АсосӣБойгонӣ

Навгонӣ

Хуҷанд: 25 ҳазор нафар дар Дави миллӣ иштирок намуданд

21 Май 2018

Рӯзи 20 май дар маркази вилоят – шаҳри Хуҷанд чорабинии варзишии Дави миллӣ баргузор шуд, ки дар он беш аз 25 ҳазор нафар одамони касбу кори гуногун иштирок намуданд.

Дар қатори ҳазорҳо нафар сокинони маркази вилоят Раиси вилояти Суғд Раҷаббой Аҳмадзода, муовинони Раиси вилоят ва Раиси шаҳри Хуҷанд Маъруф Муҳаммадзода низ дар чорабинии мазкур иштирок намуданд. Қабл аз оғози Дави миллӣ Раҷаббой Аҳмадзода дар ҳузури сокинон суханронӣ намуда, аз дастгириҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш ёдоварӣ кард ва баргузории Дави миллиро ҷиҳати тарғиби тарзи ҳаёти солим иқдоми муҳиму саривақтӣ арзёбӣ кард. Таъкид шуд, ки варзиш танро солим ва рӯҳро болида намуда, барои фаъолияти пурсамари меҳнатӣ мусоидат менамояд.

Муфассал... Шарҳ додан

Машқи пагоҳирӯзӣ ва велосипедронӣ

21 Май 2018

Тавре, ки иттилоъ дода будем, рӯзи шанбе ҳафтаи сипаришуда бо мақсади пуршукӯҳ ҷашни гирифтани Рӯзи ҷавонон ва тарғиби тарзи ҳаёти дар назди Маҷмааи давлатии «Истиқлол»-и шаҳри Хуҷанд машқи пагоҳирӯзӣ ташкил ва баргузор карда шуд.

Ҳамчунин худи ҳамин рӯз аз ин мавзеъ мусобиқа велосипедронӣ оғоз гардида, то маҳаллаи 12-уми шаҳр идома ёфт.

Ташкили чунин чорабиниҳо имкон медиҳад, ки мардум, бахусус ҷавонон ба он ҷалб гардида, он баҳри солимии рӯҳу тан мусоидат менамояд.

Муфассал... Шарҳ додан

Тасаллияти Пешвои миллат ба аҳли оила ва наздикону пайвандони Шоири халқии Тоҷикистон Муъмин Қаноат

21 Май 2018

Дирӯз, 18 - уми майи соли 2018 Шоири халқии Тоҷикистон, дорандаи Ҷоизаи давлатии ба номи Абӯабдуллоҳи Рӯдакӣ, Ҷоизаи давлатии собиқ Иттиҳоди Шӯравӣ, узви вобастаи Академияи илмҳои Ҷумҳурии Тоҷикистон Муъмин Қаноат дар синни 86 - солагӣ аз олам даргузашт.

Президенти Ҷумҳурии Тоҷикистон, Асосгузори сулҳу Ваҳдати миллӣ - Пешвои миллат, муҳтарам Эмомалӣ Раҳмон ба аҳли оила ва наздикону пайвандони марҳум изҳори тасаллият намуданд, ки дар он, аз ҷумла омадааст:

«Муъмин Қаноат дар рушди адабиёти муосири тоҷик хидмати шоистаеро ба анҷом расонида, солҳои зиёд ба ҳайси Раиси Иттифоқи нависандагон, Раиси Кумитаи ҷумҳуриявии муҳофизати сулҳ, муовини Раиси Ҳаракати ҷамъиятии ваҳдати миллӣ ва эҳёи Тоҷикистон, муовини Раиси Кумитаи Ҷоизаи давлатии ба номи Абӯабдуллоҳи Рӯдакӣ кору фаъолият дошт.

Муфассал... Шарҳ додан

Барқияи тасаллият ба Раиси Шӯрои Давлатӣ ва Шӯрои Вазирони Ҷумҳурии Куба Мигел Диас-Канел

21 Май 2018

Дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Раиси Шӯрои Давлатӣ ва Шӯрои Вазирони Ҷумҳурии Куба Мигел Диас-Канел барқияи тасаллият ирсол намуданд, ки дар он гуфта мешавад:

«Ҷаноби Олӣ,

Хабари фоҷеаи суқути ҳавопаймои мусофирбар, ки боиси талафоти зиёди ҷонӣ гардид, моро сахт андуҳгин намуд.

Дар ин лаҳзаҳои ҳузнангез ба Шумо ва ба мардуми дӯсти Куба, ҳамчунин ба ҳамаи наздикону пайвандони фавтидагон ҳамдардиву тасаллияти хешро изҳор намуда, барои осебдидагон шифои ҳарчи зудтару комил мехоҳам».

Шарҳ додан

Ҳанифа Валиева- “Мураббияи сол” шуд

19 Май 2018

Дар мактаби хусусии «Паймони азизон»-и шаҳри Хуҷанд марҳилаи ҷамъбастии озмуни шаҳрии «Мураббияи соли Тоҷикистон» баргузор гардид.

Дар ин даври озмун се нафар мураббиён аз кудакистони хусусии “Дилоро” ва ширхоргоҳ кӯдакистонҳои шаҳри Хуҷанд бо ҳам қувваозмоӣ намуданд

Мураббияҳо аз рӯйи шартҳои “Мизи мудаввар”, “Тасвир намудан ва сохтани манзара бо дархости доварон”, “Машғулияти таьлимӣ”, “Муаррифии фаъолияти педагогӣ”, “Дониш ва маҳорати касбии мураббиён” ва “Таҳлили ҳолатҳои равонии педагогӣ” маҳорати хешро нишон доданд.

Дар натиҷа, мақоми аввалро мураббияи ширхоргоҳ- кӯдакистони рақами 27 Ҳанифа Валиева, ҷойи дуюмро мураббияи кӯдакистони хусусии “Дилоро” Марҷона Ҳасанова ва зинаи сеюмро мураббияи ширхоргоҳ кӯдакистони рақами 20 Мадина Боирова ба даст оварданд.

Муфассал... Шарҳ додан