АсосӣБойгонӣ

Навгонӣ

Пешгирии бемории саратон

(1 овоз, миёна 4.00 аз 5)

08 Феврал 2018

Дар толори коллеҷи омӯзгории шаҳри Хуҷанд ба номи академик Бобоҷон Ғафуров шӯъбаи кор бо занон ва оила дар якҷогӣ бо маҳаллаҳои “Суғдиён”, “Сайҳун”, “Ваҳдат”, дар доири иҷрои Барномаи давлатии “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2015-2020” вохӯрӣ бо сокинони маҳаллаҳо ва донишҷӯдухтарони муассисаи таълимии мазкур доир гардид.

Дар мулоқот духтури саратоншинос Саломат Каримова ва духтури амрози занонаи маркази саломатии № 4 Азизахон Миршоева оид ба пешгирӣ ва саривақт ошкор намудани саратони ғадуди синаву бачадон, гарданаки бачадон ва гигиенаи шахсӣ маърӯза намудаанд.

Муфассал... Шарҳ додан

Ҷаласаи нахустини Комиссия оид ба ҳуқуқи кӯдак дар соли 2018

07 Феврал 2018

Дар Мақомоти иҷроияи ҳокимияти давлатии шаҳри Хуҷанд бо иштироки муовини Раиси шаҳр Раъно Ҳошимзода ҷаласаи нахустини Комиссия оид ба ҳуқуқи кӯдак дар соли 2018 баргузор гардид, ки дар он зиёда аз 20 масъала мавриди баррасӣ қарор дода шуд.

Раъно Ҳошимзода, раиси Комиссия оид ба ҳуқуқи кӯдаки Мақомоти иҷроияи ҳокимияти давлатии шаҳри Хуҷанд ҷаласаро ифтитоҳ намуда, ҳозиронро бо рӯзномаи он ошно намуд.

Аъзои Комиссия дар ҷараёни баррасии муроҷиати шаҳрвандон ва мактубҳои мақомоти дахлдор масоили вобаста ба иваз намудани номи кӯдаки ноболиғ, ҷойгир намудани тифл дар «Хонаи кӯдакон»-и шаҳри Хуҷанд, ба қайд гирифтани хона ба номи ноболиғ, муошират намудан бо фарзанди ноболиғ, таъин намудани парастории муваққатӣ, кирдорҳои нобилиғони душвортарбия ва ғайраҳоро мавриди баррасӣ ва муҳокима қарор доданд.

Муфассал... Шарҳ додан

Хоинони миллат ба мақсад намерасанд

06 Феврал 2018

Изҳороти кормандони МДТ «Литсейи касбӣ-техникии сохтмонии шаҳри Хуҷанд» дар мавриди фаъолияти ташкилоти террористӣ-экстремистии ҲНИТ ва дигар гуруҳҳои ифротгароӣ

Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон Паёми имсолаи худро ба Маҷлиси Олии Ҷумҳурии Тоҷикистон ироа карда, самтҳои асосии сиёсати дохиливу хориҷии ҷумҳуриро барои оянда муайян намуданд. Дар баробари инъикоси дастовардҳои муҳими Ҷумҳурии Тоҷикистон, аз зарурати ислоҳоти иқтисодӣ, рушди рукни низоми давлатдорӣ, камбудиву норасоиҳои ҳаёти иҷтимоӣ ва мушкилоти олами муосир сухан ронда, якчанд маротиба дар бораи таҳдиди зуҳуроти манфии терорризм ба ҳаёти осоиштаи мардум ёдрас шуданд ва қайд намуданд, ки «Терорист ватан, дин, мазҳаб ва миллат надорад».

Муфассал... Шарҳ додан

Курси омӯзишӣ барои хизматчиёни давлатӣ

(1 овоз, миёна 5.00 аз 5)

07 Феврал 2018

Дар толори маҷлисгоҳи Мақомоти иҷроияи ҳокимияти давлатии шаҳри Хуҷанд, дар асоси супориши Роҳбари Дастгоҳи иҷроияи Президенти Ҷумҳурии Тоҷикистон аз 29 ноябри соли 2017, № 16/10-7 ва ҷадвали тасдиқгардидаи дастгоҳи Раиси шаҳри Хуҷанд бо мақсади баланд бардоштани ҳисси миллии ватандӯстӣ, фарҳанги муошират, риояи либоси протоколӣ ва Кодекси одоби хизматчии давлатии Ҷумҳурии Тоҷикистон нахустин дарс аз силсилаи курсҳои омӯзишӣ гузаронида шуд.

Дар курси омӯзишӣ сармутахассиси шуъбаи Агентии хизмати давлатии назди Президенти Ҷумҳурии Тоҷикистон дар вилояти Суғд Қадриддин Сулаймонов дар мавзӯъи «Заминаҳои ҳуқуқии хизмати давлатӣ дар Ҷумҳурии Тоҷикистон» маърӯза намуд.

Муфассал... Шарҳ додан

Мулоқоти Маъруф Муҳаммадзода бо интихобкунандагон

05 Феврал 2018

Дар Кохи Рӯдакии шаҳри Хуҷанд мулоқоти номзадоне, ки ба вакилии маҷлиси вакилони халқи вилояти Суғд дар ҳавзаи интихоботии «Бофанда» №2 ба қайд гирифта шуда буданд, баргузор гардид.

Кимё Исматова, раиси ҳавзаи интихоботии «Бофанда» №2 вохӯриро оғоз намуда, иттилоъ дод, ки дар ҳавзаи мазкур ду нафар номзадон барои вакилии маҷлиси вакилони халқи вилояти Суғд сабти ном гардидаанд ва оғозан аз имрӯз бо интихобкунандагони хеш силсилаи мулоқотҳоро анҷом мебахшанд.

Сипас, Мӯъмин Шарифзода, ректори ДДҲБСТ, шахси бовариноки номзад ба вакилии маҷлиси вакилони халқи вилояти Суғд, Раиси шаҳри Хуҷанд Маъруф Муҳаммадзода ба сухан баромада, тарҷумаи ҳол ва барномаи пеш азинтихоботии мавсуфро муаррифӣ намуд. Зикр гардид, ки ҳадафи аслӣ ва маҳаки асосии барномаи Маъруф Муҳаммадзодаро ободу хуррам гардонии ҳудуди ҳавза, бунёду коргоҳҳои истеҳсолӣ, шароити мусоид фароҳам овардан ҷиҳати фаъолияти соҳибкории хурду миёна, беҳбуд бахшидан ба вазъи иҷтимоии сокинон ва ғайраҳо ташкил медиҳад.

Муфассал... Шарҳ додан