АсосӣБойгонӣ

Навгонӣ

Наврӯзи хонандагони литсейи физикӣ-математикии №1

20 Март 2018

Муҳассилину омӯзгорон ва волидайни литсейи физикӣ-математикии №1-и ба номи академик Муҳаммад Осимӣ бо шукргузорӣ аз сулҳу Ваҳдати миллӣ, фазои орому осоиштаи кишвар Наврӯзи байналмилалро дар сатҳи баланди ташкилӣ таҷлил намуданд.

Хонандагони синфҳои болоии литсей бо оростани дастархони наврӯзии фарогир бо ҳафт сину ҳафт шин ва ҳафт мим, таъомҳои миллӣ ба чорабинӣ ҳусни дигар зам намуданд. Ҷавонписарон бо пухтани оши палав, замзамаи суруди дӯстони домод ва дигар таронаҳои наврӯзӣ табъи ҳозиринро болида намуданд. Байни духтарон ва писарон санъати бадеҳагӯйӣ бо маҳорати хуб ироа гардид. Толибаҳои литсей маҳсули дӯхти ҳунарҳои мардумии хешро ба маърази тамошо гузошта, онро муаррифӣ намуданд. Гулдухтарон дар намоиши либосҳои мӯди миллӣ фаъол буданд.

Муфассал... Шарҳ додан

Наврӯзи “Мевағул”

20 Март 2018

Маҳаллаи «Мевағул»-и шаҳри Хуҷанд дар МТМУ 22-и шаҳр чорабинии наврӯзии хешро ботантана таҷлил намуд. Муҳассилини мактаби номбурда маҳсули ҳунарҳои мардумиро ба маърази тамошо гузошта, ҳамчунин дастархони наврӯзиро бо таъомҳои миллӣ ва ҳафт сину ҳафт шин оро доданд.

Намояндаи Мақомоти иҷроияи ҳокимияти давлатии шаҳри Хуҷанд Мӯҳсин Миркамолов Номаи табрикотиии Раиси шаҳри Хуҷанд Маъруф Муҳаммадзодаро ба муносибати Иди Наврӯзи байналмилал ба самъи сокинони маҳаллаи “Мевағул” ироа намуд, ки дар он аз ҷумла зикр гардидааст: «Боиси ифтихор аст, ки ин ҷашни муқаддасу мубораки мо бо пешниҳоди Асосгузори сулҳу ваҳдати миллӣ- Пешвои миллат, Президенти кишвар муҳтарам Эмомалӣ Раҳмон ва дастгирии мамлакатҳои дигар аз ҷониби Созмони Миллали Мутаҳҳид мақоми ҷаҳонӣ гирифта, аз соли 2010 инҷониб дар саросари олам бо шукӯҳу шаҳомоти хоса ҷашн гирифта мешавад.

Муфассал... Шарҳ додан

Эҳёи бозиҳои миллӣ баҳри худшиносии наврасон

20 Март 2018

Бо ташаббуси Раёсати маорифи вилояти Суғд ва Маркази таҳсилоти иловагии вилоят санаи 18-уми марти соли равон дар варзишгоҳи «Хуррамшаҳр»-и Донишгоҳи давлатии Хуҷанд ба номи академик Бобоҷон Fафуров озмуни вилоятии «Бозиҳои миллӣ» баргузор гардид. Дар он хонандагони мактабҳои таҳсилоти миёнаи умумии шаҳру навоҳии вилоят ширкат варзиданд.

Осим Каримзода - сардори Раёсати маориф ва илми вилоят иштирокчиён ва меҳмонони чорабиниро хайрамақдам гуфта, зикр кард, ки мақсад аз гузаронидани чорабинӣ аз нав эҳё кардани бозиҳои миллии ниёгон, бедор кардани ҳисси хонандагон нисбат ба анъанаву бозиҳои миллӣ, ташвиқоту тарғиботи он байни мактабиён ва ботантана ҷашн гирифтани Иди Наврӯз мебошад.

Муфассал... Шарҳ додан

Кӯмакҳои наврӯзии Раиси вилоят ба собиқадорон

20 Март 2018

Дар толори хурди Мақомоти иҷроияи ҳокимияти давлатии шаҳри Хуҷанд бо иштироки Раиси шаҳри Хуҷанд Маъруф Муҳаммадзода ва муовини Раиси вилоят Назира Ғаффорӣ ба 33 нафар собиқадорони аҳамияти ҷумҳуриявӣ ва вилоятидошта кӯмакҳои якдафъаинаи Раиси вилояти Суғд Раҷаббой Аҳмадзода тақдим карда шуд.

Назира Ғаффорӣ, муовини Раиси вилояти Суғд Паёми табрикотии Раиси вилоят Раҷаббой Аҳмадзодаро ба собиқадорон расонд, ки дар он аз ҷумла гуфта шудааст: «Сокинони шарафманди вилояти Суғд чун дигар ҳамватанон шукргузорӣ аз он менамоянд, ки бо иқдоми наҷиб ва шоистаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иди миллӣ ва аҷдодии мо – Наврӯз дар сатҳи ҷаҳонӣ ҳамчун рамзи дӯстии халқҳои соҳибфарҳанг ва тамаддунпеша бо шаҳомати хоса таҷлил мегардад. Ҷаҳонӣ гардидани ин ҷашни аҷдодӣ аз он гувоҳӣ медиҳад, ки даар шароити кунунӣ воқеан ташаббусҳои Сарвари давлати мо ҳамчун ибтикори инсонгароёна ва ифодагари ниёзҳои башарият аз сӯйи ҷомеаи ҷаҳонӣ истиқболи самимӣ пайдо намуда, мавқеъ ва мақоми кишвари соҳибтамаддуни моро дар арсаи олам боло мебардорад.

Муфассал... Шарҳ додан

Сафари корӣ ба шаҳри Ню-Йорк

20 Март 2018

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари корӣ ба шаҳри Ню-Йорк сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Президенти Ҷумҳурии Тоҷикистон Эмомалӣ Раҳмонро вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд.

Муфассал... Шарҳ додан