АсосӣБойгонӣ

Навгонӣ

Мулоқот бо Президенти Туркманистон Гурбонгулӣ Бердимуҳаммадов

24 Август 2018

24 августи соли 2018 дар шаҳри Туркменбошии Туркманистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Ҷаласаи Шӯрои сарони давлатҳои муассиси Хазинаи Байналмилалии наҷоти Арал бо Президенти Туркманистон Гурбонгулӣ Бердимуҳаммадов мулоқот карданд.

Зимни мулоқот масъалаҳои рушди ҳамкорӣ дар доираи Хазинаи Байналмилалии наҷоти Арал, такмили кори сохтори ташкилӣ, асосҳои шартномавию ҳуқуқии Хазина, баррасӣ шуда, таҳкими ҳамкорӣ бо ташкилотҳои молиявӣ ва донорҳо, ба хотири ҳалли мушкилоти минтақавӣ зарур шумурда шуд.

Ҷонибҳо аз раванди муколамаи доимии сатҳи олӣ ва вазъи муносибатҳои ду кишвар, ки ба таври назаррас рушд меёбад, изҳори қаноатмандӣ карданд.

Муфассал... Шарҳ додан

Сафари корӣ ба Туркманистон

24 Август 2018

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари корӣ ба Туркманистон сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, муовини якуми Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Президенти Ҷумҳурии Тоҷикистон Эмомалӣ Раҳмонро муовини Сарвазири Ҷумҳурии Тоҷикистон, вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ, раиси Кумитаи ҳифзи муҳити зист, муовини якуми Вазири энергетика ва захираҳои об ва дигар шахсони расмӣ ҳамроҳӣ мекунанд.

Шарҳ додан

Дар Филиали хуҷандии Донишкадаи ҳарбии Вазорати мудофиаи Ҷумҳурии Тоҷикистон дастархони идона ороста шуд

21 Август 2018

Сарбозони Филиали хуҷандии Донишкадаи ҳарбии Вазорати мудофиаи Ҷумҳурии Тоҷикистон бо шукргузорӣ аз осоиштагии кишвар бо рӯҳияи баланди ватандӯстона чорабиниҳои бахшида ба Иди саиди Қурбонро дар сатҳи баланд таҷлил намуданд.

Муовини Раиси шаҳри Хуҷанд Фирӯза Нуруллозода афсарон ва сарбозони шуҷоъи Филиали хуҷандии Донишкадаи ҳарбии Вазорати мудофиаи Ҷумҳурии Тоҷикистонро аз номи Раиси шаҳри Хуҷанд Маъруф Муҳаммадзода таҳният гуфта, аз ҷумла зикр дошт, ки ба шарофати Истиқлолияти давлатии кишварамон, сиёсати хирадмандонаи Асосгузори сулҳу ваҳдати миллӣ – Пешвои миллат, Президенти кишвар, муҳтарам Эмомалӣ Раҳмон ва Раиси вилояти Суғд, Раҷаббой Аҳмадзода миллати мо дар озодии виҷдон, дину ақида, адои маросимҳои суннатию динӣ ба имкониятҳои фаровон ноил гардид.

Муфассал... Шарҳ додан

Мулоқоти муфид дар чойхонаи «Сари санг»

23 Август 2018

Дар чойхонаи «Сари санг»-и маҳаллаи Раззоқи шаҳри Хуҷанд бо мақсади пешгирии зӯроварӣ дар оила ва эмин мондан аз ҳамагуна бемориҳои сироятӣ бо духтурони марказҳои саломатии шаҳр мулоқот баргузор гардид.

Муяссар Сангинова, мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд воҳӯриро оғоз бахшида, онро масоили мубрами рӯз унвон намуд.

Сипас, духтури калони оилавии маркази саломатии №1 Шафоат Ғафурова дар баромади худ оид ба пешгирии бемории сироятии ВНМО (Вич Спид) маълумот дода, аз одами гирифторшуда роҳу усули ба шахси солим гузаштани беморӣ маълумот дода, аз ҳозирин даъват ба амал овард, ки дар ин самт эҳтиёткориро пеша намоянд.Зикр шуд, ки бемории мазкур асосан ба василаи алоқаи ҷинсӣ, кандани дандон, истифодаи сӯзандориҳои бемор, ба воситаи хун ва ғайра ба шахси дигар интиқол меёбад.

Муфассал... Шарҳ додан

Қисми низомии 3501 фазои идона дошт

21 Август 2018

Тибқи ҷадвали тасдиқнамудаи Мақомоти иҷроияи ҳокимияти давлатии шаҳри Хуҷанд дар қисми низомии 3501 РВКД ҶТ дар шаҳри Хуҷанд бахшида ба Иди саиди Қурбон ҷамъомади тантанавӣ ва дастархони идона ороста шуд.

Намояндаи Мақомоти иҷрояии ҳокимияти давлати вилояти Суғд Ғолиб Шарифозода табрикоти Раиси вилояти Суғд Раҷаббой Аҳмадзодаро ба самъи сарбозону афсарон расонд, ки дар он аз ҷумла омадааст: «Ба шарофати сиёсати оқилонаи Президенти мамлакат имрўзҳо дари масҷидҳо барои намозгузорон боз мебошад. Бояд шукр гўем, ки мусалмонони диёрамон тамоми рукнҳои дини мубини Исломро озодона иҷро менамоянд. Аз ҷумла, имсол аз вилоятамон беш аз 1600 нафар ба зиёрати маконҳои муқаддас сафарбар шуда яке аз рукнҳои муҳими дини мубини ислом - маросими ҳаҷро ба ҷо оварда истодаанд.

Муфассал... Шарҳ додан