АсосӣБойгонӣ

Навгонӣ

Таъини 4 раисони нави кумитаи маҳаллаҳои шаҳри Хуҷанд

05 Апрел 2018

Тибқи Амри Раиси шаҳри Хуҷанд Маъруф Муҳаммадзода 4 раисони нави кумитаи маҳаллаҳои шаҳр таъин гардиданд. Ҳамин тавр, раиси кумитаи маҳаллаи «Чорчароғ» Ҳусейн Азизов, раиси кумитаи маҳаллаи «Содирхон Ҳофиз» Абдуҳабиб Ҳомидов, раиси кумитаи маҳаллаи «Чашмаи Арзана» Мубин Маҳмудов ва раиси кумитаи маҳаллаи «Ваҳдат» Раҳим Обидов ба вазифаҳои хеш шуруъ намуданд.

Раиси шаҳри Хуҷанд Маъруф Муҳаммадзода зимни муаррифӣ ва вазифагузорӣ ба раисони нави кумитаҳои маҳаллаҳо таваҷҷуҳи эшонро пеш аз ҳама баҳри иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода равона сохта, аз ҷумла таъкид намуд, ки вазифаи аслии раисони маҳаллаҳо хизмат ба мардум, ободу хуррамнамоии муҳити маҳал, раҳнамоии бошандагон баҳри созандагиву бунёдкорӣ мебошад.

Муфассал... Шарҳ додан

Биё, эй Ҳамватан, то ҷонфидои ин Ватан бошем!

05 Апрел 2018

Ватанпарастӣ арзиши муқаддас буда, дар он мафҳумҳои диёр, макон, кишвар, сарзамин ифода меёбад. Ватан маъвои ҳар шаҳрванди бо нангу номуси миллат маҳсуб ёфта, эҳтирому арҷгузорӣ ба он вазифаи муқаддас ва бошарафи ҳар ҷавонмард мебошад. Дар ин хусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон гуфтаанд: «Фаромӯш набояд кард, ки танҳо шахси воқеан ватандӯст метавонад, дилсӯзона ва ба тамоми ҳастӣ ҳифзи амният ва ободии ватани худро таъмин созад». Ҳамзамон, дар моддаи 43-юми Конститутсияи Ҷумҳурии Тоҷикистон низ омадааст: «Ҳифзи ватан, ҳимояи манфиатҳои давлат, таҳкими истиқлолият, амният ва иқтидори мудофиавии он вазифаи муқаддаси шаҳрванд аст».

Муфассал... Шарҳ додан

Хонандагони мактаб-интернати шаҳри Хуҷанд 19 медал ба даст оварданд

05 Апрел 2018

Дар шаҳри Душанбе дастаи варзишии хонандагони мактаб-интернати давлатӣ барои кӯдакони имконияташон маҳдуди шаҳри Хуҷанд бо ҳайати 10-нафар дар мусобиқаи варзишии ҷумҳуриявӣ барои кӯдакони имконияташон маҳдуд, ки аз тарафи Олимпиадаи махсуси Тоҷикистон ташкил гардид, иштирок карда, аз рӯи се намуд: варзиши сабук, тениси рӯи миз ва футбол қувваозмоӣ намуда, соҳиби 19 медал гардиданд.

Ҳамин тавр, хонандагони мактаб-интернати шаҳри Хуҷанд соҳиби 4 медали тилло, 4 медали нуқра ва 11 медали биринҷӣ гардиданд, ки аз ин миқдор 8-ададаш медали дастаи футбол мебошад.

Инчунин дар бахши намоиши корҳои дастӣ бахшида ба Соли 2018 «Соли рушди сайёҳӣ ва ҳунарҳои мардумӣ» хонандагони мактаб-интернати давлатӣ барои кӯдакони имконияташон маҳдуди шаҳри Хуҷанд соҳиби ҷои дуюм ва Сипосномаи Олимпиадаи махсуси Тоҷикистон гардиданд.

Муфассал... Шарҳ додан

Нуқтаи хайру эҳсони маҳаллаи «Ваҳдат»-и шаҳри Хуҷанд ба 4000 нафар кӯмак намуд

05 Апрел 2018

Бо мақсади дар амал татбиқ намудани нуктаҳои муҳими Паёми Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ба Маҷлиси Олӣ ҷиҳати дастгирии қишри камбизоати аҳолӣ, алалхусус ятимону маъюбон, шахсони яккаву танҳо, дар шаҳри Хуҷанд силсилаи тадбирҳо андешида шуда истодааст.

Ду сол инҷониб дар маҳаллаи «Ваҳдат» бо иқдоми шаҳрванд Нуъмон Ҳасанов нуқтаи хайру эҳсон амал мекунад, ки то ба имрӯз ба 4000 нафар сокинони шаҳру навоҳии вилояти Суғд либосу пойафзол, чиниворӣ ва дигар лавозимоти хонаро ройгон дастрас намудааст.

Дар навбати худ имрӯз зиёда аз 1600 нафар шаҳрвандони сазоватпеша ва савобҷӯйи шаҳри Хуҷанд бо хоҳиши худ ба нуқтаи хайру эҳсон либосҳои тозаи мардонаю занона, бачагона, пойафзоли ҳархела, аспобу анҷоми изофагии ба рӯзгор истифодашавандаи хешро оварда супоридаанд.

Муфассал... Шарҳ додан

Заводи тухми кирмаки шаҳри Хуҷанд шуҳрати пешинаашро барқарор менамояд

05 Апрел 2018

Раиси вилояти Суғд Раҷаббой Аҳмадзода аз Ҷамъияти саҳҳомии фаръии заводи тухми кирмаки шаҳри Хуҷанд боздид намуд, иттилоъ медиҳад, Хадамоти матбуоти Раиси вилояти Суғд.

Зимни боздид ба Раиси вилоят иттилоъ доданд, ки то санаи 2 апрел наздик 11 ҳазор қуттии тухми кирмак ба кирмакпарварони шаҳру навоҳӣ тақсим карда шудааст. Санаи хобонидани тухми кирмак аз 24-уми март оғоз гардида, санаи зиндашавии он аз 4-уми апрел шурӯъ мегардад.

Раиси вилоят дар аснои суҳбат бо масъулини соҳа, пилларо ҳамчун ашёи пурқиммати саноатӣ маънидод намуда, рушди соҳаи кирмакпарвариро бар нафъи кор арзёбӣ кард. Зеро фаъолияти якчанд корхонаҳои саноатӣ, аз ҷумла “Атласи Хуҷанд” ва “ВТ-Силк”маҳз ба ашёи хоми пилла вобастагӣ дорад.

Муфассал... Шарҳ додан