АсосӣАрхив

Навгонӣ

Паёми Президент раҳнамои зиндагии ҷомеа

(1 голос, среднее 5.00 из 5)

05 Май 2013

Недоступен ни однин перевод.

Паёми ирсолгардидаи Сардори давлат, мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон (26.04.2013) воқеан, асоси рушду нумӯи ҷомеа ва соҳаҳои хоҷагии халқи мамлакат маҳсуб мешавад.

Бо мақсади фаҳмонидани моҳияти Паёми Президенти кишвар ба шаҳрвандони Хуҷанд давоми як ҳафта аст, ки вохӯрии вакили Маҷлиси намояндагони Маҷлиси Олии Ҷумҳурии Тоҷикистон Домуллоҷон Ҷабборов бо кормандони соҳоти мухталиф ва сокинони маҳаллаҳои шаҳр гузаронида мешавад.

То ба имрӯз дар Минтақаи озоди иқтисодӣ бо коркунони соҳаи саноат ва энергетика, дар бахши Бонки миллии Тоҷикистон дар шаҳри Хуҷанд бо иқтисодчиёну молиячиён, дар ҶММ «Ҷавонӣ» бо кормандони саноати сабук, дар КВДК «Хуҷандобуканал» бо намояндагони ин соҳа, дар МТМУ №12 бо намояндагони маҳаллаҳои шаҳр вохӯриҳои вакил Д.Ҷабборов баргузор гардид.

Читать полностью

Ҳафтаи поси хотир: ҲЕҶ КАС ВА ҲЕҶ ФАРОМӮШ НАМЕШАВАД

(2 голоса, среднее 4.50 из 5)

04 Май 2013

Недоступен ни однин перевод.

Дар доираи «Ҳафтаи поси хотир» тибқи нақшаи чорабиниҳои Мақомоти иҷроияи ҳокимияти давлатии шаҳри Хуҷанд кӯчаи навбунёд дар маҳаллаи 29-уми шаҳр ба номи иштирокчии Ҷанги Бузурги Ватании солҳои 1941-1945 Маъмур Акрамов гузошта шуд.

Ба ин муносибат бо иштироки фаъолони шаҳр, собиқадорони ҷангу меҳнат ва пайвандони М.Акрамов ҷамъомад баргузор гардид.

Нахуст назди ҳозирин муовини Раиси шаҳри Хуҷанд Бобоҷонова М баромад карда, оид ба қаҳрамониҳои бузурги фарзандони тоҷик дар солҳои ҷанги мудҳиши ҷаҳон барои ба даст овардани Fалаба дар ҶБВ ибрози ақида намуд. Аз ҷумла, қайд гардид, ки яке аз чунин фардони бонангу номуси солҳои ҷанг Маъмур Акрамов буданд, ки барои озод кардани Ватан аз дастони фашистони хунхор сина сипар намудаанд. Месазад, ки корнамоиҳои бобоёну падарони шуҷоатманду далер мояи ифтихори насли имрӯз ва намунаи ибрат барои наврасону ҷавонон бошад.

Читать полностью

Таҷлил: Намунаи ҷомеа

02 Май 2013

Недоступен ни однин перевод.

Дар асоси қарори Раиси вилояти Суғд, мӯҳтарам Қоҳир Расулзода ва қарори Раиси шаҳри Хуҷанд Раҷаббой Каримов ҷашни 80-солагии зодрӯзи духтури шоистаи Тоҷикистон ва ташкилотчии соҳаи нигаҳдории тандурустӣ Мирзосангин Қутфиддиновро таҷлил карда шуд. Ба ҳамин муносибат дар толори маҷлисии Беморхонаи клиникавиии вилоят ҷамъомади дӯстону пайвандон доир гардид. Номаи табрикии Сарвари вилоят Қоҳир Расулзодаро муовини Раиси вилоят Мавҷуда Бобоева ба самъи соҳибҷашн ва аҳли нишаст расонд. Таъкид гардид, ки шӯъбаи нигаҳдории тандурустии Кумитаи иҷроияи вилояти Ленинобод донишу ташкилотчигии ӯро ба назар гирифта, соли 1967 сардухтури беморхонаи клиникавии вилоятӣ тайин намуд ва фаъолити ӯ 25 сол ба ин ҳайс давом кард. Бо ташаббуси ӯ лоиҳаи беморхонаи ҳозиразамонаи вилоятӣ кашида шуда, соли 1982 бинои нави беморхонаи клиникавии вилоятӣ барои беш аз 1000 нафар беморон сохта шуд.

