АсосӣБойгонӣ

Навгонӣ

Таҷлили Иди саиди Қурбон

21 Август 2018

Субҳи имрӯз мардуми сарбаланди Хуҷанди бостонӣ бо шукргузорӣ аз сулҳу амният ва оромию осоиштагии кишвар дар масоҷиди ҷомеаи шаҳр намози ид хонданд.

Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода ба масҷиди Шайх Маслиҳатдини шаҳри Хуҷанд ташриф оварда, намозгузорон ва кулли мардуми Хуҷандшаҳрро бо Иди саиди Қурбон табрику тахният гуфтанд.

Раиси вилояти Суғд Раҷаббой Аҳмадзода зимни баромади худ таъкид дошт, ки дар саросари Ҷумҳурии Тоҷикистони соҳибистиқлоли мо Иди Қурбон ҳамчун иди аҷдодӣ ва арҷгузорӣ ба арзишҳои инсондӯстонаи дини мубини Ислом таҷлил мегардад. Зеро ин иди меҳрубониву вафодорӣ, садоқат, покию равшанӣ, таомули қурбонӣ дар айёми ҳаҷҷи акбар ба шумор рафта, аз фарҳанги щании исломӣ сарчашма мегирад ва муслиминро ба шинохти ҳуввият ва асолату покӣ ҳидоят менамояд.

Муфассал... Шарҳ додан

Маҷлиси Ҳукумати Ҷумҳурии Тоҷикистон

21 Август 2018

20 август дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.

Дар кори маҷлис рафти иҷрои дастуру супоришҳои Президент, татбиқу дар амал ҷорӣ кардани қарорҳои Ҳукумати Ҷумҳурии Тоҷикистон ва рафти корҳои ободонию созандагӣ, баррасӣ гардид.

Президенти мамлакат муҳтарам Эмомалӣ Раҳмон нахустин сафари давлатии худро дар Ҷумҳурии Ӯзбекистон, ки бо натиҷаҳои неку назаррас ва бобарор барои рушду густариши муносибатҳои дӯстӣ, бародарӣ, ҳамкорӣ ва ҳамсоягӣ анҷом ёфт, натиҷагирӣ карданд.

Таъкид гардид, ки ин сафар бо натиҷаҳои пурсамар дар таърихи муносибатҳои ду кишвари ҳамсоя бо ҳарфҳои заррин навишта мешавад.

Муфассал... Шарҳ додан

Дастархонаи идона дар Шифохонаи ҳарбии Қӯшунҳои сарҳадии вилояти Суғд

20 Август 2018

Аз ҷониби намояндагони Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шаҳри Хуҷанд дар Шифохонаи ҳарбии Қӯшунҳои сарҳадии вилояти Суғд дастархони идона ороста ва аскарону афсаронро бо Иди Қурбон табрик намуданд.

Раиси кумитаи идораи замини вилояти Суғд Ҷамшед Умарзода номаи табрикотии Раиси вилояти Суғд Раҷаббой Аҳмадзодаро ба муносибати фарорасии Иди саиди Қурбон ба самъи аскарон ва афсарони қисми низомии Шифохонаи ҳарбии Қӯшунҳои сарҳадии вилояти Суғд расонд, ки дар он аз ҷумла гуфта мешавад:

Муфассал... Шарҳ додан

Маъруф Муҳаммадзода куҳансолону камбизоатонро аёдат намуд

20 Август 2018

Раиси шаҳри Хуҷанд Маъруф Муҳаммадзода ба манзили Шаҳрванди фахрии шаҳри Хуҷанд, собиқадори меҳнат, Ҳамроҳхон Тоҳирова омада, Паёми табрикотии Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ва Раиси вилояти Суғд Раҷаббой Аҳмадзодаро ба муносибати Иди Қурбон расонд.

Шаҳрдор Маъруф Муҳаммадзода гуфт, ки ба шарофати Истиқлолияти давлатӣ ва бо ҳидоятҳои Пешвои муаззами миллат муҳтарам Эмомалӣ Раҳмон мусулмонони кишвар аз арзишҳои фарҳангиву динӣ ва ҳуқуқу озодиҳои эътиқодӣ ба таври васеъ баҳравар гардида, маросиму суннатҳои динии худро озодона ба ҷо меоранд. Мардуми шарифи мо хуб медонанд, ки амалҳои хайри дар ин рўзҳо анҷомдодаи онҳо, яъне дароз кардани дасти мадад ба ҳоҷатмандону мўҳтоҷон, хурсанд кардани ятимон, аёдати беморону куҳансолон ва кўмак ба оилаҳои камбизоат боиси мустаҳкам шудани меҳру муҳаббат дар байни табақаҳои гуногуни ҷомеа мегардад ва онҳоро ба ҳамдигар наздиктар менамояд.

Муфассал... Шарҳ додан

Иди ҳиммату саховат

20 Август 2018

Табрикоти Раиси шаҳри Хуҷанд Маъруф Муҳаммадзода бахшида ба Иди саиди Қурбон

Ҳамшаҳриёни азиз!

Фарорасии иди саиди Қурбонро, ки яке аз суннатҳои қадимаи мардуми мусулмони мо мебошад, ба хонадони ҳар яки шумо самимона табрик мегӯям.

Фазилат ва шарофатҳои ин иди муборак барои мо аз гузаштагони некӯномамон чун пайвандгари давру замон ва мероси муқаддас боқӣ мондааст ва ин нишони ваҳдат, ягонагӣ ва меҳру садоқат ба инсонҳо мебошад.

Муфассал... Шарҳ додан