АсосӣБойгонӣ

Навгонӣ

Дастовардҳои варзиширо боз ҳам бояд афзун кард

19 Март 2018

Бо мақсади мулоқоти озоду шаффоф бо ҷавонон ва варзишгарони Донишкадаи политехникии Донишгоҳи техникии Тоҷикистон мудири шуъбаи кор бо ҷавонон ва варзиши шаҳри Хуҷанд Бахтиёр Исматҷонов ва сармутахассиси шуъбаи мазкур Дилшод Убайдуллоев аз донишкада боздид намуданд.

Фаррух Аминов, муовини директор оид ба тарбияи донишкада қайд намуд, ки дар партави Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи дастуру супоришҳои Вазорати маориф ва илми кишвар дар донишкада ба рушди соҳаи варзиш аҳамияти хосса дода мешавад. Соле қабл бо дастгирии роҳбарияти донишкада дар назди хобгоҳи донишкада майдончаи футболбозӣ мутобиқ ба шроитҳои имрӯза мавриди истифода қарор гирифта, ду толори варзишӣ пурра таъмиру азнавсозӣ гардид.

Муфассал... Шарҳ додан

Наврӯзи «Навбаҳор»

19 Март 2018

Сокинони беш аз 8 ҳазор нафараи маҳаллаи «Навбаҳор»-и шаҳри Хуҷанд бо муҳассилину омӯзгорони МТМУ №21 Наврӯзи байналмилилалро таҷлил намуданд.

Дар муассисаи номбурда байни синфҳои 11 озмуни наврӯзӣ баргузор ва ғолибон муайян карда шуданд. Суруди таронаҳои наврӯзӣ, махсусан «Суманак» ва «Бойчечак» бо маҳрати баланд саройида шуд.

Намояндагони Мақомоти иҷроияи ҳокимияти давлатии шаҳри Хуҷанд ва роҳбарияти маҳаллаи «Навбаҳор» аз номи Раиси шаҳри Хуҷанд Маъруф Муҳаммадзода сокинонро бо Наврӯзи байналмилал табрику таҳният гуфтанд.

Зикр гардид, ки яке аз суннату таомулҳои неки Наврӯз ин аз кинаву кудурат пок кардани дилҳо, бахшидани гуноҳҳо, авфи якдигар, таҳким додани риштаҳои дӯстиву рафоқат, аёдати пирону беморон, дастгирии ятимону маъюбон, мӯҳтоҷону эҳтиёҷмандон, инчунин афрӯхтани гулхани наврӯзӣ, густурдани ҳафтхони наврӯзӣ, шинонидани ниҳол, ҷуфтбаророн, пошидани донаи умед, баргузор кардани мусобиқаҳои паҳлавонӣ ва таконидани ҷиҳозу асбоби хона мебошад.

Муфассал... Шарҳ додан

Иштироки Раҷаббой Аҳмадзода дар чорабинии Наврӯзи маҳаллаи «Раззоқ»

(5 овоз, миёна 3.00 аз 5)

19 Март 2018

Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода бо шоиру нависандагон: Аҳмадҷони Раҳматзод, Муҳиддини Хоҷазод, Дадохони Эгамзод ва ходими давлатию ҷамъиятӣ, собиқадори меҳнат Биҳоҷал Раҳимова дар тантанаҳои наврӯзии маҳаллаҳои Раззоқ ва Ҷаббор Расулови шаҳри Хуҷанд иштирок намуданд.

Меҳмонон дар маҳаллаи Раззоқи шаҳри Хуҷанд нахуст аз намунаи ҳунарҳои мардумӣ ва маҳсули кадбонугии муҳассилини макотиби маҳалла ошноӣ намуда, ба ҳунару истеъдод ва маҳорати онҳо аҳсант гуфтанд.

Раиси вилояти Суғд Раҷаббой Аҳмадзода бо аҳли сокинони деҳа, махсусан бо мӯйсафедон сӯҳбати самимӣ намуда, аз онҳо дуи неки наврӯзӣ гирифт. Дар сари деги суманак Раиси вилоят ва ҳамроҳонашон баҳри ободии диёр ва шукуфоии Ватан дуои нек намуданд.

Муфассал... Шарҳ додан

Норинисои Алимуҳаммад моро тарк карданд….

19 Март 2018

Субҳи имрӯз риштаи умри шоираи ширинкалом Норинисо Алимуҳаммедова дар синни 68 солагӣ канда шуд. Дар хонаи марҳум маросими видоъ баргузор гардид.

Фаррух Орифӣ, муовини аввали Раиси ноҳияи Бобоҷон Ғафуров, Шоири халқии Тоҷикистон Нурмуҳаммад Ниёзӣ марги шоираро талафоти адабиёти тоҷик ва аҳли ҷамоатчигии кишвар унвон намуданд.

Мирзоқосим Каримов, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Хуҷанд, тассалиёти Раиси шаҳри Хуҷанд Маъруф Муҳаммадзодаро ба аҳли хонадону пайвандони расонида аз ҷумла таъкид сохт, ки «Шоира Норинисо Алимуҳаммедова на танҳо адиби сермаҳсул, балки ҳамчун ҷамотчии фаъол дар байни сокинони Хуҷандшаҳр маҳбубияти хоса доштанд.

Муфассал... Шарҳ додан

Табрикоти Раиси шаҳри Хуҷанд Маъруф Муҳаммадзода ба муносибати Иди Наврӯз

19 Март 2018

Ҳамдиёрони азиз!
Ҳозирини гиромӣ!
Иди байналмилалии Наврӯзи хуҷастапай – ҷашни оғози баҳор ва соли нави мардуми тоҷикро ба ҳамаи шумо ва пайвандонатон самимона табрику муборакбод гуфта, бароятон тансиҳатӣ, барори кору саодати рӯзгор, осмони софу беғубор ва фатҳу кушоиши бисёрро таманно мекунам.

Наврӯз таърихи беш аз шашҳазорсола дорад, ки далели қадимӣ будани миллати тоҷик мебошад. Наврӯз ҷашни баробарии инсоният, оини дӯстиву самимият, таҳаммулгароӣ ва аз дилҳо берун андохтани кинаву адоват буда, ҷашни зебоиву накўӣ, шукуфоиву арҷгузорӣ ба суннатҳои миллӣ мебошад.

Дар замони соҳибистиқлолии Тоҷикистон Наврӯз ҳамчун рукни муҳими худшиносии миллӣ, василаи пайванди наслҳо, робитаи гузаштаю имрӯза дониста шудааст.

Муфассал... Шарҳ додан