АсосӣБойгонӣ

Навгонӣ

Мусобиқаи шоҳмоту шашака байни аъмоён

20 Июл 2018

Дирӯз бо дастгирии мақомоти иҷроияи ҳокимияти давлатии шаҳри Хуҷанд тибқи нақшаи чорабиниҳои бахши кор бо ҷавонон ва варзиши шаҳри Хуҷанд, бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон бобати дастгирии шахсони маъюб, қувваи босираашон суст ва нобино, тарғибу ташвиқи тарзи ҳаёти солим, рушди намуди варзиши шашка ва шоҳмот дар китобхонаи оммавии вилоятии ба номи Тошхўҷа Асирӣ мусобиқаи шаҳри Хуҷанд оид ба шашка ва шоҳмот байни шахсони қувваи босираашон суст ва нобино баргузор гардид.

Ин мусобиқа, ки бахшида ба эълон гардидани соли 2018 «Соли рушди сайёҳӣ ва ҳунарҳои мардумӣ» ташкил ва гузаронида шуд, ки дар он 40 нафар шахсони қувваи босираашон суст ва нобино иштирок намуданд.

Муфассал... Шарҳ додан

Санги асос ба сохтмони зеристгоҳи барқии”Темурмалик” гузошта шуд

(1 овоз, миёна 1.00 аз 5)

19 Июл 2018

Бо ҳузури Раиси вилояти Суғд Раҷаббой Аҳмадзода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода, муовини Раиси ШСХК “Барқи тоҷик” Ғолибшоҳ Убайдуллозода ва Раиси шаҳри Хуҷанд Маъруф Муҳаммадзода санги асос ба сохтмони зеристгоҳи барқии”Темурмалик”, воқеъ дар кӯчаи ба номи Шариф Раҷабови маҳаллаи “Раззоқ”-и шаҳри Хуҷанд гузошта шуд.

Иттилоъ дода шуд, ки зеристгоҳи нави барқии шаҳри Хуҷанд бо номи «Темурмалик» бо харҷи 4 миллион доллари Бонки Аврупоии Рушд ва Таҷдид давоми 18 моҳ, яъне то ҷашни Истиқлолияти давлатии Ҷумҳурии Тоҷикистон , моҳи сентябри соли 2019 сохта ба истифода дода мешавад. Дар ин зеристгоҳ 2 трансформаторҳо бо иқтидори 25 000 кВТ. Ампера бо шиддати 110/10 кВТ насб мегардад. Ин имкон медиҳад, ки кори 4 зеристгоҳи дигари шаҳрро камбор намуда, таъмини барқро муваффақона роҳандозӣ намояд.

Муфассал... Шарҳ додан

Семинар барои занони хонашин

19 Июл 2018

Дар КВД «Кохи матбуот»-и шаҳри Хуҷанд бо ташаббуси бахши сармоягузорӣ ва идораи амволи давлатии Мақомоти иҷрояи ҳокимияти давлатии шаҳри Хуҷанд барои занҳои хонашин семинари омӯзишӣ дар мавзуъи «Банақшагирии тиҷорат ва сохтори нақшаи тиҷоратӣ» баргузор шуд, ки дар он беш аз 30 нафар бонувон иштирок доштанд.

Дар семинар аз ҷониби мутахасисон доир ба сохтори бизнес-нақша, бизнес-ғоя, консепсияи бизнес –нақша ва роҳҳои созмон додани корхнаҳои хурду миёна машғулиятҳо гузаронида шуд.

Бояд қайд намуд, ки семинари мазкур дар заминаи қарори Раиси шаҳри Хуҷанд «Дар бораи таъсис додани гуруҳи корӣ ва тарғиби фаъолияти соҳибкорӣ байни аҳолӣ барои соли 2018» сурат гирифт.

Муфассал... Шарҳ додан

Оғози мумфаршкунии кӯчаи Усмон Қосимов

19 Июл 2018

Имрӯз бо иштироки Раиси вилояти Суғд Раҷаббой Аҳмадзода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода, Раиси шаҳри Хуҷанд Маъруф Муҳаммадзода ба мумфаршкунии кӯчаи Усмон Қосимов, маҳаллаи Тиллокон, яъне роҳи байни микроноҳияҳои 12-13 оғоз бахшида шуд.

Раиси вилояти Суғд Раҷаббой Аҳмадзода зимни баромади худ дар назди бошандагони микроноҳияҳои номбурда ва фаъолони шаҳр иброз дошт, ки дар қаламрави вилоят бахшида ба 30 солагии Истиқлолияти давлатии Ҷумҳурии Тоҷикистон 1300 рӯзи ободонию созандагӣ эълон шудааст ва ба ин муносибат дар шаҳру навоҳии вилоят беш аз 3000 иншооти таъиноташ гуногун, аз қабили мактабу беморхона, чойхона, корхонаҳои саноатӣ, майдончаҳои варзишӣ, кошонаи ҳусн, маркази савдо, ҳаммомхона, мумфаршкунии роҳҳо, гузаронидани хатти оби нӯшокӣ, чароғонкунӣ ва дигар амалҳои созандагӣ бо ҷалби маблағҳои буҷетӣ, сармоягузорони дохиливу хориҷӣ, соҳибкорон, ашхоси хайрхоҳ ва ғайра сохта ва ба истифода дода мешаванд.

Муфассал... Шарҳ додан

Таҳкими робитаҳои шаҳри Хуҷанд бо 38 мамолики дунё

19 Июл 2018

Ҳоло дар қаламрави кишвар, аз ҷумла дар шаҳри Хуҷанд тамоюли мусбати рушди иқтисодиётӣ дар шароити марҳила ба марҳила амалӣ гардидани ҳадафҳо оид ба таъмини истиқлолияти энергетикӣ ва амнияти озуқаворӣ, рушди инфрасохтори нақлиёт, беҳтар намудани фазои сармоягузорӣ ва фароҳам овардани шароити мусоид барои рушди бахши хусусӣ, алалхусус дар самти истеҳсолӣ ва таҳкими робитаҳои хориҷӣ идома дорад.

Дар рушди бемайлони иқтисодиёти шаҳр муомилоти гардиши молҳо саҳми арзанда дошта, ҳаҷми он нимсолаи якуми соли 2018 ба 1581 млн. сомонӣ расида, ҳаҷми хизматрасониҳо 579,8 млн. сомониро ташкил дода, онҳо нисбат ба ҳамин давраи соли сипаригашта бо нархҳои ҷорӣ мутаносибан 46,6 ва 25,5 дар сад афзоиш ёфтаанд.

Муфассал... Шарҳ додан