АсосӣБойгонӣ

Навгонӣ

Нигоҳ доштани амнияти ҷумҳурӣ аз хатарҳои террористӣ ва ифротгароӣ

30 Март 2018

Терроризм ва экстремизм аз овони пайдошавиаш бо мақсаду вазифаи худ, бо воситаҳои мубориза ва даъвоҳои ғоявиаш барои инсоният хавфу таҳдиди ҷиддии иҷтимоӣ ба бор овардааст. Аз ин лиҳоз, мутахассисон ба маънои умум ба терроризм чунин баҳо додаанд: «Терроризм - бо мақсадҳои муайяни сиёсӣ дар ҷомеа бесуботиро ба вуҷуд овардан ва барои дар байни қишрҳои васеи аҳолӣ ваҳму ҳарос ангехтан, зӯровариро истифода бурдан, ё ки бо истифодаи зӯроварӣ аҳолиро тарсонидан аст».

Имрӯзҳо терроризму экстремизми динӣ намудҳои нав ба навро касб намуда, мутаассифона, аз лиҳози миқдору сифат афзоиш ёфта истодааст. Таъкид намудан бамаврид аст, ки солҳои охир дар минтақаи Авроосиёву Африқо болоравии амалҳои ифротгароии динӣ ва фаъолшавии гурӯҳҳои террористӣ мушоҳида мегарданд.

Муфассал... Шарҳ додан

Ба муқобили терроризм ва экстремизм дастаъҷамона мубориза бурд

30 Март 2018

Терроризм аз оғози асри нав, аниқтараш аз 11сентябри соли 2001 муборизаи фаъол ва кушодаи худро бо ҷомеаи ҷаҳонӣ нишон дода, таҳдиди навро барои тамоми ҷаҳон ва дар алоҳидагӣ барои ҳар як давлати мустақил эълон дошт. Маҳз аз ҳамин давра ҷомеаи ҷаҳонӣ дарк намуд, ки бо ин зуҳуроти асри худ дар танҳоӣ мубориза бурдан судбахш набуда, баръакс барои пешгирӣ, бартараф ва решакан намудани ин вабои аср муборизаҳои қатъии дастаҷамъона бояд оғоз намуд. Дар ҳақиқат ҷомеаи ҷаҳонӣ ва дар қатори он Ҷумҳурии Тоҷикистон низ барои мубориза бурдан бо ин зуҳуроти аср омодабошии ҳаматарафаи эълон дошта буд.

Ҳанӯз дар Паёми худ Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон аз 22. 04. 2002 иброз намуда буданд, ки: «Дар баробари сар шудани муборизаи пурвусъат ба муқобили терроризми байналмилалӣ Тоҷикистон мавқеи худро ошкоро эълон намуд ва барои амалиёти муваффақиятнок ба хотири аз байн бурдани парваришгоҳҳои терроризм ва экстремизм дар Афғонистон аз ҷониби худ тамоми чораҳои имконпазирро андешид.

Муфассал... Шарҳ додан

Мо бар зидди фаъолияти ғайриқонунии ҲНИТ

30 Март 2018

Изҳороти аҳли ҷомеаи омӯзгорону толибилмони Муассисаи таҳсилоти умумии ғайридавлатии Мактаби Рустаов Ю. Д.-и шаҳри Хуҷанд дар мавриди фаъолияти ташкилоти экстремистӣ террористии ҲНИТ ва дигар гурӯҳҳои ифротгаро.

Инсон беҳтарин хубон дар рӯи замин аст, зеро ки ӯ қиматтарин неъмат – ақл , сухан ва одобро соҳиб аст. Аз ин рӯ, сухани инсон бо мақсад ва амали ӯ бояд ҳамранг бошад.

Камоли Хуҷандӣ фармудааст:

Илму тақвӣ сар ба сар даъвист,маъно дигар аст,

Марди маънӣ дигару майдони даъво дигар аст.

Муфассал... Шарҳ додан

Пешгирии ҷавонон аз шомилшавӣ ба ҳизбу ҳаракатҳои бегона

30 Март 2018

Дар раванди сиёсии ҷомеа ва дар пешравии он нақши мафкура ва шуури сиёсӣ аҳамияти муҳим дорад. Тавре маълум аст, дар Тоҷикистон ҳизбҳои гуногун фаъолият доранд ва ҳар кадоми онҳо ба худ хос мафкура дошта, онро тарғиб месозанд.

Раванди имрӯза талаб менамояд, мафкураи ҳамаи ҳизбҳои сиёсӣ бояд харакатери солим дошта, он ба манфиати ҷомеа хизмат намояд.

Алалхусус дар замони пуртазод, бархӯрди таммадунҳо ҷараёнҳои экстремистӣ мехоҳанд, ба доми худ ҷавонони гумроҳро шомил намояд. Аз ин раванд ҷавонони минтақаи Осиёи Марказӣ низ дар канор нестанд. Мисоли равшани онро мо дар иштироки ҷавонон дар набардҳои Сурияву Ироқ бараъло мебинем. Маҳз пайдоиши ба ном «Давлати исломӣ» имрӯзҳо ҳазорҳо нафар шаҳрвандони на танҳо Тоҷикистон, балки тамоми минтақаро ба доми худ кашида истодааст.

Муфассал... Шарҳ додан

Сел агар аз кӯҳ меранҷад, ба ҳомун меравад…

30 Март 2018

Изҳороти аҳли ҷомеаи омӯзгорону толибилмони МТМУ №14-и шаҳри Хуҷанд дар мавриди фаъолияти ташкилоти экстремистӣ террористии ҲНИТ ва дигар гурӯҳҳои ифротгаро.

Бале, ин хокдон, ин замин пастию нишебиҳои зиёде дорад. Селе, ки меборад тамоми рӯи заминро фаро мегирад. Имрӯз сели падидаҳои номатлубу хатарнок, экстремизм ва терроризм дар Ховари Миёна, Афри оиШимолӣ, ҷомеаи Тоҷикистон ба хатари аввалиндараҷа табдил ёфта, ҷомеаи ҷаҳониро ба ташвиш андохтааст. Ифродгаронӣ, тундравӣ аз рӯи мазмуни динӣ ва дунявӣ ва аз рӯи зуҳурот ҳудуди минтақавӣ ва байналмилалӣ шуда метавонад. Ифодаи ифродгароӣ хеле решадор аст. Он ҳеҷ гоҳ ҳудуд ё дину миллат надорад ва ҳудуди ягон мамлакатро эътироф намекунад.

Муфассал... Шарҳ додан