АсосӣБойгонӣ

Навгонӣ

Раиси шаҳри Хуҷанд ба зиёда аз 50 нафар Ифтихорнома тақдим намуд

06 Сентябр 2018

Субҳи имрӯз дар толори Муассисаи давлатии «Кохи фарҳанги Суғдиён» Раиси шаҳри Хуҷанд Маъруф Муҳаммадзода зиёда аз 50 нафар фаъолони касбу кори гуногуни шаҳри Хуҷандро ба муносибати 27-умин солгарди Истиқлолияти давлатии Ҷумҳурии Тоҷикистон таҳният гуфта, ба эшон Ифтихорномаи Мақомоти иҷроияи ҳокимияти давлатии шаҳри Хуҷанд тақдим намуд.

Раиси шаҳри Хуҷанд зимни баромади худ аз ҷумла гуфт, ки «Истиқлолияти давлатӣ, ки Ҷумҳурии Тоҷикистон бисту ҳафт сол муқаддам ба он соҳиб гардид, дар таърихи халқи тоҷик нодиртарин падидаи сиёсиву сарнавиштсоз мебошад. Ин рўз, барҳақ оғози давраи комилан нав дар таърихи давлатдории тоҷикон, марҳалаи тоза дар ташаккули тафаккур ва фалсафаи давлатдорӣ маҳсуб мешавад. Тавре, ки Пешвои муаззами миллат, муҳтарам Эмомалӣ Раҳмон пайваста таъкид менамоянд: «Нерўи бузурги мардуми кишвари мо, пеш аз ҳама, дар ягонагӣ ва ваҳдати шаҳрвандони он зоҳир меёбад».

Муфассал... Шарҳ додан

Суханронӣ дар маросими ифтитоҳи Коллеҷи технологӣ ва дорусозӣ дар ноҳияи Ёвон

06 Сентябр 2018

Муҳтарам омӯзгорон ва донишҷӯёни азиз!
Ҳозирини гиромӣ!

Дар оғоз мехоҳам тамоми сокинони шуҳратманду заҳматпешаи ноҳияи Ёвон ва ҳамаи шумо, ҳозирини гиромиро ба ифтихори ҷашни бузургу муқаддаси миллиамон - бистуҳафтумин солгарди истиқлолияти давлатӣ, ки тантанаи адолати таърихӣ ва рамзи сарбаландии халқи тоҷик мебошад, самимона табрик гуфта, ба ҳамаи шумо бахту иқболи нек ва барору комёбӣ орзумандам.

Ду сол қабл дар Паёми Президенти мамлакат ба Маҷлиси Олӣ таъкид шуда буд, ки дар 15 соли оянда ба таври назаррас афзоиш ёфтани саҳми соҳаи саноат дар маҷмӯи маҳсулоти дохилӣ бояд таъмин гардад ва Тоҷикистон ба кишвари индустриаливу аграрӣ табдил дода шавад.

Муфассал... Шарҳ додан

Ба истифода додани бинои нави меҳмонхонаи замонавӣ дар ноҳияи Ёвон

06 Сентябр 2018

Дар доираи сафари корӣ ба ноҳияи Ёвони вилояти Хатлон 6 сентябри соли 2018 дар кӯчаи ба номи Абдураҳмони Ҷомии ноҳия Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави меҳмонхонаи замонавиро ба истифода доданд.

Меҳмонхона аз ҷониби соҳибкор Акбар Ғуломов бо харҷи бештар аз 4 миллион сомонӣ сохта шуда, тамоми утоқҳои он бо лавозимоти муосиру зарурии истироҳату фароғат таъмин мебошад.

Президенти Ҷумҳурии Тоҷикистон муҳтарам Эмомалӣ Раҳмон нахуст дар ошёнаи якуми бино бо шароити ҳуҷраҳои махсус, аз ҷумла, ҳуҷраҳои оилавии истироҳату хоб шинос шуданд.

Дар қабати якуми меҳмонхона ҳамчунин ҳаммом, ҳавзи шиноварӣ бо услуби хизматрасониҳои муосир, аз ҷумла, толори машқу тамрини бадан низ бунёд карда шудааст.

Муфассал... Шарҳ додан

Суханронӣ дар маросими ифтитоҳи муассисаи таҳсилоти миёнаи умуми рақами 80 дар ноҳияи Ёвон

06 Сентябр 2018

Муҳтарам аҳли маорифи ноҳияи Ёвон!
Шогирдони азиз ва ҳозирини гиромӣ!

Имрӯз дар ноҳияи Ёвон дар арафаи ҷашни муқаддасу бузурги миллиамон – истиқлолияти давлатӣ боз як муассисаи замонавии таълимӣ - мактаби таҳсилоти миёнаи умумии рақами 80 ифтитоҳ гардид.

Кулли сокинони сарбаланду ободкори ноҳияи Ёвон ва ҳамаи шумо, ҳозирини арҷмандро ба ифтихори ҷашни соҳибдавлативу соҳибватанӣ ва ба фаъолият оғоз кардани ин боргоҳи маърифат самимона табрик мегӯям.

Мо бояд ҳамеша дар хотир дошта бошем, ки истиқлолият на танҳо ифтихор кардан аз соҳибдавлативу соҳибихтиёрӣ аст, балки заҳмат кашидан ба хотири таҳкими ин дастоварди беназири таърихӣ ва пешрафти имрӯзу фардои Ватани маҳбубамон мебошад.

Муфассал... Шарҳ додан

Оғози навсозии роҳҳои ҳудуди шаҳраки Ёвони ноҳияи Ёвон

06 Сентябр 2018

Рӯзи 6 сентябр дар доираи вусъати корҳои созандагию ободонӣ ба истиқболи ҷашни бузурги Истиқлолияти давлатии Ҷумҳурии Тоҷикистон бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Ёвон навсозии роҳҳои ҳудуди шаҳраки Ёвон оғоз гардид.

Бунёду навсозии роҳу пулҳои мошингард ва таҷдиди як қатор инфрасохтори муҳими мамлакат, дар заминаи дастуру супоришҳои мушаххаси Сарвари давлат муҳтарам Эмомалӣ Раҳмон бо рӯҳия ва ҳисси баланди миллӣ анҷом дода мешавад.

Навсозии роҳҳои мошингард дар ҳудуди шаҳраки ноҳияи Ёвон мувофиқи меъёрҳои муосир амалӣ гардида, тибқи лоиҳа 16 километрро дар бар мегирад.

Муфассал... Шарҳ додан