АсосӣБойгонӣ

Навгонӣ

Таъиноти кадрӣ

18 Сентябр 2018

Имрӯз дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои муовинони Раиси Вилояти Мухтори Кӯҳистони Бадахшон, мақомоти судӣ ва ҳифзи ҳуқуқу тартибот дар Вилояти Мухтори Кӯҳистони Бадахшон ба вазифаҳои масъулу роҳбарикунанда таъин гардиданд, барои суҳбат ба ҳузур пазируфтанд.

Бо фармони Президенти Ҷумҳурии Тоҷикистон Додихудозода Давлатмо Бахтибек аз вазифаи раиси суди Вилояти Мухтори Кӯҳистони Бадахшон озод гардида, Усмонзода Шоғуфрон – Раиси Суди Вилояти Мухтори Кӯҳистони Бадахшон таъин гардид.

Муфассал... Шарҳ додан

Вакилон чорабиниҳои марбути муқовимат ба экстремизм ва терроризм барои солҳои 2016-2020-ро мавриди баррасӣ қарор медиҳанд

18 Сентябр 2018

Санаи 24-уми сентябри соли равон иҷлосияи понздаҳуми Маҷлиси вакилони халқи шаҳри Хуҷанд даъвати панҷум баргузор мегардад.

Дар Иҷлосия асосан як масъала «Рафти иҷрои Фармони Президенти Ҷумҳурии Тоҷикистон аз 12 ноябри соли 2016, №776 «Дар бораи Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020» дар шаҳри Хуҷанд мавриди баррасӣ қарор дода мешавад.

Ҳамчунин дар иҷлосия аз ҷониби вакилон ваколати вакилии вакили Маҷлиси вакилони халқи шаҳри Хуҷанд, даъвати панҷум ба ивази вакили хориҷшуда аз ҳавзаи интихоботии «Ватан» №35 тасдиқ гардида, ҳисоботи комиссияи доимии ислоҳоти иқтисодӣ ва буҷет, масоили номгузорӣ, қарорҳои Раиси шаҳр ва ғайра мавриди баррасӣ ва омӯзиш қарор мегиранд.

Муфассал... Шарҳ додан

Далер Назаров дар Рӯзи Хуҷанд бо сурудҳои нав хуҷандиёнро табрик менамояд

17 Сентябр 2018

Санаи 22-юми сентябри соли равон дар Кохи «Суғдиён» Рӯзи Рӯдакӣ ва санаи 23-юми сентябри соли ҷорӣ дар назди театри Камоли Хуҷандӣ бо иштироки меҳмонони дохиливу хориҷӣ Рӯзи шаҳри Хуҷанд таҷлил карда мешавад.

Бо ин мақсад аз тарафи Раиси шаҳр Маъруф Муҳаммадзода тамоми сохторҳои Мақомоти иҷроияи ҳокимияти давлатии шаҳри Хуҷанд вазифадор карда шудаанд, ки барои дар сатҳи баланд гузаронидани чорабинии мазкур саҳмгузор бошанд.

Дар Рӯзи шаҳри Хуҷанд ҳамчунин беш аз 70 адад хаймаи дастовардҳои соҳаҳои гуногуни шаҳр бо шумули маҳсули ҳунарҳои миллӣ, истеҳсолоти корхонаҳои саноатӣ, бофандагӣ, қаннодӣ, ширӣ, гӯштӣ ва ғайра ба маърази тамошо гузошта мешавад. Ҳамзамон унвони навбатии «Шаҳрвандони фахрии шаҳри Хуҷанд» ва ба 40 нафар занҳои ҳунарманд грантҳои Раиси шаҳри Хуҷанд тақдим карда мешаванд.

Муфассал... Шарҳ додан

«Ганҷи сухан» ба истиқболи Рӯзи Рӯдакӣ

18 Сентябр 2018

Маҳфили илмиву адабии “Ганҷи сухан» нишасти навбатии худро ба Рӯзи Рӯдакӣ ва истиқболи Рӯзи забони тоҷикӣ, ҳамчунин фаъолияти илмӣ ва омӯзгории доктори илмҳои филологӣ, профессор Матлубаи Мирзоюнус бахшид.

Маҳфилро дар толори калони Донишгоҳи давлатии Хуҷанд ба номи академик Бобоҷон Ғафуров номзади илмҳои филология,дотсенти кафедраи адабиёти классикӣ Саидумрон Саидов ифтитоҳ бахшид. Аз рӯи нақша муовини ректори донишгоҳ оид ба илм ва иноватсия Хайрулло Сабуров дар мавзӯи “Устод Рӯдакӣ ва шӯҳрати ҷаҳонии забони тоҷикӣ” суханронӣ кард. Ӯ гуфт, ки дар арафаи иди адабиёту илм руҷӯъ намудан ба осори илмиву адабӣ ва педагогии доктори илмҳои филологӣ, профессор Матлубаи Мирзоюнус басо рамзӣ буда, арҷ гузоштан ба хидматҳои чандинсолаи олима вазифаи ҷонии мост.

Муфассал... Шарҳ додан

«Хуҷанд» ба нимниҳоӣ расид

17 Сентябр 2018

Бозии ҷавобии чорякниҳоии Ҷоми Тоҷикистон миёни дастаҳои «Хуҷанд» ва «Барқчӣ» рӯзи якшанбе, 16-уми сентябр, дар варзишгоҳи «20-солагии Истиқлолияти Тоҷикистон»-и шаҳри Хуҷанд бо ҳузури 3000 тамошобин баргузор шуд.

Бояд қайд намуд, ки дастаи «Хуҷанд», ки дар бозии ҷавобии чорякниҳоии Ҷоми Тоҷикистон бар тими «Барқчӣ» -и Ҳисор аз рӯи силсилаи пеналтӣ пирӯз шуд, ба даври ниманиҳоӣ роҳ ёфт.Аз ин пеш дар бозии аввал, ки 23-юми август дар Варзишгоҳи марказии шаҳри Ҳисор барпо гардид, «Хуҷанд» бо ҳисоби 2:0 ғолиб омада буд. Ин дафъа замони асосии бозӣ бо пирӯзии футболбозони «Барқчӣ» бо ҳисоби 2:0 хотима ёфт. Голҳоро Шарафҷон Солеҳов дар дақиқаи 30-юм ва Тоҳир Малодӯстов дар дақиқаи 31-ум ба самар расонданд. Замони изофӣ бидуни гол ба поён расид. Дар задани силсилаи зарбаҳои 11-метрӣ «Хуҷанд» маҳорати хуб зоҳир кард ва бо ҳисоби 4:2 пирӯз шуд.

Муфассал... Шарҳ додан