АсосӣБойгонӣ

Навгонӣ

Иштирок дар ҷаласаи Шӯрои миллии рушди назди Президенти Ҷумҳурии Тоҷикистон

03 Июл 2018

3 июл дар Бӯстонсаройи шаҳрии Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Раиси Шӯрои миллии рушд муҳтарам Эмомалӣ Раҳмон Ҷаласаи Шӯрои миллии рушди назди Президенти Ҷумҳурии Тоҷикистон баргузор шуд.

Дар кори ҷаласа аъзои Шӯрои миллии рушд, намояндагони Шӯрои ҳамоҳангсозии шарикони рушд, вазорату идораҳои дахлдори ҷумҳурӣ, ташкилотҳои ғайридавлатӣ ва созмонҳои байналмилалӣ иштирок карданд.

Рӯзномаи ҷаласа танҳо аз як масъала - муаррифии “Ҳисоботи миллӣ оид ба натиҷаҳои фосилавии ҷараёни татбиқи ҳадафҳои Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёамуҳлати рушди Ҷумҳурии Тоҷикистон барои солҳои 2016-2020 дар ҳошияи Ҳадафҳои рушди устувор” иборат буд.

Муфассал... Шарҳ додан

Ҷамъомадҳои ҳарбӣ бо ҷалби шаҳрвандони дар эҳтиётбудаи шаҳри Хуҷанд

03 Июл 2018

Бо мақсади баланд бардоштани дараҷаи омодабошии мақомоти идоракунии ҳарбӣ ва сатҳи тайёрии ҳарбии шаҳрвандони дар эҳтиёт қарор дошта, дар асоси фармонҳои Вазири мудофиа-муовини аввали Сарфармондеҳи Қувваҳои Мусаллаҳи Ҷумҳурии Тоҷикистон ва Комиссари ҳарбии вилояти Суғд-Сардори горнизони Суғд «Оид ба ташкил ва гузаронидани ҷамъомадҳои ҳарбии бо ихтисосҳои қайдгирии ҳарбии камёфти шаҳрвандони дар эҳтиётбуда» чорабинӣ баргузор гардид.

Ин ҷамъомади ҳарбӣ дар яке аз машқгоҳҳои низомии Вазорати мудофиаи мамлакат бо иштироки беш аз 120 нафар шаҳрвандони дар эҳтиётбудаи шаҳри Хуҷанд сурат гирифта, дар ҷараёни он аз тарафи афсарон ба шаҳрвандон машғулиятҳои назариявӣ ва амалӣ гузаронида шуд.

Муфассал... Шарҳ додан

Ифтитоҳи “Боғи кӯдакон” дар ноҳияи Исмоили Сомонии шаҳри Душанбе

(1 овоз, миёна 1.00 аз 5)

03 Июл 2018

3 июл Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар ноҳияи Исмоили Сомонӣ дар вазъияти тантанавӣ “Боғи кӯдакон”-ро мавриди баҳрабардорӣ қарор доданд.

Бунёди Боғи кӯдакон ва таъмири асосии Бинои Муассисаи давлатии “Маркази кӯдакону наврасон”-и шаҳри Душанбе бо мақсади иҷрои Фармоиши Ҳукумати Ҷумҳурии Тоҷикистон аз 10-уми ноябри соли 2017 ва мутобиқи Нақшаи чорабиниҳо оид ба корҳои ободонӣ ва кабудизоркунии боғу гулгаштҳо, инчунин сохтмони майдончаҳои варзишӣ дар ҳудуди шаҳри Душанбе аз тарафи Дирексияи сохтмони иншоотҳои ҳукуматии Дастгоҳи иҷроияи Президенти Ҷумҳурии Тоҷикистон ба роҳ монда шуд. Дар рафти корҳои сохтмонӣ зиёда аз 600 нафар ба кор ҷалб карда шуданд.

Муфассал... Шарҳ додан

Суханронии ҷамъбастии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар ҷаласаи Шӯрои миллии рушд

03 Июл 2018

Муҳтарам аъзои Шӯро!
Хонумҳо ва ҷанобон!
Ҳозирини гиромӣ!

Ҷаласаи имрӯзаи Шӯрои миллии рушди назди Президенти Ҷумҳурии Тоҷикистон баррасии чараёни татбиқи дусолаи ҳуҷҷатҳои стратегии кишварро дар ҳошияи ҳамоҳанг намудани Ҳадафҳои рушди устувор, ки аз ҷумлаи уҳдадориҳои байналмилалии Ҷумҳурии Тоҷикистон аз рӯи Рӯзномаи асри XXI ба ҳисоб мераванд, фаро гирифт.

Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Ҷумҳурии Тоҷикистон барои солҳои 2016-2020 ҳуҷҷати мукаммали дарбаргирандаи маҷмӯи ислоҳот барои баланд бардоштани самаранокии истифодаи имкониятҳои мавҷудаи мамлакат буда, самтҳои рушди минбаъдаи кишварро дар шароити таъсири бевоситаи омилҳои дохиливу берунӣ инъикос менамояд.

Муфассал... Шарҳ додан

Иштирокчиёни Фестивали «Марҳабо ба Суғди бостон» ба Хуҷанд омаданд

(1 овоз, миёна 1.00 аз 5)

02 Июл 2018

Дирӯз 80 нафар иштирокдорони Фестивали минтақавии сайёҳии «Марҳабо ба Суғди бостон» меҳмони шаҳри Хуҷанд шуданд.

Дар даромадгоҳи шарқии шаҳр меҳмононро муовини Раиси шаҳри Хуҷанд Фирӯза Нуруллозода ва дигар ашхоси расмӣ истиқбол намуданд.

Иштирокдорони Фестивали минтақавии сайёҳии «Марҳабо ба Суғди бостон» аз мавзеъҳои таърихии шаҳри бостонии Хуҷанд аз ҷумла Маҷмааи таърихию фарҳангии «Боғи Камоли Хуҷандӣ», Маҷмааи таърихию фарҳангии «Истиқлол», ҳамзамон аз МД «Ҳавзи шиноварӣ», шиногоҳи соҳили дарёи Сир ва дигар мавзеъҳои шаҳр дидан намуда, таассуроти нек бардоштанд.

Муфассал... Шарҳ додан