӣ маърӯза намудаанд.

Муфассал... Шарҳ додан

Курси омӯзишӣ барои хизматчиёни давлатӣ

(1 овоз, миёна 5.00 аз 5)

07 Феврал 2018

Дар толори маҷлисгоҳи Мақомоти иҷроияи ҳокимияти давлатии шаҳри Хуҷанд, дар асоси супориши Роҳбари Дастгоҳи иҷроияи Президенти Ҷумҳурии Тоҷикистон аз 29 ноябри соли 2017, № 16/10-7 ва ҷадвали тасдиқгардидаи дастгоҳи Раиси шаҳри Хуҷанд бо мақсади баланд бардоштани ҳисси миллии ватандӯстӣ, фарҳанги муошират, риояи либоси протоколӣ ва Кодекси одоби хизматчии давлатии Ҷумҳурии Тоҷикистон нахустин дарс аз силсилаи курсҳои омӯзишӣ гузаронида шуд.

Дар курси омӯзишӣ сармутахассиси шуъбаи Агентии хизмати давлатии назди Президенти Ҷумҳурии Тоҷикистон дар вилояти Суғд Қадриддин Сулаймонов дар мавзӯъи «Заминаҳои ҳуқуқии хизмати давлатӣ дар Ҷумҳурии Тоҷикистон» маърӯза намуд.

Муфассал... Шарҳ додан