АсосӣБойгонӣ

Навгонӣ

Шоҳ Ҷамшед дар маҳаллаи Тиллокон

17 Март 2018

Сокинони маҳаллаи «Тиллокон»-и шаҳри Хуҷанд бо хонандагону омӯзгорони МТМУ №19 чорабинии идонаро бо оростани дастархони наврӯзӣ ва барномаи бадеъӣ-фарҳангӣ ташкил ва дар сатҳи баланд гузарониданд.

Дар чорабинии фарҳангӣ Бобои Деҳқон ва Баҳор ҳозир шуда сокинони маҳалларо бо наврӯзи аҷам табрик гуфт. Шоҳ Ҷамшед дар тахти шоҳона нишаста, барномаи фарҳангии идонаро бахшида ба Наврӯз тамошо кард.

Намояндаи Мақомоти ичроияи ҳокимияти давлатии шаҳри Хуҷанд Раҳим Расулзода табрикоти Раиси шаҳри Хуҷанд Маъруф Муҳаммадзодаро ба самъи бошандагони маҳалларо расонида, эшонро бо фарорасии Наврӯзи байналмилал таҳният гуфта, аз ҷумла, афзуд, ки «Иди байналмилалии Наврӯзи хуҷастапай – ҷашни оғози баҳор ва соли нави мардуми тоҷикро ба ҳамаи шумо ва пайвандонатон самимона табрику муборакбод гуфта, бароятон тансиҳатӣ, барори кору саодати рӯзгор, осмони софу беғубор ва фатҳу кушоиши бисёрро таманно мекунам.

Муфассал... Шарҳ додан

Наврӯз дар «Бофанда»

17 Март 2018

Дар МТМУ №2-и шаҳри Хуҷанд тантанаҳои наврӯзии маҳаллаи «Бофанда» бо шукуҳи шаҳомати хосса таҷлил карда шуд. Ҷавонони маҳалла ба меҳмонон намунаи бозиҳои наврӯзиро бо маҳорати баланд намоиш доданд. Занони ҳунарманд маҳсули ҳунари хешро ба маърази тамошо гузоштанд.

Намояндаи Мақомоти иҷроияи ҳокимияти давлатии шаҳри Хуҷанд Бахтиёр Исматҷонов аҳли маҳалларо бо ҷашни байналмилалии Наврӯз аз номи Раиси шаҳри Хуҷанд Маъруф Муҳаммадзода таҳният гуфта, аз ҷумла афзуд, ки «Наврӯз таърихи беш аз шашҳазорсола дорад, ки далели қадимӣ будани миллати тоҷик мебошад. Наврӯз ҷашни баробарии инсоният, оини дӯстиву самимият, таҳаммулгароӣ ва аз дилҳо берун андохтани кинаву адоват буда, ҷашни зебоиву накўӣ, шукуфоиву арҷгузорӣ ба суннатҳои миллӣ мебошад.

Муфассал... Шарҳ додан

Сулҳи Ваҳдат неъмати бебаҳост!

16 Март 2018

Изҳороти Муассисаи таҳсилоти умумии ғайридавлатии «Мактаби Паймони азизон»-и шаҳри Хуҷанд дар мавриди фаъолияти ташкилоти экстримистӣ – террористии ҲНИТ ва дигаргурӯҳҳои ифротгаро.

Таърихи башарият гувоҳи мисолҳои бешумори бо роҳи зӯрӣ ва таҳдид ғасб намудани ҳокимияти сиёсӣ дар давлат мебошад. Аҷоиб он аст, ки раванди таърих на танҳо гувоҳ аст, балки исботи онро дорад, ки зӯран ғасб намудани ҳокимияти сиёсӣ дар ҷомеа ба муроду мақсад ҳеҷ гоҳ намеоварад, вале кӯшишҳои ин раванди номатлуб дар ҳаёти имрӯзаи ҷомеа то имрӯз идома меёбанд, балки шаклҳои нав ба нав пайдо мекунанд.

Ифротгароӣ (эктремизм) ва терроризм як навъ зуҳуроти номатлубест, ки бар зидди он тамоми ҷомеаи ҷаҳон имрӯз муборизаи беамон мебарад ва аз ҳар як фарди солимақл пеш аз ҳама зиракии сиёсиро талаб мекунад.

Муфассал... Шарҳ додан

Иштироки беш 10 000 нафар дар машқи пагоҳирӯзӣ, дави наврузӣ ва марафони велосипедронӣ дар шаҳри Хуҷанд

17 Март 2018

Субҳи имруз дар доираи тантанаҳои ҷашни Наврӯзи байналмилал беш аз 10 ҳазор нафар сокинони касбу кори гуногуни шаҳри Хуҷанд дар назди Маҷмааи ҳавзи шиноварӣ ҷамъ шуда, бо ҳадафи солимгардонии тану руҳ машқи пагоҳирӯзӣ гузарониданд. Ҳамзамон шаҳрвандони варзишдӯст аз назди Маҷмааи таърихию фарҳангии «Истиқлол» то микроноҳияи 3- юм дар дави наврузӣ ва марафони велосипедронӣ фаъолона иштирок намуданд.

Аюб Раҳматзода, муовини Раиси шаҳри Хуҷанд дар оғози чорабинӣ иштироки намуда, Паёми Раиси шаҳри Хуҷанд Маъруф Муҳаммадзодаро ба муносибати Дави наврӯузи раоснида, аз ҷумла зикр сохт, ки ҳадафи Мақомоти иҷроияи ҳокияти давлатии шаҳр ин солимии тану рӯҳ ва обутоби бадан буда, ташаккули ҷисмонии сокинон ба манфиати худи онҳо ва ҷамъияту давлат мебошад.

Муфассал... Шарҳ додан

Наврӯзи «Чорчароғ»

16 Март 2018

Аҳли бошандагони маҳаллаи «Чорчароғ»-и шаҳри Хуҷанд бо шукргузори аз ҳаёти осишта ва баракати сулҳу Ваҳдат Наврӯзи байналмилалро дар МТМУ №20-и шаҳр таҷлил намуданд.

Дар чорабинии идона намояндаи Мақомоти иҷрия ҳокимияти давлатии шаҳри Хуҷанд Манзурат Сатторова ва Раиси Кумиҷроияи ҲХДТ дар шаҳри Хуҷанд Наим Маликисломӣ иштирок ва Паёми табрикотии наврӯзии Раиси шаҳри Хуҷанд Маъруф Муҳаммадзодаро ба аҳли маҳалла расониданд.

Таъкид шуд, ки Наврӯз ҳамчун ҷавҳари тобнок ва нишонаи ҷовидонаи тамаддуни халқи тоҷик ҳамеша нигоҳдорандаи мардум, забон, расму ойин, фарҳангу таърих ва ниҳоят Ватан будааст. Аз ин рӯ, Наврӯз барои мардуми мо ҷашни ниҳоят муборак буда, дар моҳи Фарвардин, ки маънои пок, озода, қудсӣ ва муқаддасро дорад, таҷлил мегардад. Мо имрӯз ба шарофати истиқлолияти давлатӣ Наврӯзро ҳамчун ифодагари ормонҳои миллии мардуми тоҷик бо самимият ва шаҳомати хоса таҷлил мекунем ва рӯҳи озодаи онро дар вуҷуди худ дубора эҳсос менамоем.

Муфассал... Шарҳ додан