Читать полностью

Шароити илмомӯзии аъзои ҲНИТ

02 Май 2013

Недоступен ни однин перевод.

Ҳизби наҳзати исломии Тоҷикистон (ҲНИТ) дар шаҳри Хуҷанд ва умуман вилояти Суғд бештар ба қонунвайронкуниҳо роҳ дода, қонунҳо ва талаботи мавҷударо риоя накарда истодааст. Чунончӣ, ҳар ҳафта рӯзи чоршанбе дар бинои бахши ҲНИТ дар вилояти Суғд шумораи зиёди занҳо, аз 80 то 150 нафар ҷамъ гардида, дар зери ниқоби гирифтани дарси арабӣ ба мавлудхонӣ ва амри маъруф машғул мешаванд. Ин ҷамъомадҳо асосан дар таҳхонаи бинои ҲНИТ дар шаҳри Хуҷанд сурат мегиранд, ки чор тарафи таҳхона деворбанд буда, ҳатто, ягон тиреза надорад. Яъне, шароитҳои санитарӣ умуман ба эътибор гирифта нашудааст.

Читать полностью

Варзиш: Бохти дастаи «Равшан» - «Ал-Шорта» 1 : 3

(1 голос, среднее 5.00 из 5)

01 Май 2013

Недоступен ни однин перевод.

Дар варзишгоҳи «20 солагии Истиқлолияти Ҷумҳурии Тоҷикистон» бозии навбатии футбол барои дарёфти Ҷоми AFC - Конфедератсияи футболи Осиё байни дастаҳои «Равшан»-и Кӯлоб ва «Ал-Шорта»-и Сурия баргузор гардид. Дар он вазифаи довари марказиро Сухбир Синх (Сингапур) ба ҷо овард. Дар дақиқаи 14-уми бозӣ бозингари дастаи «Ал-Шорта» таҳти рақами 33 Муҳаммад Ал Воҳид ҳисобро кушод. Дар дақиқаи 27 бошад, голи дуюми дастаи «Ал-Шорта»-ро бозингар таҳти рақами 55 Аҳмад Каласӣ зад. Дар дақиқаи 42-юми қисми аввал бозингари дастаи «Равшан»-и Кӯлоб таҳти рақами 11 Давронҷон Тӯхтасунов ҳисоби бозиро тағйир дод ва бо ҳамин қисми аввал бо ҳисоби 1 : 2 ба анҷом расид. Дар қисми дуюми бозӣ, дақиқаи 58-ум голи сеюми дастаи «Ал-Шорта»-ро бозингари дастаи меҳмонон таҳти рақами 10 Аммар Закоур зад. Ва бо ҳамин бозии гурӯҳи «Д» байни дастаҳои «Равшан» ва «Ал-Шорта» бо ҳисоби 1 : 3 ба фоидаи дастаи «Ал-Шорта» ба анҷом расид.

Пас аз анҷоми бозӣ нишасти матбуотӣ барои рӯзноманигорони хориҷиву ватанӣ доир гардид. Сармуррабиёни дастаҳо Fайраталӣ Мирраҳматов («Равшан»-и Кӯлоб) ва Ваил Акил (менеҷменти «Ал-Шорта»-и Сурия) андешаҳояшонро доир ба бозӣ баён намуданд.