АсосӣБойгонӣ

Навгонӣ

Пиари сиёҳи Кабирӣ аз бемории Иброҳими чорсола

24 Июл 2018

Дар деҳаамон мӯйсафеде буд ва ҳар гапу коре боиси тааҷҷубаш мегашт, ҳамон лаҳза мегуфт: «Бобо намурд, дар ин зиндагӣ ҳамаи балоро дид». Чун ҷавонтар будам, ба умқи ин сухан намерасидам. Ҳикмати баландашро тадриҷан дарк карда истодаам.

Чанд рӯз пеш Кабирӣ бо истифодаи таҷрибаи пирони наҳзатиаш ва роҳнамоии хоҷагони маънавиаш мехост боз ҷамъе равшанфикрони тоҷики дар хориҷ қарордоштаро бо баҳои чанд динору риёли барояш додаи дигарон бихараду мисли солҳои 90-ум қурбонии нақшаҳои ҳизби террористиаш созад. Аммо тираш хок хӯрд. Ҷамъомаде, ки гирд овард, амалан ба ҷаласаи хонаводагиаш табдил ёфт. Пеши онҳое, ки кафолати сохтани ИНОТ-и навро барояшон дода буд, шарманда шуду назди охундҳои шиа, ки ин ҳама маблағро барои ин маърака ҷудо карда буд (барои ташкили кору иҷораи толору роҳхарҷии ба гуфти худашон 300 нафар даъватшуда ва маблағи меҳмонхонаҳои зисти онҳо ва хӯрду хӯрокашон бо кисапулию монанди инҳо) қарздор. Акнун, ки корҳо барор нагирифт, роҳҳои дигари нишон додани худро пеш гирифт. Роҳҳои қаблан озмудашударо.

Муфассал... Шарҳ додан

Музди миёнаи маош ба 1237 сомонӣ расид

24 Июл 2018

Дастгирии соҳаҳои иҷтимоӣ ва таъмин намудани шароити зиндагии шоистаи сокинони шаҳри Хуҷанд яке аз ҳадафҳои асосии Роҳбарияти шаҳр ба ҳисоб рафта, барои ноил шудан ба ин ҳадафҳо ва баланд бардоштани сатҳу сифати зиндагии мардум тамоми захираву имкониятҳо сафарбар карда шуда истодаанд.

Ин тадбирҳо имкон доданд, ки музди маоши миёнаи кормандони хоҷагии халқи шаҳр дар нимсолаи аввали соли равон ба 1237,4 сомонӣ баробар гардида, нисбат ба ҳамин давраи соли сипаригашта, 58,1 сомонӣ, ё 5,0 фоиз афзоиш ёфтааст. Пардохти музди маоши кормандони тамоми соҳаҳо зери назорат қарор дошта, имруз қарзи музди меҳнат ҷой надорад.

Муфассал... Шарҳ додан

Зиёда аз 21 миллион мусофир кашонида шуд

24 Июл 2018

Баҳри таҳкими инфрасохтори соҳаи коммуникатсияи шаҳри Хуҷанд тадбирҳо андешида мешавад ва он натиҷаҳои назаррас ба бор меоварад. Ин буд, давоми 6 моҳи соли ҷорӣ тавассути ҳамаи намуди воситаҳои нақлиёт 1,1 млн. тонна бор ва 21,2 млн. нафар мусофирон кашонида шуданд, ки ин дар муқоиса ба ҳамин давраи соли пешина мутаносибан 2,1 ва 2,3 дар сад афзоиш ёфтааст.

Дар рушди бемайлони иқтисодиёти шаҳри Хуҷанд муомилоти гардиши молҳо саҳми арзанда дошта, ҳаҷми он дар ин давра ба 1581,0 млн. сомонӣ расида, ҳаҷми хизматрасониҳо 579,8 млн. сомониро ташкил дода, онҳо нисбат ба ҳамин давраи соли сипаригашта бо нархҳои ҷорӣ мутаносибан 46,6 ва 25,5 дар сад афзоиш ёфтаанд.

Ёдовар мешавем, ки чанде қабл бо дастгирии Ҳукумати Ҷумҳурии Тоҷикистон ва дар доираи лоиҳаи «Рушди нақлиёти ҷамъиятии шаҳри Хуҷанд», ки бо маблағгузории Бонки Аврупоии Таҷдид ва Рушд амалӣ хоҳад шуд, ба шаҳри Хуҷанд 25 адад автобусҳои замонавии истеҳсоли Федератсияи Россия ворид карда шуд.

Муфассал... Шарҳ додан

Нақшаи буҷет барзиёд таъмин гардид

24 Июл 2018

Тақвияти иқтидории нишондиҳандаҳои ҳамаи самтҳои иқтисодию иҷтимоии шаҳри Хуҷанд дар шаш моҳи соли равон имкон дод, ки иҷрои нақшаи буҷети давлатӣ 103,4 фоиз ва буҷети маҳаллӣ 100,1фоиз таъмин гардида, аз нақшаҳои пешбинишуда мутаносибан дар ҳаҷми 6,1 млн. сомонӣ ва 80,6 ҳазор сомонӣ зиёд маблағ ба буҷет ворид гардад.

Аз нақшаи 11 намуди андозҳо 10 намуд пурраю барзиёд таъмин гардид. Қисми хароҷоти буҷети маҳаллӣ тибқи нақшаи тасдиқшуда 72,5 млн. сомонӣ буда, он бо тағиротҳояш 78,4 млн. сомониро ташкил медиҳад ва иҷроиши он 99,5 фоиз иҷро гардид. Аз маблағи умумии хароҷотшуда 80,0 фоиз ба соҳаҳои маориф, тандурустӣ, фарҳанг ва ҳифзи иҷтимоӣ масраф карда шудааст.

Муфассал... Шарҳ додан

Аз 11 медал 6 ададашро хатмкунандагони Хуҷанд ба даст оварданд

23 Июл 2018

Аз рӯйи натиҷаҳои ҷамъбасти соли таҳсили 2017-2018-и Вазорати маориф ва илми Ҷумҳурии Тоҷикистон аз 11 медалҳои тиллою нуқра, 6 нафарашро муҳассилини шаҳри Хуҷанд, дақиқтараш хатмкунандагони литсейи физикӣ-математикии ба номи академик Муҳаммад Осимии шаҳр аз рӯйи равияи табию риёзӣ ба даст оварданд.

Ҳамин тавр, Муҳаммадҷон Ҳақимов ва Матин Ҷӯраев медалҳои тилло ва Беҳруз Мансуров, Шаҳзод Раззоқов, Фараҳноз Олимова ва Шоҳина Исмоилова медалҳои нуқраро баъди супоридани имтиҳони ҷиддӣ соҳиб шуданд.

Бахтиёр Дадобоев аз гимназияи ба номи Гёте, Фарзона Султонова аз МТМУ № 19 ва Мадина Зарифова хатмкунандаи гимназияи №24 барои иштироки фаъолашон бо сипосномаи Вазорати маориф ва илми Ҷумҳурии Тоҷикистон сарфароз гардиданд.

Муфассал... Шарҳ додан